Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Buku Ya Lembe Ya Timbhoni Ta Yehovha Ya 2014

 KU CHUMAYELA NI KU DYONDZISA EMISAVENI HINKWAYO

Afrika

Afrika
  • MATIKO 58

  • VAAKA-TIKO 979 685 702

  • VAHUWELERI 1 363 384

  • TIDYONDZO TA BIBELE 3 265 314

“Sweswi Ndzi Lunghekele Ku Huma eBabilona Lonkulu”

Thomson, ku nga jaha leri tshamaka le Uganda, u sungule ku venga kereke yakwe. Hikwalaho ko nyangatsiwa hileswi mufundhisi a a tshamela ku kombela munyikelo, u tshike ku ya ekerekeni. Kambe, u hambete a hlaya Bibele siku ni siku. A a tsakisiwa swinene hi buku ya Nhlavutelo kutani u ringete ku tsala tinhlamuselo ta yona exibukwanini xo tsalela tinotsi. Loko makwerhu a hlangana na Thomson  laha a tirhelaka kona, endhawini leyi a ku akiwa eka yona, u n’wi kume a ri karhi a hlaya Bibele yakwe. Va sungule bulo ro tsakisa naswona Thomson u amukele buku leyi nge Xana Bibele Yi Dyondzisa Yini Hakunene? U hlaye buku yoleyo hinkwayo hi vusiku byin’we. Hi siku leri landzelaka, makwerhu u rhumeriwe rungula leri nge: “Ndzi nkhensa Hosi hikwalaho ka buku leyi u ndzi nyikeke yona. Sweswi ndzi lunghekele ku huma eBabilona Lonkulu.” Thomson u kombele minkandziyiso hinkwayo leyi kombisiweke eka tinhlamuselo ta le hansi ni le ka swiengetelo swa buku yoleyo. U ve xichudeni lexinene xa Bibele, a endla nhluvuko hi ku hatlisa kutani a khuvuriwa hi 2012 eNtsombanweni wa Muganga lowu nge “Hlayisa Mbilu Ya Wena!” Hi March 2013, Thomson u sungule ku va phayona ra nkarhi hinkwawo, a pfuna vanhu van’wana leswaku va vona xilaveko xo huma eBabilona Lonkulu.

U Dyondze Ni Vamakwerhu Va Nhungu

Jimmy u kulele ePort Louis, laha ku nga ntsindza wa Mauritius. U sungule ku nwa loko a ri ni malembe ya 16 naswona a swi tekanga nkarhi leswaku a va xilovekelo. Hakanyingi loko a dakwile a tsandzeka ku tikhoma kutani u pfaleriwe ekhotsweni ku ringana minkarhi yo hlayanyana. Minkarhi yin’wana a a nwa mabodlhela manharhu ya byala byo hisa a tlhela a dzaha tisigarete ta 60 hi siku. Loko a ri hava mali, a a nwa murhi wa ku hlantswa mafasitere lowu nga ni xihoko. A a nwa hambi ku ri xinun’hwerisi xa mana wakwe lexi vuriwaka eau de cologne. Loko munhu un’wana a ta va a n’wi byele leswaku a a languteka onge hiloko a lava ku fa, u ye endhawini leyi va humesaka byala engatini. U tshame kwalaho ku ringana lembe ni hafu, kambe sweswo a swi n’wi pfunanga nchumu nikatsongo.

Rodrigues: Jimmy a a tiyimisele ku cinca mahanyelo yakwe

Eku heteleleni, Jimmy u hlangane ni Timbhoni ta Yehovha kutani a amukela dyondzo ya Bibele. Minkarhi yin’wana, a a tshika ku dyondza kutani a tlhelela ebyaleni. Kutani u  dyondze ni vamakwerhu lava endlaka nhungu. Eku heteleleni, Jimmy u xiye leswaku a a fanele a cinca mahanyelo yakwe. U te: “Ndzi twe onge banga ra moya leri ku vulavuriwaka ha rona eka Vaheveru 4:12 a ri ndzi tlhava mbilu. Siku rin’wana loko ndzi ri karhi ndzi hlaya Bibele ya mina, ndzi hlaye Swivuriso 24:16, leyi nge: ‘Lowo lulama a nga ha wa ka nkombo, kunene u ta pfuka.’ Tsalwa rero ri cince vutomi bya mina.” Endzhaku ko tshika ku dyondza ni vamakwerhu va nkombo, Jimmy a a tiyimisele ku cinca loko makwerhu wa vunhungu a n’wi pfuna. Jimmy u kombele Yehovha leswaku a n’wi nyika matimba, a ya eminhlanganweni ya vandlha kutani a tshika mikhuva yakwe yo biha. U khuvuriwe hi 2003 naswona u ve phayona ra nkarhi hinkwawo hi 2012. Sweswi i nandza wa vutirheli evandlheni ra le xihlaleni xa Rodrigues.

