• U VELEKIWE HI 1880

  • U KHUVURIWE HI 1942

  • MATIMU YAKWE HI KU KOMISA U sungule ku phayona loko a ri ni malembe ya 72.

ZACHAEUS a nga dyondzeriwanga hi munhu Bibele. Kambe endzhaku ka loko a hlaye buku leyi nge Salvation ni leyi nge The Harp of God u nambe a swi xiya leswaku u kume ntiyiso.

Hi Sonto yin’wana nimixo hi 1941, Zachaeus u ye eminhlanganweni ya Timbhoni ro sungula leyi a yi khomeriwa etlhelo lerin’wana ra ntshava laha ku ya kona a a famba tikhilomitara ta nhungu. Leswi a a nga swi tivi leswaku minhlangano yi sungula nkarhi muni, u hatle a fika. Zachaeus u fike a tshama a rindza vamakwerhu leswaku va fika. Endzhaku ko ya eminhlanganweni Tisonto tinharhu eHolweni ya Mfumo, u byele varhangeri va Kereke ya Anglican ya laha a tshamaka kona leswaku va sula vito rakwe a nga ha vi xirho xa kereke.

Munghana wakwe lonkulu loyi a a nghena na yena kereke, u n’wi holoverile a ku: “Mukhalabye ndziwena, loko wo ya emahlweni u famba tikhilomitara ta nhungu u gonya ntshava leyi u ya eholweni ya vanhu lava, u ta fa ni lembe ri nga si hela.” U hambete a vona Zachaeus a gonya ntshava kambirhi hi vhiki ku ringana malembe ya ntlhanu. Eku heteleleni munghana wakwe u file! Endzhaku ka malembe ya 25, Zachaeus a ha tiyile.

Zachaeus u tirhele Yehovha hi ku tshembeka kukondza a fa loko a ri ni malembe ya 97.