Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Buku Ya Lembe Ya Timbhoni Ta Yehovha Ya 2014

 SWIENDLAKALO-NKULU SWA N’WEXEMU

Va Yi Tlangela Watchtower LAYIBURARI YA LE KA INTERNET

Va Yi Tlangela Watchtower LAYIBURARI YA LE KA INTERNET

Hi June 28, 2013, eka web site ya jw.org a ku ri ni xitiviso xa leswaku Watchtower LAYIBURARI YA LE KA INTERNET (Watchtower ONLINE LIBRARY [WOL]) se yi kumeka hi tindzimi ta 100. Eka Watchtower Layiburari Ya Le Ka Internet u kota ku endla ndzavisiso hilaha u endlaka hakona eka Watchtower Library, leyi kumekaka hi CD-ROM. Watchtower Layiburari Ya Le Ka Internet yi nga tirhisiwa eka switirhisiwa swo tala leswi kotaka ku nghena eka Internet, swo tanihi khompyuta, laptop, tablet kumbe smartphone. Yo tala ya minkandziyiso yi sukela eka lembe ra 2000 ku ya emahlweni. Vuhundzuluxeri Bya Misava Leyintshwa ni Insight on the Scriptures na swona swa kumeka hi tindzimi to tala leti nga ni Watchtower Layiburari Ya Le Ka Internet. Ndhawu leyi nge Secha yi nga tirhiseriwa ku secha rito, xiga kumbe marito lama fambaka swin’we, hilaha swi nga endliwaka hakona eka Watchtower Library. Hi ku tirhisa layiburari leyi ya le ka Internet, u nga swi kota ku lava matsalwa  kumbe rungula hi ririmi rin’wana ivi u endla leswaku yi ku pfulela rona hi ririmi rin’wanyana. Hi lawa marito man’wana yo nkhensa Watchtower Layiburari Ya Le Ka Internet leyi pfunaka ku endla ndzavisiso:

“Ndza yi nkhensa swinene Watchtower Layiburari Ya Le Ka Internet. Loko ndzi vona xitirhisiwa lexi, lexintshwa xo dyondza, a ndzi nga ha tikoti hi ku tsaka. A ndzi swi koti ku tirhisa minongonoko ya le ka khompyuta, kambe ndzi nga vula leswaku xitirhisiwa lexi xo endla ndzavisiso i xa xiyimo xa le henhla. Hakunene ku rhandza ka n’wina vaakelani, vamakwerhu na Yehovha ku vonaka hinkwako-nkwako. Leswi mi endleke Watchtower Layiburari Ya Le Ka Internet swi kombisa leswaku ma khathala. Leyi i nyiko ya risima swinene leyi kombisaka leswaku Yehovha, Tata wa hina wa le tilweni wa hi rhandza naswona u ni nsovo. Ndza nkhensa swinene.”—A. , Argentina.

“A ndzi swi tshembi leswi! Nhlikanhi lowu ndzi nghene eka Watchtower Layiburari Ya Le Ka Internet naswona Xicreole xa le Haiti a ku rin’wana ra tindzimi letintshwa leti a ti ri kwalaho. A ndzi nga ehleketi leswaku leswi swi ta kala swi endleka. Handle ko kanakana, papila leri ri swi kombisa kahle leswaku a ndzi na swo swi vula. Onge Yehovha a nga katekisa matshalatshala ya n’wina hinkwawo naswona onge moya wakwe wo kwetsima wu nga hambeta wu mi kongomisa.”—D.C. , United States.