Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 11:1-17

11  “Pfula tinyangwa ta wena, Wena Lebanoni,+ leswaku ndzilo wu lovisa exikarhi ka mikedari ya wena.+  Rila, Wena murhi wa yunipa, hikuva mukedari wu wile; hikuva leyikulukumba yi tekiwile!+ Rilani, n’wina mirhi leyikulu ngopfu ya Baxani, hikuva khwati leri ri nga nghenekiki ri wile!+  Yingisani! Ku ni ku rila ka varisi,+ hikuva vukulukumba bya vona byi tekiwile.+ Yingisani! Ku ni ku vomba ka swinghalana swa ntshiva, hikuva makhwati lamakulu ya le kusuhi na Yordani ma tekiwile.+  “Yehovha Xikwembu xa mina u te, ‘Risa ntlhambi lowu wu nga ta dlayiwa,+  vaxavi va wona va hambeta va wu dlaya+ kambe a va voniwi nandzu.+ Lava va wu xavisaka+ va ri: “Onge Yehovha a nga dzunisiwa, kasi mina ndzi ta kuma rifuwo.”+ Varisi va wona a va wu kombi ntsetselelo.’+  “‘Hikuva a ndzi nge he va tsetseleli vaaki va tiko leri,’+ ku vula Yehovha. ‘Kutani waswivo, ndzi endla leswaku vanhu, un’wana ni un’wana wa vona a ti kuma a ri evokweni ra nakulobye+ ni le vokweni ra hosi yakwe;+ kunene va ta pfotlosela tiko, kutani a ndzi nge va kutsuli evokweni ra vona.’”+  Ndzi ye emahlweni ndzi mi risela ntlhambi+ lowu wu nga ta dlayiwa,+ N’wina lava va xanisekaka va ntlhambi.+ Hikwalaho ndzi teke tinhonga timbirhi.+ Yin’wana ndzi yi vitane Vunene,+ leyin’wana ndzi yi vitane Nhlangano,+ kutani ndzi risa ntlhambi.  Eku heteleleni ndzi herise varisi vanharhu hi n’hweti yin’we ya ku rhendzeleka ka n’weti,+ hikuva moya-xiviri a wu va helela mbilu hakatsongo-tsongo,+ ni moya-xiviri wa vona a wu ndzi nyenya.  Eku heteleleni ndzi te: “A ndzi nge tshameli ku mi risa.+ Loyi a faka, a a fe. Loyi a herisiwaka, a a herisiwe.+ Loko ku ri lava va seleke, un’wana ni un’wana wa vona a a lovise nyama ya nakulobye.”+ 10  Hiloko ndzi teka nhonga ya mina Vunene,+ ndzi yi tsemelela,+ leswaku ndzi tlula ntwanano wa mina lowu ndzi wu endleke ni vanhu hinkwavo.+ 11  Kutani wu tluriwa esikwini rero, lava va xanisekaka va ntlhambi+ lava a va ndzi langutile+ va swi tiva hi ndlela leyi leswaku a ku ri rito ra Yehovha. 12  Kutani ndzi ku eka vona: “Loko swi ri swinene ematihlweni ya n’wina,+ ndzi nyikeni hakelo ya mina; kambe loko swi nga ri tano, tshikani.” Hiloko va humesa hakelo ya mina, swiphemu swa silivhere swa 30.+ 13  Hiloko Yehovha a ku eka mina: “Swi hoxe evuhlayiselweni bya xuma+—mpimo lowukulu lowu ndzi pimiweke ha wona hi ku ya hi langutelo ra vona.”+ Hikwalaho ndzi teka swiphemu swa silivhere swa 30, ndzi swi hoxa evuhlayiselweni bya xuma endlwini ya Yehovha.+ 14  Kutani ndzi tsemelela nhonga ya mina ya vumbirhi, Nhlangano,+ leswaku ndzi tshova xinakulobye+ exikarhi ka Yuda na Israyele.+ 15  Yehovha a ya emahlweni a ku eka mina: “Teka switirho swa murisi la nga pfuniki nchumu.+ 16  Hikuva, waswivo, ndzi veka murisi etikweni.+ Tinyimpfu leti ti herisiwaka a nge vi na mhaka na tona.+ Leyitsongo a nge fambi a yi lava, nyimpfu leyi tshovekeke a nge yi tshunguli.+ Leyi yi tiyimelaka a nge yi nyiki swakudya, nyama ya leyo nona u ta yi dya,+ u ta kwamula masondzo ya tinyimpfu.+ 17  Khombo eka murisi+ wa mina la nga pfuniki nchumu, loyi a siyaka ntlhambi!+ Banga ri ta va evokweni rakwe ni le tihlweni rakwe ra xinene. Kunene voko ra yena ri ta oma,+ kunene tihlo ra yena ra xinene ri ta tsana.”

Tinhlamuselo ta le hansi