Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 9:1-17

9  Ku avanyisa:+ “Rito ra Yehovha ri avanyisa tiko ra Hadiraka naswona ri tshama eDamaska;+ hikuva Yehovha u languta munhu wa la misaveni+ ni tinyimba hinkwato ta Israyele.  Na Hamati+ wu ta va ndzilakana wa wona; Tiri+ na Sidoni,+ hikuva wu tlharihe ngopfu.+  Kutani Tiri wu ya emahlweni wu tiakela rirhangu, wu hlengeleta silivhere kukota ritshuri ni nsuku kukota ndzhope wa le switarateni.+  Waswivo! Yehovha u ta wu hlongola, kunene vandla ra wona ra nyimpi+ u ta ri dlaya elwandle; wona wu ta lovisiwa hi ndzilo.+  Axikeloni wu ta swi vona kutani wu chava; loko ku ri Gaza, na wona wu ta va ni switlhavi leswikulu ngopfu; na Ekroni,+ hikuva ntshembo lowu wu wu languteleke+ wu ta khomiwa hi tingana. Kunene hosi yi ta lova eGaza, Axikeloni wu ta pfumala vaaki.+  N’wana la tswaleriweke+ ehandle u ta tshama eAxidodo,+ kunene ndzi herisa ku tinyungubyisa ka Mufilisita.+  Ndzi ta susa swilo swakwe leswi swi nga ni ngati enon’wini wakwe ni swilo swakwe leswi nyenyetsaka exikarhi ka meno yakwe,+ kunene yena u ta sala eka Xikwembu xa hina; u fanele a fana ni ndhuna+ eYuda,+ Ekroni a fana ni Muyebusi.+  Ndzi ta dzima nxaxa kukota govela ra yindlu ya mina,+ leswaku ku nga vi na munhu loyi a tsemakanyaka, ku nga vi na munhu loyi a tlhelaka; eka vona a ku nge he hundzi loyi a nyikaka van’wana ntirho,+ hikuva sweswi ndzi swi vonile hi mahlo ya mina.+  “Tsaka ngopfu, Wena nhwanyana wa Siyoni.+ Huwelela hi ku hlula,+ Wena nhwanyana wa Yerusalema. Waswivo! Hosi ya wena+ yi ta eka wena.+ Yi lulamile, ina, yi ponisiwile;+ ya titsongahata,+ yi gade mbhongolo, yi le henhla ka xifuwo lexi kuleke kahle, n’wana wa mbhongolo ya ntswele.+ 10  Kunene ndzi ta herisa kalichi ya nyimpi aEfrayimi ni hanci eYerusalema.+ Vurha bya nyimpi+ byi fanele byi herisiwa. Kunene yi ta vulavula ku rhula eka matiko;+ ku fuma ka yona ku ta suka elwandle ku ya elwandle ni ku suka eNambyeni ku ya emakumu ka misava.+ 11  “Hikwalaho, Wena wansati, hi ngati ya ntwanano+ wa wena ndzi ta rhuma vakhotsiwa+ va wena va huma emugodini lowu nga riki na mati. 12  “Tlhelelani ekhokholweni,+ n’wina vakhotsiwa lava nga ni ntshembo.+ “Hikwalaho, namuntlha ndza mi byela, ‘Ndzi ta ku tlherisela, Wena wansati, hi swiphemu swimbirhi.+ 13  Hikuva Yuda ndzi ta n’wi pyanya kukota vurha bya mina. Vurha ndzi ta byi tata hi Efrayimi, ndzi ta pfuxa vana va wena,+ Wena Siyoni, leswaku va lwa ni vana va wena, Wena Grikiya,+ ndzi ta ku endla u fana ni banga ra munhu wa matimba.’+ 14  Yehovha u ta vonaka+ a ri ehenhla ka vona, kunene nseve wa yena wu ta huma kukota rihati.+ Yehovha, Hosi leyi Lawulaka u ta yimba nanga,+ kunene u ta famba hi swidzedze swa le dzongeni.+ 15  Yehovha wa mavuthu u ta va lwela, entiyisweni va ta lovisa+ ni ku hlula maribye ya xipelupelu. Kunene va ta nwa+—va ba huwa—onge hi loko ku ri ni vhinyo; entiyisweni va ta tala kukota nkambana, ku fana ni tinhla ta alitari.+ 16  “Kunene esikwini rero Yehovha Xikwembu xa vona u ta va ponisa+ kukota ntshungu wa vanhu vakwe;+ hikuva va ta fana ni maribye ya xidlodlo lama hatimaka ehenhla ka misava ya yena.+ 17  Mawaku ku kula ka vunene bya yena,+ ni ku kula ka ku saseka ka yena!+ Majaha ma ta kurisiwa hi mavele, vanhwanyana va ta kurisiwa hi vhinyo leyintshwa.”+

Tinhlamuselo ta le hansi