Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Zakariya 10:1-12

10  “Endlani swikombelo swa n’wina swa mpfula eka Yehovha,+ enkarhini wa mpfula ya ximun’wana,+ eka Yehovha loyi a endlaka mapapa ya xidzedze,+ loyi a endlaka leswaku ma nisa mpfula,+ eka ximila xin’wana ni xin’wana enhoveni.+  Hikuva titerafimi+ ti vulavule swa masalamusi; kasi loko ku ri vangoma, va vone xivono xa mavunwa,+ va tshamela ku vula milorho leyi yi nga pfuniki nchumu, va ringeta ku chavelela hi ndlela ya hava.+ Kunene, hi yona mhaka leyi va nga ta suka ku fana ni ntlhambi;+ va ta xaniseka hikwalaho ko pfumala murisi.+  “Ku hlundzuka ka mina ku ve kukulu eka varisi,+ naswona varhangeri lava va fanaka ni timbuti+ va ta tihlamulela eka mina;+ hikuva Yehovha wa mavuthu u hundzuluxele nyingiso wakwe entlhambini wa yena,+ ku nga yindlu ya Yuda, naswona u yi endle yi fana ni hanci+ yakwe leyi nga ni xindzhuti enyimpini.  Murhangeri u huma eka yena,+ mufumi la pfunaka u huma eka yena,+ vurha bya nyimpi byi huma eka yena;+ eka yena ku huma un’wana ni un’wana la nyikaka van’wana ntirho,+ hinkwavo ka vona.  Va fanele va fana ni vavanuna va matimba+ lava va kandziyelaka ndzhope wa le switarateni enyimpini.+ Va fanele va lwa nyimpi, hikuva Yehovha u na vona;+ vagadi va tihanci va ta khomiwa hi tingana.+  Yindlu ya Yuda ndzi ta yi endla yi tlakuka, ni yindlu ya Yosefa ndzi ta yi ponisa.+ Ndzi ta va nyika vutshamo, hikuva ndzi ta va komba tintswalo;+ va ta fana ni lava ndzi nga va cukumetangiki;+ hikuva hi mina Yehovha Xikwembu xa vona, ndzi ta va hlamula.+  Vanhu va Efrayimi va fanele va fana ni munhu wa matimba,+ mbilu ya vona yi fanele yi tsaka, ku fana niloko yi tsakisiwe hi vhinyo.+ Vana va vona va ta vona, kunene va tsaka;+ mbilu ya vona yi ta tsakela Yehovha.+  “‘Ndzi ta va bela noti,+ ndzi va hlengeleta; hikuva, kunene ndzi ta va kutsula,+ va fanele va tala, ku fana ni lava va teleke.+  Ndzi ta va haxa exikarhi ka vanhu ku fana ni mbewu,+ va ta ndzi tsundzuka va ri etindhawini ta le kule;+ va fanele va hanya swin’we ni vana va vona, va vuya.+ 10  Ndzi fanele ndzi va vuyisa ku suka etikweni ra Egipta;+ naswona ndzi ta va hlengeleta ku suka eAsiriya;+ naswona ndzi ta va tisa etikweni ra Giliyadi+ na Lebanoni, a va nge kumeriwi ndhawu.+ 11  U fanele a tsemakanya lwandle hi maxangu;+ u fanele a ba magandlati elwandle,+ naswona vuento hinkwabyo bya Nayili byi fanele byi oma.+ Kutani ku tinyungubyisa ka Asiriya ku fanele ku yisiwa ehansi,+ ni nhonga ya vuhosi+ ya Egipta yi fanele yi suka.+ 12  Ndzi ta va endla lava tlakukeke eka Yehovha,+ va ta famba-famba evitweni ra yena,’+ ku vula Yehovha.”

Tinhlamuselo ta le hansi