Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yuwele 3:1-21

3  “Hikuva waswivo, emasikwini wolawo ni le nkarhini wolowo,+ loko ndzi vuyisa makhumbi ya Yuda na Yerusalema,+  ndzi tlhela ndzi hlengeleta matiko hinkwawo,+ ndzi ma tisa erivaleni ra le hansi ra Yehoxafati;+ ndzi ta ma avanyisa hikwalaho ka vanhu va mina ni ndzhaka ya mina, ku nga Israyele,+ loyi va n’wi hangalaseke exikarhi ka matiko; naswona va avelane tiko ra mina.+  Va hambete va hoxa vuhlolotwana hikwalaho ka vanhu va mina;+ kutani a va nyiketa n’wana wa xinuna leswaku va kuma nghwavava,+ naswona a va nyiketa n’wana wa xisati leswaku va kuma vhinyo, leswaku va yi nwa.  “Nakambe, xana mi na yini na mina, N’wina Tiri na Sidoni+ na n’wina hinkwenu swifundzha swa Filisita?+ Xana mi ndzi hakela hi ku ndzi khoma hi ndlela yoleyo? Loko mi ndzi khoma hi ndlela yoleyo, hi rivilo, hi ku hatlisa swinene ndzi ta tlherisela ku tikhoma ka n’wina etinhlokweni ta n’wina.+  Hikuva mi teke silivhere ya mina ni nsuku wa mina,+ naswona swilo swa mina leswi navelekaka mi swi nghenise etitempeleni ta n’wina;+  vana va Yuda ni vana va Yerusalema mi va xavisele+ vana va Vagriki,+ hi xikongomelo xa ku va yisa ekule ni ndhawu ya vona;+  maswivo, ndza va pfuxa leswaku va huma endhawini leyi mi va xaviseke eka yona,+ leswi mi swi endleke ndzi ta swi tlherisela etinhlokweni ta n’wina.+  Ndzi ta xavisa vana va n’wina va majaha ni va vanhwanyana evokweni ra Yuda,+ kutani vona va fanele va va xavisela vanhu va Xeba,+ etikweni ra le kule swinene;+ hikuva Yehovha u swi vurile.  “Huwelelani leswi exikarhi ka matiko,+ ‘Hlawulekisani nyimpi! Pfuxani vavanuna lava nga ni matimba!+ A va tshinele! A va tlhandluke, vavanuna hinkwavo va nyimpi!+ 10  Fulani swikomu swa n’wina swi va mabanga ni swikhutulo+ swa n’wina swi va matlhari. Lowo tsana, a a vule a ku: “Mina ndzi wanuna wa matimba.”+ 11  Pfunani, mi ta, n’wina hinkwenu matiko lama rhendzeleke,+ mi hlengeletana.’”+ Endhawini yoleyo, Wena Yehovha, rhelerisela vanhu va wena lava nga ni matimba.+ 12  “Matiko a ma pfuxiwe, ma ta erivaleni ra le hansi ra Yehoxafati;+ hikuva ndzi ta tshama kona leswaku ndzi avanyisa matiko hinkwawo lama rhendzeleke.+ 13  “Nghenisani rihwevo,+ hikuva ntshovelo wu wupfile.+ Tanani, mi rhelela, hikuva xikamelo xa madiriva xi tele.+ Kahle-kahle makhuwana ya le xikamelweni ma khapakhapa; hikuva vubihi byi andzile.+ 14  Mintshungu, mintshungu yi le rivaleni ra le hansi leri timhaka ti tsemiwaka eka rona,+ hikuva siku ra Yehovha ri le kusuhi erivaleni ra le hansi leri timhaka ti tsemiwaka eka rona.+ 15  Kunene dyambu ni n’weti swi ta hundzuka munyama, kutani tinyeleti ti ta tlherisa ku vangama ka tona.+ 16  Yehovha u ta vomba a ri eSiyoni, u ta twarisa rito rakwe a ri eYerusalema.+ Kunene matilo ni misava swi ta ninginika;+ kambe Yehovha u ta va vutumbelo bya vanhu va yena,+ ni xisirhelelo xa vana va Israyele.+ 17  Kutani mi ta tiva leswaku hi mina Yehovha Xikwembu xa n’wina,+ la tshamaka eSiyoni entshaveni yo kwetsima.+ Yerusalema u fanele a va ndhawu yo kwetsima;+ loko ku ri vafambi, a va nge he tsemakanyi eka yena.+ 18  “Kutani esikwini rero tintshava ti ta thona vhinyo yo tsokombela,+ switsunga swi ta khuluka ntswamba, swinambyana hinkwaswo swa Yuda swi ta khuluka mati. Endlwini ya Yehovha ku ta va ni xihlovo,+ xi fanele xi cheleta nkova wa Mirhi ya Mimunga.+ 19  Loko ku ri Egipta, u ta va rhumbi;+ loko ku ri Edomu, u ta va mananga lama nga rhumbi,+ hikwalaho ka madzolonga lama nga ta wela vana va Yuda, lava halateke ngati leyi nga riki na nandzu etikweni ra vona.+ 20  Kambe loko ku ri Yuda, u ta va ni vaaki hilaha ku nga riki na makumu,+ na Yerusalema eka xitukulwana xin’wana ku ya eka xitukulwana xin’wana.+ 21  Kutani ngati ya vona leyi a ndzi yi teka yi ri ni nandzu, ndzi ta yi teka yi nga ri na nandzu;+ Yehovha u ta tshama eSiyoni.”+

Tinhlamuselo ta le hansi