Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 12:1-14

12  Ku avanyisa: “Rito ra Yehovha malunghana na Israyele,” ku vula Yehovha, Loyi a andlalaka matilo,+ a veka masungulo ya misava+ a tlhela a endla moya+ wa munhu endzeni ka yena.  “Waswivo, ndzi endla leswaku Yerusalema+ wu va nkambana lowu tsekatsekisaka vanhu hinkwavo matlhelo hinkwawo;+ nakambe u ta rhendzela Yu-da, swin’we na Yerusalema.+  Kutani esikwini rero+ ndzi ta endla Yerusalema wu va ribye ro tika+ eka vanhu hinkwavo. Kunene hinkwavo lava va ri tlakulaka va ta tivangela swivati leswi vavaka; kunene matiko hinkwawo ya misava ma ta hlengeletana ku lwa na wona.+  Esikwini rero,”+ ku vula Yehovha, “ndzi ta ba hanci yin’wana ni yin’wana+ hi ku pfilunganyeka ni mugadi wa yona ndzi n’wi ba hi ku penga;+ ehenhla ka yindlu ya Yuda ndzi ta pfula mahlo ya mina,+ hanci yin’wana ni yin’wana ya vanhu ndzi ta yi ba hi ku yi dlaya mahlo.  Tindhuna+ ta Yuda ti ta vula embilwini ya tona ti ku, ‘Vaaki va Yerusalema i ntamu eka mina hi Yehovha wa mavuthu, Xikwembu xa vona.’+  Esikwini rero, tindhuna ta Yuda ndzi ta ti endla ti fana ni mbita ya ndzilo exikarhi ka mirhi+ ni ku fana ni xisana lexi pfurhaka enyandzeni ya mavele+ lama ha ku tsemiwaka, kutani ti ta lovisa vanhu hinkwavo lava va rhendzeleke, exineneni ni le ximatsini;+ Yerusalema wa ha fanele wu va ni vaaki endhawini ya wona, eYerusalema.+  “Kunene Yehovha u ta ponisa mintsonga ya Yuda ku sungula, leswaku ku saseka ka yindlu ya Davhida ni ku saseka ka vaaki va Yerusalema ku nga vi kukulu ngopfu ehenhla ka Yuda.  Esikwini rero Yehovha u ta va xisirhelelo eka vaaki va Yerusalema;+ loyi a khunguvanyekaka exikarhi ka vona, esikwini rero u fanele a fana na Davhida,+ yindlu ya Davhida yi fana ni Xikwembu,+ ku fana ni ntsumi ya Yehovha emahlweni ka vona.+  Esikwini rero ndzi ta lava ku lovisa matiko hinkwawo lawa ma lwaka na Yerusalema.+ 10  “Ehenhla ka yindlu ya Davhida ni le henhla ka vaaki va Yerusalema ndzi ta chulula moya wa ku tsakeriwa+ ni wa swikombelo,+ kunene va ta languta Loyi va n’wi tlhaveke,+ kunene Yena va ta n’wi rilela ku fana ni loko ku rileriwa n’wana la nga swakwe; ku endliwa xirilo lexikulu ku fana ni loko ku ri ni xirilo lexikulu xa n’wana wa mativula.+ 11  Esikwini rero ku kalakala ku ta va kukulu eYerusalema, ku fana ni ku kalakala ka Hadadrimoni erivaleni ra nkova wa Megido.+ 12  Kunene tiko ri ta kalakala,+ ndyangu wun’wana ni wun’wana wu ri woxe; ndyangu wa yindlu ya Davhida wu ri woxe, ni vasati va vona va ri voxe;+ ndyangu wa yindlu ya Natani+ wu ri woxe, ni vavasati va vona va ri voxe; 13  ndyangu wa yindlu ya Levhi+ wu ri woxe, ni vavasati va vona va ri voxe; ndyangu wa Vaximeyi+ wu ri woxe, ni vavasati va vona va ri voxe; 14  mindyangu hinkwayo leyi yi seleke, ndyangu wun’wana ni wun’wana wu ri woxe, ni vavasati va vona va ri voxe.+

Tinhlamuselo ta le hansi