Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Buku Yanga Ya Timhaka Ta Bibele

Dyondzo 36: Ta Rhole Ra Nsuku

Dyondzo 36: Ta Rhole Ra Nsuku

Mananoo! Xana vanhu lava a va endla yini? A va gandzela rhole! Ha yini va endle tano?

Loko Muxe a tshame nkarhi wo leha entshaveni, vanhu va te: ‘A hi tivi leswaku ku endleke yini hi Muxe. A hi tiendleleni xikwembu lexi nga ta hi rhangela xi hi humesa etikweni leri.’

Muxe a lahlela ehansi swiphepherhele swimbirhi swa maribye

Aroni, makwavo wa Muxe, u te: ‘Swi lulamile. Hluvulani swingwavila swa n’wina swa nsuku mi swi tisa eka mina.’ Loko vanhu va swi tisile, Aroni u swi n’okisile kutani a endla rhole ra nsuku. Hiloko vanhu va ku: ‘Lexi i Xikwembu xa hina, lexi hi rhangeleke xi hi humesa aEgipta!’ Kutani Vaisrayele va endle nkhuvo lowukulu, va gandzela rhole ra nsuku.

Loko Yehovha a vona sweswo, u karihe ngopfu. Hiloko a byela Muxe a ku: ‘Hatlisa u rhelela. Vanhu va endla swilo swo biha. Va rivale milawu ya mina naswona va nkhinsamela rhole ra nsuku.’

Vanhu va ri karhi va gandzela rhole ra nsuku

Muxe u rhelele entshaveni hi ku hatlisa. Kutani loko a fika ekusuhi, hi leswi leswi a swi vonaka. Vanhu a va yimbelela ni ku cina va rhendzele rhole ra nsuku! Muxe u hlundzuke ngopfu lerova u cukumete swiphepherhele swimbirhi swa maribye ehansi kutani swi fayeka. Hiloko a teka rhole ra nsuku a ri n’okisa. Kutani a ri sila ri va mapa.

Vanhu a va endle nchumu wo biha swinene. Kutani Muxe u byele vavanuna van’wana leswaku va teka matlhari ya vona. Muxe u te: ‘Vanhu vo biha lava gandzeleke rhole ra nsuku va fanele ku dlayiwa.’ Hiloko vavanuna va dlaya vanhu va 3 000! Hakunene leswi swi kombisa leswaku hi fanele ku gandzela Yehovha ntsena ku nga ri swikwembu hambi swi ri swihi swa mavunwa!

Eksoda 32:1-35.



Swivutiso

  • Exifanisweni lexi, xana vanhu va endla yini, naswona ha yini va endla tano?
  • Hikwalaho ka yini Yehovha a hlundzukile, naswona Muxe u endle yini loko a vona leswi vanhu va swi endlaka?
  • Xana Muxe u byele vavanuna van’wana leswaku va endla yini?
  • Hi dyondza yini eka mhaka leyi?

Swivutiso swo engetela

  • Hlaya Eksoda 32:1-35.

    Xana mhaka leyi yi ri kombisa njhani langutelo leri Yehovha a nga na rona loko munhu a katsa vukhongeri bya mavunwa ni bya ntiyiso?

    Hi xihi xitsundzuxo lexi Vakreste va nga fanelangiki va xi honisa loko va hlawula vuhungasi, ku fana ni ku yimbelela ni ku cina?

    Xana nyimba ya Levhi yi xi veke njhani xikombiso lexinene emhakeni ya ku va munhu a tshembeka?

DYONDZA SWO TALA

Vaisrayele Va Endla Rhole Ra Nsuku

Vaisrayele va endle xifaniso ivi va vula leswaku xiyimela Xikwembu, xana xi swi pfumelerile sweswo?