Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 2:1-13

2  Ndzi ya emahlweni ndzi tlakusa mahlo ndzi languta; kutani waswivo, a ku ri ni munhu, a khome pindza ro pima.+  Hiloko ndzi ku: “U ya kwihi?” Yena a ku eka mina: “Ndzi ya pima Yerusalema, ndzi vona laha ku anama ka wona ku fikaka kona ni laha ku leha ka wona ku fikaka kona.”+  Kutani waswivo, ntsumi leyi a yi vulavula na mina a yi famba, naswona a ku ri ni ntsumi yin’wana leyi a yi famba yi ya yi hlanganisa.  Yi ku eka yona: “Tsutsuma, vulavula ni jaha leriya, u ku, ‘“Yerusalema wu ta va ni vaaki+ ku fana ni tiko-xikaya, hikwalaho ka vunyingi bya vanhu ni swifuwo leswi nga exikarhi ka wona.+  Kutani mina, eka wona,” ku vula Yehovha, “ndzi ta va rirhangu ra ndzilo matlhelo hinkwawo,+ naswona ndzi ta va ku vangama exikarhi ka wona.”’”+  “He n’wina! He n’wina! Balekani etikweni ra le n’walungwini,”+ ku vula Yehovha. “Hikuva ndzi mi hangalasele hinkwako-nkwako ematlhelweni ya timheho ta mune ta matilo,”+ ku vula Yehovha.  “He wena, Siyoni!+ Baleka, wena la tshamaka ni nhwanyana wa Babilona.+  Hikuva Yehovha wa mavuthu u te, ‘Endzhaku ka ku vangamisiwa+ u ndzi rhume ematikweni lawa a ma mi phanga;+ hikuva loyi a mi khumbaka+ u khumba ndzololo ya tihlo ranga.+  Hikuva maswivo, ndzi ndziwita voko ra mina ehenhla ka wona,+ kutani ma ta phangiwa hi mahlonga ya wona.’+ Kunene n’wina mi ta swi tiva leswaku Yehovha wa mavuthu hi yena loyi a ndzi rhumeke.+ 10  “Huwelela hi matimba, u tsaka, Wena nhwanyana wa Siyoni;+ hikuva waswivo, ndza ta,+ ndzi ta tshama exikarhi ka wena,”+ ku vula Yehovha. 11  “Kunene matiko yo tala ma ta tihlanganisa na Yehovha esikwini rero,+ ma ta va vanhu va mina;+ kutani mina ndzi ta tshama exikarhi ka n’wina.” Mi ta swi tiva leswaku Yehovha wa mavuthu hi yena loyi a ndzi rhumeke eka n’wina.+ 12  Kunene Yehovha u ta teka Yuda ri va xiphemu xakwe ehenhla ka misava yo kwetsima,+ naswona wa ha ta hlawula Yerusalema.+ 13  Miyelani emahlweni ka Yehovha,+ n’wina nyama hinkwayo,+ hikuva u pfukile evutshan’weni byakwe byo kwetsima.+

Tinhlamuselo ta le hansi