Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Buku Ya Lembe Ya Timbhoni Ta Yehovha Ya 2015

 SWIENDLAKALO-NKULU SWA N’WEXEMU

Ku Nyiketeriwa Ka Rhavi Ra Le Sri Lanka

Ku Nyiketeriwa Ka Rhavi Ra Le Sri Lanka

VAMAKWERHU va kwalaho lava a va ambale swiambalo swa ndhavuko wa le Sri Lanka va amukele vapfhumba va 130, lava a va huma ematikweni ya 19 lava a va ta eka nongonoko wo nyiketela rhavi eka xihlala lexi xo saseka. Ntlawa wa vana wu yimbelele tinsimu ta Mfumo naswona hinkwavo va tsakisiwe hi ku vona swilo swa ndhavuko leswi a ku khavisiwe ha swona, swakudya swo xawula swa kwalaho ni vuyimbeleri byo tsakisa ku katsa ni xinakulobye xa Vukreste.

Miako leyintshwa swin’we miako leyi pfuxetiweke ya rhavi yi nyiketeriwe eka Yehovha hi Mugqivela, January 11, 2014, laha vayingiseri va 893 a va rhiye ndleve eka nongonoko lowu a wu khomiwe hi tindzimi tinharhu. Ku biwe mavoko loko Mark Sanderson wa Huvo leyi Fumaka a vutisa a ku, “Xana ma swi tsakela ku nyiketela miako leyi leyintshwa eka Yehovha Xikwembu?”

 Hi siku leri landzeleke, vanhu va 7 701 va tiphine hi nongonoko wa Mugqivela lowu tlheleke wu tlangiwa ni nkulumo leyi khutazaka ya Makwerhu Sanderson. Vanhu a va vona nongonoko etindhawini letikulu ta ntlhanu ta le tikweni. A ku ri ro sungula leswaku fambiselo ro tlanga vhidiyo eka Internet ri endla swi koteka leswaku vamakwerhu lava nga etindhawini hinkwato ta le xihlaleni va vonana ni ku twanana loko va ri karhi va yimbelela tinsimu ta Mfumo. Hakunene xiendlakalo lexi xa matimu xi endle leswaku ku va ni “ku tsaka lokukulu.”—Neh. 12:43.

DYONDZA SWO TALA

Ku Endliwa Yini eRhavini Ra Timbhoni Ta Yehovha?

Vaendzi va amukelekile ku ta valangisiwa erhavini rin’wana ni rin’wana ra hina. Na wena ha ku rhamba!

Tihofisi Ni Ku Valanga: Sri Lanka

Vaendzi va valanga mahala.