Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Buku Ya Lembe Ya Timbhoni Ta Yehovha Ya 2016

 INDONESIA

Nhlengeletano Leyi Nga Rivalekiki

Nhlengeletano Leyi Nga Rivalekiki

KU SUKELA hi August 15 ku ya fikela eka 18, 1963, madzana ya vahuweleri emisaveni hinkwayo ni vaendzi lava humaka ematikweni yo hambanahambana ya 122 a va hlengeletane edorobeni ra Bandung, eWest Java. A va tele ku ta va eka Nhlengeletano leyi nge “Mahungu Lamanene Lama Nga Heriki,” ku nga nhlengeletano yo sungula ya matiko yo hambanahambana leyi khomeriweke eIndonesia.

Leswaku ku lunghiseleriwa xiendlakalo lexi, vamakwerhu a va fanele va hlula swiphiqo swo tala. Ndhawu leyi nhlengeletano a yi ta khomeriwa eka yona a yi fanele yi cinciwa kanharhu hikwalaho ka minkhuvo ya Siku ra ku tlangela Ntshunxeko wa tiko. Loko ku tlakuka ka minxavo ku endle leswaku valawuri va tlakusa mali ya swo famba ha swona hi tiphesente ta 400, vapfhumba van’wana va antswise endlelo ra vona leri tolovelekeke ra swo famba. Makwerhu un’wana u fambe masiku ya tsevu leswaku a ya enhlengeletanweni. Vapfhumba va 70 vo huma eSulawesi va fambe masiku ya ntlhanu hi le ndhawini ya byatso leswaku va ya enhlengeletanweni.

Enhlengeletanweni yoleyo, vapfhumba lava a va te eIndonesia a va tsake swinene loko va hlangana ni vamakwerhu lava humaka ematikweni man’wana, ku katsa ni swirho swimbirhi swa huvo leyi fumaka, ku nga Frederick Franz na Grant Suiter. Mupfhumba un’wana u te: “Vamakwerhu va vonaka va tsakile swinene; va tshama va ri karhi va hleka ni ku n’wayitela.”

A ku ri ni vanhu vo tlula 750 enhlengeletanweni naswona ku khuvuriwe vanhu va 34. Ronald Jacka u ri: “Nhlengeletano leyi, leyi nga rivalekiki yi endle leswaku vanhu vo tala lava tsakelaka va seketela ntiyiso. Yi endle leswaku vamakwerhu va kwalaho va hisekela ntirho wa Xikwembu.”

Ronald Jacka (exineneni) a ri karhi a nyikela nkulumo eNhlengeletanweni ya 1963 leyi nge “Mahungu Lamanene Lama Nga Heriki” swin’we ni mutoloki wakwe

DYONDZA SWO TALA

Ha Yini Timbhoni ta Yehovha Ti Ya eTinhlengeletanweni Letikulu?

Lembe ni lembe, hi va ni tinhlengeletano tinharhu to hlawuleka. U nga vuyeriwa njhani eka tinhlengeletano leti?