Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Buku Ya Lembe Ya Timbhoni Ta Yehovha Ya 2016

 INDONESIA

Ndzi Pone Nyimpi Ya Makhomunisi

Ronald Jacka

Ndzi Pone Nyimpi Ya Makhomunisi
  • U VELEKIWE HI 1928

  • U KHUVURIWE HI 1941

  • MATIMU YAKWE HI KU KOMISA A a ri nandza wa rhavi ra le Indonesia ku ringana malembe yo tlula 25.

HI MATAKUXA ya October 1, 1965, masocha lama tirhisanaka ni Nhlangano wa Makhomunisi ma dlaye tindhunankulu ta tsevu leti dumeke leswaku ma pfukela mfumo. Mfumo wu teke goza hi xihatla kambe hi ndlela ya tihanyi. A wu hlamuseriwa tanihi lowu nga ni “tihanyi” etikweni hinkwaro hikuva wu dlaye makhomunisi ya kwalomu ka 500 000.

Endzhakunyana ka mavhiki yo hlayanyana tsima ra ku pfukela mfumo ri nga fambanga kahle, murhangeri lonkulu wa masocha u ndzi byele leswaku vito ra mina a ri ri eka nxaxamelo wa varhangeri va vukhongeri lava makhomunisi ma lavaka ku va dlaya endhawini ya ka hina. U tlhele a lava ku ndzi komba laha sirha ra mina a ri ceriwe kona, kambe ndzi arile. Tanihi leswi a ku ri ni mpfilumpfilu eka swa tipolitiki, a ndzi nga fanelanga ndzi voniwa ndzi ri ni murhangeri yoloye, hi ku endla tano a swi ta vonaka onge ndzi landzula ripfumelo ra mina tanihi Mukreste.

DYONDZA SWO TALA