Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 7:1-14

7  Ku tlula kwalaho, hi lembe ra vumune ra Dariyosi+ lowa hosi, rito ra Yehovha ri fika eka Zakariya, esikwini ra vumune ra n’hweti ya vukaye, ku nga Kislevhe.+  Kutani Bethele wu rhuma Xarezere na Regemu-meleki ni vavanuna va yena ku ya tsakisa+ Yehovha,  va byela vaprista+ lava va nga va yindlu ya Yehovha wa mavuthu, ni vaprofeta, va ku: “Xana ndzi fanele ndzi rila hi n’hweti ya vuntlhanu,+ ndzi titsona swakudya, ndlela leyi ndzi swi endleke ha yona malembe yo tala swonghasi?”+  Rito ra Yehovha wa mavuthu ri ya emahlweni ri fika eka mina, ri ku:  “Byela vanhu hinkwavo va tiko ni vaprista, ‘Enkarhini lowu mi titsoneke swakudya ha wona,+ ku ri ni ku kalakala hi n’hweti ya vuntlhanu ni hi n’hweti ya vunkombo,+ ku ringana malembe ya 70,+ xana mi titsone swakudya hikwalaho ka mina hakunene, mina hi xiviri?+  Loko mi dya ni loko mi nwa, xana a ku nga ri n’wina lava a va dya, naswona xana a ku nga ri n’wina lava a va nwa?  Xana a mi fanelanga mi yingisa marito+ lawa Yehovha a ma vuleke hi vaprofeta vo sungula,+ enkarhini lowu Yerusalema a wu ri ni vaaki, wu tshamisekile, swin’we ni miti hinkwayo leyi yi wu rhendzeleke, ni le nkarhini lowu Negebu+ ni Xefela+ a yi ri ni vaaki?’”  Rito ra Yehovha ri ya emahlweni ri fika eka Zakariya, ri ku:  “Yehovha wa mavuthu u te, ‘Avanyisani hi vululami bya ntiyiso;+ hanyisanani hi musa wa rirhandzu+ ni tintswalo;+ 10  naswona mi nga tshuki mi dyelela noni+ kumbe n’wana la nga riki na tatana,+ hambi ku ri muluveri+ kumbe loyi a xanisekaka,+ mi nga tshuki mi bohelana makungu ya swilo swo biha etimbilwini ta n’wina.’+ 11  Kambe va hambeta va ala ku yingisa,+ va hambeta va va ni katla ro sihalala,+ ni tindleve ta vona va ti nonon’hwisile ti nga yingisi.+ 12  Mbilu ya vona+ va yi endle yi va ribye ra muhuthu leswaku yi nga yingisi nawu+ ni marito lawa Yehovha wa mavuthu a ma rhumeleke hi moya+ wakwe, hi ku tirhisa vaprofeta vakwe vo sungula;+ lerova Yehovha wa mavuthu a hlundzuka ngopfu.”+ 13  “‘Hikwalaho, tanihi leswi a vitaneke kutani va nga yingisi,+ na vona va ta vitana kambe a ndzi nge yingisi,’+ Yehovha wa mavuthu u vurile. 14  ‘Kutani ndzi ya emahlweni ndzi va hoxa hi vukarhi ematikweni+ hinkwawo lawa va nga ma tivangiki;+ tiko ri sele ri ri rhumbi endzhaku ka vona, ku nga ri na munhu loyi a tsemakanyaka kumbe munhu loyi a tlhelaka;+ va ya emahlweni va endla tiko leri ri navelekaka+ ri va xihlamariso.’”

Tinhlamuselo ta le hansi