Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Leswi U Nga Swi Dyondzaka eBibeleni

Xingheniso Xa Xiyenge 5

Xingheniso Xa Xiyenge 5

Endzhaku ka tin’hweti timbirhi Vaisrayele va tsemakanye Lwandle ro Tshwuka, va fike eNtshaveni ya Sinayi. Yehovha u endle ntwanano ni Vaisrayele kwalaho leswaku va va tiko rakwe ro hlawuleka. U va sirhelerile a tlhela a va nyika swilo leswi a va swi lava—u va nyike manna leswaku va dya, swiambalo leswi a swi nga hlakali ni ndhawu leyi hlayisekeke leswaku va tshama eka yona. Loko u ri mutswari, pfuna n’wana wa wena leswaku a twisisa leswaku hikwalaho ka yini Yehovha a nyike Vaisrayele Nawu, tabernakela ni vaprista. Kandziyisa nkoka wo hetisisa xitshembiso xa hina, ku titsongahata ni ku tshama u tshembekile eka Yehovha.

EKA XIYENGE LEXI

Va Endle Xitshembiso Eka Yehovha

Vaisrayele va endle xitshembiso xo hlawuleka eka Xikwembu loko va ha dzime mixaxa eNtshaveni ya Sinayi.

A Va Xi Hetisisanga Xitshembiso Xa Vona

Loko Muxe a ha landze Milawu ya Khume, vanhu va endle xidyoho lexikulu.

Tabernakela Yo Gandzela Eka Yona

Tende leri ro hlawuleka a ri ri ni areka ya ntwanano endzeni ka rona.

Tinhlori Ta 12

Yoxuwa na Kalebe a va hambanile ni vavanuna lavan’wana va khume lava kambeleke tiko ra Kanana.

Va Xandzukele Yehovha

Kora, Dathani, Abirama ni vanhu van’wana va 250 va tsandzekile ku xiya mhaka ya nkoka hi Yehovha.

Mbhongolo Ya Balama Yi Vulavula

Mbhongolo yi vone munhu loyi Balama a a nga n’wi voni.