Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Buku Ya Lembe Ya Timbhoni Ta Yehovha Ya 2017

Warwick, NY: World Headquarters

Swiendlakalonkulu Swa Lembe Leri Nga Hundza

Swiendlakalonkulu Swa Lembe Leri Nga Hundza

 LESWI makhombo ya misava ya Sathana ma ya ka ma andza, vagandzeri va Yehovha vo tshembeka va ya emahlweni va “va ni swo tala swo swi endla entirhweni wa Hosi.” (1 Kor. 15:58) Swiviko leswi landzelaka swi kombisa matshalatshala lawa Timbhoni ta Yehovha emisaveni hinkwayo ti ma endlaka leswaku ti ‘tshemba Yehovha . . . , ti endla leswinene . . . , ni ku endla hi ku tshembeka.’—Ps. 37:3.

Ku Rhurha Ka Ntsindza Wa Misava Hinkwayo Ni Hofisi Ya Rhavi

Ku ndlandlamuxiwa ka miako eWallkill, le New York, ku hetiwe hi February 1, 2016, leswi endleke leswaku Komiti ya Rhavi ya le United States, Ndzawulo ya Ntirho ni tindzawulo tin’wana ta le United States ti rhurhela endhawini yoleyo. Leswi ntirho wa ntsindza lowuntshwa wa misava hinkwayo eWarwick a wu ri ekusuhi ni ku hela, swirho swa ndyangu wa Bethele eBrooklyn swi endle ntirho lowukulu  leswaku swi rhurha eDorobeni ra New York swi ya endhawini leyi nga ekule ni doroba.

Hi Musumbhunuku, April 3, 2017, entsindza wa misava hinkwayo eWarwick ku ta va ku valangiwa, laha ku nga ta va ni minkombiso yinharhu leyi eka yona vanhu va nga ta tivalangela kutani endzhaku va valangisiwa.

  1. “Bibele Ni Vito Ra Xikwembu” nkombiso lowu wu kombisa Tibibele leti kalaka naswona wu kandziyisa nkoka wo va vito ra Xikwembu ri va kona eMatsalweni.

  2. “Vanhu Va Vito Ra Yehovha” nkombiso lowu wu kombisa matimu ya vuxaka lebyi Timbhoni ta Yehovha ti nga na byona ni Xikwembu ni ku kombisa ndlela leyi Yehovha a ya ka emahlweni a kongomisa, a dyondzisa ni ku hlela leswaku vanhu vakwe va endla ku rhandza kakwe.

  3. “Leswi Fikeleriweke eNtsindza Wa Misava Hinkwayo” nkombiso lowu wu hlamusela leswi Tikomiti Ta Huvo leyi Fumaka ti swi endlaka leswaku ti pfuna vanhu va Yehovha leswaku va hlangana, va endla vadyondzisiwa, va dyondza hi Xikwembu ni ku va va kombisana rirhandzu.

Ku tivalangela ku sungula hi Musumbhunuku ku fikela hi Ravuntlhanu ku sukela hi 8:00 nimixo ku fikela hi 4:00 nindzhenga. Vaendzi va ta tlhela va tsakela ku valangisiwa timinete ta 20 laha va nga ta hlamuseriwa hi mintirho yo hambanahambana leyi endliwaka eBethele. Ku valangisiwa koloko loku komeke ku ta sungula hi Musumbhunuku ku fikela hi Ravuntlhanu, ku sukela hi 8:00 nimixo ku fikela hi 11:00 nimixo ni ku sukela hi 1:00 nindzhenga ku fikela hi 4:00 nindzhenga.

Loko u nga si lunghiselela ku endza, hi kombela u nghena eka jw.org ivi u nghena ehansi ka nhlokomhaka leyi nge MALUNGHANA NA HINA> MARHAVI NI KU VALANGA> United States..

EKA XIYENGE LEXI

Ku Rhangisa Ntirho Wo Chumayela eMisaveni Hinkwayo

Xana lava a va ri swirho swa ndyangu wa Bethele va lulamise njhani swiyimo leswaku va tolovelana ni swiyimo leswintshwa?

“Mi Vaakelani Lavanene”

Hi mahelovhiki ya May 7 na 8, 2016, a ku valangiwa matimu ya Bibele naswona swi nyikele vumbhoni eka vanhu lava tshamaka ekusuhi na Bethele ya le Brooklyn.

Nhlangano Lowuntshwa Wa Mahanyelo Ni Ntirho Wa Hina Wo Chumayela

Hi January 2016, ku endliwe ku cinca eka minhlangano ya le xikarhi ka vhiki emisaveni hinkwayo.

Nongonoko Wa JW Broadcasting ‘Wu Endla Leswaku Hi Va Ni Matimba Wu Tlhela Wu Hi Phyuphyisa!’

Nongonoko wa JW Broadcasting wu sungule hi 2014 naswona wu hlalela hi vanhu va tindzimi to tlula 90. Xana lava wu hlalelaka va angule njhani?

Ku Nyiketeriwa Ka Marhavi

Ku nyiketeriwa ka miako leyintshwa ya le Armenia ni ya le Kyrgyzstan a ku ri swiendlakalo swo tsakisa eka Timbhoni ta le ndhawini ya kwalaho.

Xiviko Xa Nawu Xa 2016

Hi swihi swiphiqo swa nawu leswi Timbhoni ti langutaneke na swona hi lembe ra 2016?

Swiviko Leswi Humaka eMatikweni Man’wana

Swiviko swa ntirho lowu Timbhoni ta Yehovha ti wu endlaka eJarimani, eBelize, eBurundi, eNepal, eItaly, eArgentina, eUganda, eCongo (Kinshasa) ni le Papua New Guinea.