“Yehovha Ni Tintsumi Va Ta Va Vanghana Va Mina”

Mary wa le Kenya loyi a nga ni malembe ya 70 u hete malembe yo tala a ri karhi a nghena Kereke ya Presbyterian. Hakanyingi a a pfuna kereke hi munyikelo naswona u pfunete ku aka yin’wana ya tikereke ta kwalaho. Loko un’wana wa vana vakwe va majaha a va Mbhoni, a swi n’wi tsakisanga. A a n’wi rhamba eka minhlangano ya vandlha, kambe Mary u arile, a vula leswaku a a lava ku twa rungula ra Bibele hi ririmi rakwe ra Xikikuyu, ku nga ri hi Xiswahili. Eku heteleleni, Mary u amukele xirhambo xo ya entsombanweni wa muganga lowu a wu ta khomiwa hi ririmi ra Xikikuyu. Loko a ri entsombanweni wolowo u fike a tshama eswitulwini swa vadyuhari. U tsakisiwe swinene hi musa ni rirhandzu leswi a kombisiweke swona. Mary u vule leswaku a a nga si tshama a vona rirhandzu ro tano ekerekeni yakwe. U rhiye ndleve eka tinkulumo hinkwato naswona leswi a swi tweke swi n’wi tsakisile. Loko a komberiwe ku fambiseriwa dyondzo ya Bibele  hi ku tirhisa broxara leyi nge Yingisa Xikwembu, u nambe a pfumela xikan’we-kan’we.

Endzhaku ko dyondza tin’hweti ti nga ri tingani, Mary u endle xiboho xa leswaku a a lava ku va Mbhoni ya Yehovha, kutani u tshike kereke yakwe. Sweswo swi hlundzukise vafundhisi. Va vitane mufundhisi wa le ntsindza wa Nairobi leswaku a ta vulavula na yena. Mufundhisi u ringete ku xavelela Mary leswaku a nga tshiki kereke, kambe u arile. U te: “I vamani lava nga ta va vanghana va wena loko u tshika kereke? U ni vanghana vo tala ni vaakelani lava nghenaka kereke leyi.”

Mary u hlamule a ku: “Yehovha ni tintsumi va ta va vanghana va mina. Nakambe Timbhoni na tona ti ta va vanghana va mina.”

Loko a tsandzekile ku xavelela Mary, mufundhisi u suke a famba. Mary u ye emahlweni a endla nhluvuko lowunene eka dyondzo yakwe ya Bibele naswona u ya eminhlanganweni hinkwayo ya Vukreste, hambileswi a tshamaka ekule ni laha yi khomeriwaka kona. Masiku lawa a nga ha swi koti ku kuma xo famba xa mani na mani leswaku a ya eminhlanganweni kutani u heta tiawara timbirhi a ri karhi a famba empfuleni leswaku a va kona. Hambiloko a kanetiwa hi  vaakelani vakwe, Mary u tiyimisele ku fikelela pakani yakwe yo va a khuvuriwa.

Liberia: Va ri karhi va lunghiselela switulu swa Xitsundzuxo. Hi 2013, vahuweleri va 6 148 va amukele vaendzi va 81 762

Mufundhisi U N’wi Phijile!

Ashton i nhwanyana loyi a nga ni malembe ya 14 loyi a tshamaka le Cameroon. Loko a sungule ku dyondza Bibele ni Timbhoni ta Yehovha, u kanetiwe swinene hi papa-nkulu wakwe ni nsati wa vona lava a tshamaka na vona. Va n’wi sindzise leswaku a ya na vona ekerekeni ya Pentekosta. Siku rin’wana loko va ri ekerekeni, mufundhisi u tlhandleke vanhu lava a va ri ekerekeni mavoko a endla leswaku va ngheniwa hi moya kutani va wa. Ashton a nga wanga. Mufundhisi u khongele hi ku phindha-phindha, kambe Ashton u tame a ha yimile. Hiloko mufundhisi a n’wi phija ku endlela leswaku a wa! Loko a tlhelela ekaya, Ashton u byele papa-nkulu wakwe ni nsati wa vona leswaku mufundhisi u n’wi phijile kambe a va n’wi tshembanga. Kutani u nambe a endla xiboho xa leswaku a nge he pfuki a yile ekerekeni yoleyo. Namuntlha, hambiloko a kanetiwa ni ku rhukaniwa hi vandyangu wakwe ni vaakelani, Ashton u ya emahlweni a ya eminhlanganweni eHolweni ya Mfumo.

