Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 4:1-14

4  Ntsumi leyi a yi vulavula na mina yi vuya kutani yi ndzi pfuxa, kukota munhu la pfuxiwaka evurhongweni.+  Kutani yi ku eka mina: “Xana u vona yini?”+ Hiloko ndzi ku: “Ndzi langutile, kutani waswivo, a ku ri ni xo tlhoma rivoni, hinkwaxo ka xona xi ri xa nsuku,+ a ku ri ni nkambana ehenhla ka xona. Timboni ta xona ta nkombo ti ri ehenhla ka xona, nkombo wa tona;+ timboni leti ti nga ehenhla ka xona ti ni tiphayiphi ta nkombo.  Etlhelo ka xona ku ni mitlhwari yimbirhi,+ wun’wana wu ri etlhelweni ra xinene kasi wun’wana wu ri etlhelweni ra ximatsi.”  Kutani ndzi angula ntsumi leyi a yi vulavula na mina ndzi ku: “Xana swilo leswi swi vula yini, hosi yanga?”+  Ntsumi leyi a yi vulavula na mina yi ndzi hlamula yi ku: “Xana a wu swi tivi hakunene leswaku swilo leswi swi vula yini?” Hiloko ndzi ku: “Ina, hosi yanga.”+  Hikwalaho yi ndzi hlamula yi ku: “Leri i rito ra Yehovha leri yaka eka Zerubabele, ri ku: ‘“Ku nga ri hi vandla ra nyimpi,+ kumbe hi matimba,+ kambe hi moya wa mina,”+ Yehovha wa mavuthu u vurile.  Xana hi wena mani, Wena ntshava leyikulu?+ Emahlweni ka Zerubabele+ u ta va tiko leri nga rivala. Kunene u ta humesa ribye leri nga nhloko.+ Ku ta huweleriwa+ eka rona, va ku: “Mawaku ku xonga ka rona! Mawaku ku xonga ka rona!”’”+  Rito ra Yehovha ri ya emahlweni ri fika eka mina, ri ku:  “Mavoko ya Zerubabele ma veke masungulo ya yindlu leyi,+ kutani mavoko ya yena ma ta yi heta.+ Mi ta swi tiva leswaku Yehovha wa mavuthu hi yena loyi a ndzi rhumeke eka n’wina.+ 10  Hikuva i mani loyi a ri languteleke ehansi siku ra swilo leswitsongo?+ Kunene va ta tsaka,+ va vona ngoti ya ku kongomisa evokweni ra Zerubabele. Leti ta nkombo i mahlo ya Yehovha.+ Ma famba-famba emisaveni hinkwayo.”+ 11  Ndzi ya emahlweni ndzi n’wi hlamula ndzi ku: “Xana mitlhwari leyi yimbirhi etlhelweni ra xinene ra xo tlhoma rivoni ni le tlhelweni ra xona ra ximatsi, yi vula yini?”+ 12  Kutani ndzi n’wi angula ra vumbirhi ndzi ku: “Xana tinyandza timbirhi ta mahlahla ya mitlhwari leyi i yini, leti ti humesaka xihalaki xa nsuku hi tiphayiphi timbirhi ta nsuku?” 13  Kutani yi ku eka mina: “Xana a wu swi tivi hakunene leswaku swilo leswi swi vula yini?” Hiloko ndzi ku: “Ina, hosi yanga.”+ 14  Hikokwalaho yi ku: “Leti i vatotiwa vambirhi+ lava va yimeke etlhelo ka Hosi ya misava hinkwayo.”+

Tinhlamuselo ta le hansi