• U VELEKIWE HI 1927

  • U KHUVURIWE HI 1962

  • MATIMU YAKWE HI KU KOMISA A a ri mulanguteri wa maphorisa loyi endzhaku a veke phayona ro hlawuleka malembe yo tlula 50.

HI 1964, ndzi averiwe ku ya va phayona ro hlawuleka eManokwari, le West Papua, laha vandlha leritsongo ra kwalaho ri langutaneke ni ku kanetiwa lokukulu hi vafundhisi va le ndhawini ya kwalaho. Endzhakunyana ka loko ndza ha ku fika, holobye wa Muprotestente u te endlwini ya mina.

U vulavule hi rito ra le henhla a ku: “Ndzi lava ku mbundzumuxa yindlu leyi kutani ndzi herisa Timbhoni ta Yehovha ta laha Manokwari.”

Tanihi leswi a ndzi leteriwe tanihi phorisa, marito yakwe a ma ndzi chavisanga. Hambiswiritano, ndzi n’wi hlamule hi ndlela yo rhula kutani u hetelele a famba hi ku rhula1 Pet. 3:15.

Hi nkarhi wolowo eManokwari a ku ri ni vahuweleri va nhungu. Sweswi endzhaku ka loko ku hundze malembe ya kwalomu ka 50, ku ni mavandlha ya nkombo. Vanhu vo tlula 1 200 va ve kona eka nhlengeletano ya kwalaho hi 2014. Loko ndzi vona leswi Yehovha a swi endleke endhawini leyi, leyi nga ekule ndzi titwa ndzi phyuphya.