U Rhambiwe Hi Ndzumulo

Hambileswi Anilpa a ri ni tin’hweti ta 17 ntsena, a a hiseka eka tsima ro rhamba vanhu leswaku va va kona eka ntsombano wa muganga wa lembe leri nga hundza le Angola. Ntirho wa Anilpa a ku ri ku gongondza tinyangwa kutani a nyika vini va miti swirhambo, loko hi hala tlhelo mana wakwe a xi hlamusela hi ku komisa xivangelo xa riendzo ra vona. Leswi a a swi hisekela, a hi minkarhi hinkwayo Anilpa a a rindzela leswaku mana wakwe a heta ku vulavula ku ri kona a nga ta sungula ku gongondza enyangweni lowu landzelaka.  U tsakise vini va miti. Hi xikombiso, hi siku ro hetelela ra ntsombano wansati un’wana u ye eka Anilpa kutani a ku eka yena: “A ndzi ri karhi ndzi ku lava. Ndzi tsake swinene leswi ndzi ku kumeke, tanihi leswi ku nga wena loyi u ndzi rhambeke entsombanweni lowu.”

Va Karhele Ku Tshikileriwa

Hi August 2012, vahuweleri va le Vandlheni ra Antaviranambo le Madagascar va hlangane ni ntlawa wa vanhu lava vuleke leswaku va lava ku va Timbhoni ta Yehovha. Vanhu lava a va titwa va tshikileriwa hi vafundhisi va vona, lava a va endla leswi hambaneke ni leswi a va swi dyondzisa. Swirho swa kereke swi vule leswaku tikereke ta swona ti hava minongonoko yo swi dyondzisa Bibele naswona ku hava minkandziyiso yo hlamusela leswi swi pfumelaka eka swona. Timali leti a swi ti humesa ekerekeni a ti tele, a ku ri hava xinakulobye xa xiviri ni rirhandzu ra Vakreste va ntiyiso. Swi tlhele swi vula leswaku a swi swi tiva leswaku Timbhoni ta Yehovha a ti langutani na swona swiphiqo sweswo.

Endzhakunyana, ntlawa wolowo wu tsalele rhavi. Papila rolero ri te: “Hi tsala papila leri ku mi tivisa hi ku navela ka  hina ko lava ku tirhela Yehovha. Hambiswiritano, hi tshama ekule. Van’wana va hina hi famba tiawara ta kaye ku ya eka 15 ku ya eminhlanganweni. Kutani hi kombela mi rhumela munhu leswaku a ta hi pfuna hi dyondza Bibele. A hi nge ku hetisisi ku navela ka hina ku tirhela Yehovha hi timbilu ta hina hinkwato loko mi nga hi pfuni ku tiyisa rirhandzu ra hina eka yena. Hi vanhu lava ringanaka 215 lava humaka eswimitanini swinharhu swo hambana-hambana. Hi nghena tikereke leti nga faniki, kambe sweswi hinkwerhu ka hina hi lava ku tirhela Yehovha ni ku n’wi yingisa hi timbilu ta hina hinkwato. Hi ni ntshembo wa leswaku mi ta hi pfuna.”

Vamakwerhu va ye va ya hlangana ni ntlawa wolowo, laha va fambeke tiawara ta kaye ku ya eximutanini xo sungula. Kwalaho vamakwerhu va khome nhlangano lowu eka wona ku teke vanhu va 65 lava tsakelaka. Mhaka yoleyo yi hatle yi hangalaka, kutani vanhu va le swimitanini swin’wana na vona va vule leswaku va lava ku endzeriwa va ta dyondzisiwa Bibele. Xisweswo, vamakwerhu va tlhele va famba tiawara tin’wana ta mune va ya eximutanini xa vumbirhi laha va khomeke nhlangano lowu eka wona ku teke vanhu vo tlula 80. Kwalaho va hlangane ni vanhu lava va kombeleke leswaku va ta eximutanini xa ka vona, laha a swi teka tiawara timbirhi ku ya kona. Vamakwerhu va pfumerile kutani va khome nhlangano ni kwalaho. Ku ve ni vanhu vo tlula 50.

Eka swiendlakalo swimbirhi leswi nga faniki, vanhu vo tlula 30 va le swimitanini leswi va ye enhlengeletanweni eMahanoro, laha ku ya kona swi tekaka siku ni hafu. Loko ku endze mulanguteri wa xifundzha ku te vanhu va 25, lava katsaka mimpatswa, mindyangu leyi heleleke ni vanhu lava dyuhaleke. Hinkwavo a va tshama endlwini yin’we, va bula hileswi va swi dyondzeke ni ku vutisa swivutiso ku kala ku va vusiku. Vanhu va le swimitanini sweswo va vule leswaku vanhu vo tala a va lava ku joyina Timbhoni eka vugandzeri bya tona hikuva vanhu a va karhele hi ku tshikileriwa hi vafundhisi va vona.