LESWI vagandzeri va ntiyiso va pfumelaka leswaku Yehovha i Xihlovo xa ku vonakala ka ntiyiso, va khongela hi ku hiseka leswaku ‘ku vonakala ni ntiyiso’ wakwe swi va kongomisa. (Ps. 43:3) Hambileswi misava yi nga emunyameni hi tlhelo ra moya, Xikwembu xa ntiyiso xi hambeta xi voningela vanhu va xona. Hikwalaho ka sweswo, ndlela ya vona “yi fana ni ku vonakala ko vangama loku vonakalaka hakatsongo-tsongo.” (Swiv. 4:18) Ku vonakala loku humaka eka Yehovha ku hambeta ku voningela ntirho wa vona, tidyondzo swin’we ni mahanyelo ya vona. Hi tihi tin’wana ta tidyondzo ta hina leti hlamuseriweke kahle eka malembe ya sweswinyana?