Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 8:1-23

8  Rito ra Yehovha wa mavuthu ri ya emahlweni ri fika ri ku:  “Yehovha wa mavuthu+ u te, ‘Ndzi ta va ni rilaveta eka Siyoni hi rilaveta lerikulu,+ ndzi ta va ni rilaveta eka wona hi vukarhi lebyikulu.’”+  “Yehovha u te, ‘Ndzi ta tlhelela eSiyoni,+ ndzi tshama exikarhi ka Yerusalema;+ kunene Yerusalema wu ta vitaniwa muti wa ntiyiso,+ ni ntshava ya Yehovha+ wa mavuthu, ntshava yo kwetsima.’”+  “Yehovha wa mavuthu u te, ‘Ka ha ta tshama vavanuna lava kuleke ni vavasati lava kuleke emintsendzeleni ya Yerusalema,+ un’wana ni un’wana a khome nxongotelo+ hikwalaho ka ku tala ka masiku yakwe.  Kutani mintsendzele ya muti yi ta tala vafana ni vanhwanyana, va tlanga emintsendzeleni ya wona.’”+  “Yehovha wa mavuthu u te, ‘Hambiloko swo tikomba swi nonon’hwa ngopfu ematihlweni ya lava va seleke eka vanhu lava emasikwini wolawo, xana swi fanele swi tikomba swi nonon’hwa ngopfu ni le matihlweni ya mina?’+ ku vula Yehovha wa mavuthu.”  “Yehovha wa mavuthu u te, ‘Waswivo, ndzi ponisa vanhu va mina etikweni ra le vuhuma-dyambu ni le tikweni ra le vupela-dyambu.+  Kunene ndzi ta va nghenisa, va fanele va tshama exikarhi ka Yerusalema;+ vona va fanele va va vanhu va mina,+ mina ndzi ta va Xikwembu xa vona hi ntiyiso ni hi ku lulama.’”+  “Yehovha wa mavuthu u te, ‘Mavoko ya n’wina a ma ve ni matimba,+ n’wina lava emasikwini lawa mi twaka marito lawa ma humaka enon’wini wa vaprofeta,+ esikwini leri masungulo ya yindlu ya Yehovha wa mavuthu ma vekiweke ha rona, leswaku ku akiwa tempele.+ 10  Hikuva emahlweni ka masiku wolawo a ku nga ri na hakelo leyi endleriweke vanhu;+ loko ku ri hakelo ya swifuwo, a yi nga ri kona; eka loyi a humaka ni le ka loyi a nghenaka, ku rhula a ku nga ri kona hikwalaho ka xirha,+ tanihi leswi a ndzi hambeta ndzi endla leswaku vanhu va lwa.’+ 11  “‘Kutani sweswi a ndzi nge fani ni le masikwini yo sungula eka lava va seleke eka vanhu lava,’+ ku vula Yehovha wa mavuthu. 12  ‘Hikuva ku ta va ni mbewu ya ku rhula;+ murhi wa vhinya wu ta humesa mihandzu ya wona,+ ni misava yi ta nyika ntshovelo wa yona,+ ni matilo ma ta humesa mberha ya wona;+ kunene ndzi ta endla leswaku lava va seleke eka vanhu lava+ va dya ndzhaka ya swilo leswi hinkwaswo.+ 13  Kutani, tanihi leswi mi veke ndzhukano exikarhi ka matiko,+ Wena yindlu ya Yuda ni yindlu ya Israyele,+ ndzi ta mi ponisa, mi ta va nkateko.+ Mi nga chavi.+ Onge mavoko ya n’wina ma nga va ni matimba.’+ 14  “Hikuva Yehovha wa mavuthu u te, ‘“Hilaha ndzi anakanyeke ku endla leswi swi nga ni khombo eka n’wina hikwalaho ka leswi vatata wa n’wina va ndzi hlundzukiseke,”+ Yehovha wa mavuthu u vurile, “naswona a ndzi tisolanga,+ 15  hikwalaho ndzi ta tlhela ndzi anakanya emasikwini lawa ku tirhisana na Yerusalema swin’we ni yindlu ya Yuda.+ Mi nga chavi.”’+ 16  “‘Swilo leswi mi faneleke mi swi endla hi leswi:+ Vulavulani ntiyiso un’wana eka un’wana.+ Avanyisani hi ntiyiso ni hi vuavanyisi bya ku rhula etinyangweni ta n’wina.+ 17  Naswona mi nga tshuki mi bohelana makungu ya khombo etimbilwini ta n’wina,+ mi nga rhandzi xihlambanyo xihi ni xihi xa mavunwa;+ hikuva leswi hinkwaswo i swilo leswi ndzi swi vengeke,’+ ku vula Yehovha.” 18  Rito ra Yehovha wa mavuthu ri ya emahlweni ri fika eka mina, ri ku: 19  “Yehovha wa mavuthu u te, ‘Ku titsona swakudya ka n’hweti ya vumune,+ ni ku titsona swakudya ka n’hweti ya vuntlhanu,+ ni ku titsona swakudya ka n’hweti ya vunkombo,+ ni ku titsona swakudya ka n’hweti ya vukhume,+ swi ta tisa ku khana ni ku tsaka ni minkarhi leyi vekiweke ya ntsako endlwini ya Yuda.+ Hikwalaho rhandza ntiyiso ni ku rhula.’+ 20  “Yehovha wa mavuthu u te, ‘Ka ha ta ta vanhu ni vaaki va miti yo tala;+ 21  kunene lava va akeke emutini va ta ya eka vanhu va muti wun’wana, va ku: “A hi fambeni hi mbilu+ hinkwayo hi ya tsakisa+ Yehovha ni ku lava Yehovha wa mavuthu. Na mina ndzi ta ya.”+ 22  Entiyisweni vanhu vo tala ni matiko ya matimba va ta ta va ta lava Yehovha wa mavuthu eYerusalema+ ni ku tsakisa Yehovha.’ 23  “Yehovha wa mavuthu u te, ‘Emasikwini wolawo vavanuna va khume lava humaka eka tindzimi hinkwato ta matiko+ va ta khoma,+ ina, entiyisweni va ta khoma nguvu ya wanuna la nga Muyuda,+ va ku: “Hi ta famba na n’wina,+ hikuva hi swi twile leswaku Xikwembu xi na n’wina.”’”+

Tinhlamuselo ta le hansi