Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 3:1-10

3  A ya emahlweni a ndzi komba Yoxuwa+ lowa muprista lonkulu, a yime emahlweni ka ntsumi ya Yehovha, na Sathana+ a yime evokweni rakwe ra xinene leswaku a lwa na yena.+  Kutani [ntsumi+ ya] Yehovha yi byela Sathana yi ku: “Yehovha wa ku tshinya,+ Wena Sathana, ina, Yehovha wa ku tshinya, yena loyi a hlawulaka Yerusalema!+ Xana leri a hi rona rihunyi leri susiweke endzilweni?”+  Loko ku ri Yoxuwa, a a ambale tinguvu leti thyakeke,+ a yime emahlweni ka ntsumi.  Kutani yi angula yi byela lava a va yime emahlweni ka yena yi ku: “N’wi hluvuleni tinguvu leti thyakeke.” Yi ya emahlweni yi ku eka yena: “Waswivo, ndzi endle leswaku xihoxo xa wena xi hundza eka wena,+ naswona u ambexiwa tinguvu to leha ta le vuhosini.”+  Hiloko ndzi ku: “A va n’wi vehele xifunengeto xa nhloko lexi baseke.”+ Kutani va n’wi vehela xifunengeto xa nhloko lexi baseke, va n’wi ambexa tinguvu; ntsumi ya Yehovha a yi yime ekusuhi.  Ntsumi ya Yehovha yi nyikela vumbhoni eka Yoxuwa, yi ku:  “Yehovha wa mavuthu u te, ‘Loko wo famba etindleleni ta mina, loko wo hlayisa xiboho xa mina,+ hi wena loyi a nga ta avanyisa yindlu ya mina,+ u hlayisa swivava swa mina; kunene ndzi ta endla leswaku u nghena hi ku olova exikarhi ka lava va yimeke ekusuhi.’  “‘Ndzi kombela u yingisa, Wena Yoxuwa muprista lonkulu, wena ni vanakuloni lava va tshameke emahlweni ka wena, hikuva i vavanuna lava va nga swihlamariso;+ hikuva waswivo, ndzi tisa nandza+ wa mina la vuriwaka Hluke!+  Hikuva waswivo, hi leri ribye+ leri ndzi ri vekeke emahlweni ka Yoxuwa! Ehenhla ka ribye rin’we ku ni mahlo ya nkombo.+ Waswivo, ndzi kovotla nkovotlo wa rona,’+ ku vula Yehovha wa mavuthu, ‘ndzi ta susa xihoxo xa tiko rero hi siku rin’we.’+ 10  “‘Esikwini rero,’ ku vula Yehovha wa mavuthu, ‘mi ta vitanana hinkwenu, loko mi ri ehansi ka murhi wa vhinya ni loko mi ri ehansi ka nkuwa.’”+

Tinhlamuselo ta le hansi