Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Buku Yanga Ya Timhaka Ta Bibele

Dyondzo 73: Hosi Leyinene Yo Hetelela eIsrayele

Dyondzo 73: Hosi Leyinene Yo Hetelela eIsrayele

Yosiya a a ri ni malembe ya nhungu ntsena loko a sungula ku fuma emfun’weni wa le dzongeni wa tinyimba timbirhi eIsrayele. A ha ri ntsongo swinene leswaku a va hosi. Eku sunguleni a a pfuniwa hi vanhu lavakulu ku fuma tiko.

Loko Yosiya a fume malembe ya nhungu u sungule ku lava Yehovha. U landzele xikombiso lexinene xa tihosi to fana na Davhida, Yoxafati na Hezekiya. Loko Yosiya a ha ri emalembeni ya kondlo-a-ndzi-dyi, u endle nchumu lowukulu lowu lavaka xivindzi.

Hosi Yosiya ni vavanuna va yena va ri karhi va fayetela swifaniso swa hava

Ku hundze nkarhi wo leha Vaisrayele vo tala va endla leswo homboloka. A va gandzela swikwembu swa mavunwa. A va nkhinsamela swifaniso. Kutani Yosiya u hume ni vavanuna lava a a ri na vona va sungula ku susa vugandzeri bya mavunwa etikweni. Lowu a ku ri ntirho lowukulu hikuva vanhu vo tala a va gandzela swikwembu swa mavunwa. Wa n’wi vona Yosiya ni vavanuna lava a a ri na vona laha va fayetela swifaniso swa hava.

Endzhakunyana, Yosiya u veke vavanuna vanharhu leswaku va lunghisa tempele ya Yehovha. Mali leyi hlengeletiweke evanhwini yi nyikiwe vavanuna lava leswaku va ya emahlweni ni ntirho. Loko va ri karhi va tirha etempeleni, Hilkiya muprista lonkulu u kume nchumu wa nkoka kwalaho. A ku ri buku ya nawu leyi Yehovha a leriseke Muxe leswaku a yi tsala khale swinene. A ku hundze malembe yo tala yi lahlekile.

Buku leyi yi yisiwe eka Yosiya, kutani u kombele leswaku va n’wi hlayela yona. Loko a ri karhi a yingiserile, Yosiya u swi vonile leswaku vanhu a va tlula nawu wa Yehovha. Sweswo swi n’wi hlundzukise ngopfu, hiloko a handzula nguvu yakwe, hilaha u n’wi vonaka hakona laha. U te: ‘Yehovha u hi hlundzukerile, hikuva vatata wa hina a va yi hlayisanga milawu leyi tsariweke ebukwini leyi.’

Xafani na Hosi Yosiya

Yosiya u byele muprista lonkulu Hilkiya ku ya vutisa Yehovha leswi a nga ta va endla swona. Hilkiya u ye eka Hulida muprofeta wa xisati, a ya n’wi vutisa. Hulida u n’wi byele rungula leri humaka eka Yehovha leswaku a ri byela Yosiya: ‘Yerusalema ni vanhu hinkwavo lava akeke kona va ta xupuriwa hikuva va gandzele swikwembu swa mavunwa naswona tiko ri tele hi vuhomboloki. Kambe, leswi wena Yosiya u endleke leswinene, ndzi ta tisa khombo leri endzhaku ka loko u file.’

2 Tikronika 34:1-28.



Swivutiso

  • Xana Yosiya a a ri ni malembe mangani loko a va hosi, naswona u sungule ku endla yini hi lembe ra vunkombo ra ku fuma kakwe?
  • Xana u vona Yosiya a ri karhi a endla yini exifanisweni xo sungula?
  • Xana muprista lonkulu u kume yini loko vavanuna va ri karhi va pfuxeta tempele?
  • Ha yini Yosiya a handzulele tinguvu ta yena?
  • Hi rihi rungula leri humaka eka Yehovha leri muprofeta Hulida a ri nyikeke Yosiya?

Swivutiso swo engetela

  • Hlaya 2 Tikronika 34:1-28.

    Hi xihi xikombiso lexi Yosiya a xi nyikeke lava swi nga ha endlekaka va kula ku vava?

    Hi wahi magoza ya nkoka lama Yosiya a ma tekeke leswaku a yisa vugandzeri bya ntiyiso emahlweni hi lembe ra vu-8, ra vu-12 ni ra vu-18, ya ku fuma kakwe?

    Xana xikombiso lexi vekiweke hi Hosi Yosiya na Muprista Lonkulu Hilkiya xi nga hi dyondzisa yini malunghana ni ku hlayisa tindhawu ta hina ta vugandzeri?

DYONDZA SWO TALA

Khadi Ra Bibele Ra Yosiya

Yosiya u hlawule ku tirhela Xikwembu hambileswi tata wakwe a a ri xikombiso xo biha. I yini lexi n’wi pfuneke leswaku a endla leswinene?