Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yuwele 1:1-20

1  Rito ra Yehovha leri fikeke+ eka Yuwele n’wana wa Petuwele:  “Yingisani leswi, n’wina vakulukumba, mi rhiya ndleve, n’wina hinkwenu vaaki va tiko.+ Xana leswi swi endlekile emasikwini ya n’wina, kumbe emasikwini ya vatata wa n’wina?+  Swi runguleleni vana va n’wina, kutani vana va n’wina va ta swi rungulela vana va vona, kasi vana va vona va ta swi rungulela xitukulwana lexi landzelaka.+  Njiya yi dye leswi swi siyiweke hi xivungu;+ xijajana xi dye leswi swi siyiweke hi njiya; hele ri dye leswi swi siyiweke hi gerere.+  “Pfukani, n’wina swidakwa,+ mi rila; kololani,+ n’wina hinkwenu lava va nwaka vhinyo,+ hikwalaho ka vhinyo yo tsokombela, hikuva yi wutliwile emilon’wini ya n’wina.+  Hikuva ku ni tiko leri ri teke etikweni ra ka hina, leri nga ni matimba, leri nga hlayekiki.+ Meno ya rona i meno ya nghala,+ naswona ri ni tinhlaya ta nghala.  Ri endle murhi wa mina wa vhinya wu va xihlamariso,+ ni nkuwa wa mina wu va xikundzu.+ Kunene ri wu hohlotile, ri wu cukumeta.+ Swirhabyana swa wona swi hundzuke swo basa.  Kalakalani, hilaha nhwana la tikhameke hi nguvu yo khwaxa+ a endlaka hakona eka n’wini wa vuntshwa byakwe.  “Gandzelo ra mavele+ ni gandzelo ra swakunwa+ ma susiwile endlwini ya Yehovha; vaprista, vatirheli+ va Yehovha, va ririle.+ 10  Nsimu yi phangiwile,+ misava ya rila;+ hikuva mavele ma phangiwile,+ vhinyo leyintshwa yi omile, mafurha ma herile.+ 11  Varimi va tsongahatekile;+ varimi va masimu ya vhinya va kolorile, hikwalaho ka koroni ni hikwalaho ka maxalana; hikuva ntshovelo wa masimu wu lovile.+ 12  Murhi wa vhinya wu omile, ni nkuwa wu vunile. Loko ku ri murhi wa grenada, ni murhi wa ncindzu ni muapula, mirhi hinkwayo ya nhova, yi omile;+ hikuva ku khana ku khomiwe hi tingana eka vana va vanhu.+ 13  “Tikhameni, mi ba swifuva swa n’wina,+ n’wina vaprista. Kololani, n’wina vatirheli va le alitarini.+ Nghenani, vusiku byi hundza mi ambale nguvu yo khwaxa, n’wina vatirheli va Xikwembu xanga; hikuva gandzelo ra mavele+ ni gandzelo ra swakunwa,+ swi siveriwile endlwini ya Xikwembu xa n’wina. 14  Hlawulekisani nkarhi wa ku titsona swakudya.+ Hlengeletani nhlengeletano yo xiximeka.+ Hlanganisani vakulukumba, vaaki hinkwavo va tiko, endlwini ya Yehovha Xikwembu xa n’wina,+ mi huwelela eka Yehovha leswaku a mi pfuna.+ 15  “Oho siku rero;+ hikuva siku ra Yehovha ri le kusuhi,+ ri ta ta ku fana ni ku phanga ka Lowa Matimba Hinkwawo! 16  Xana swakudya a swi susiwanga emahlweni ka mahlo ya hina; ku tsaka ni ku tsakisisa, endlwini ya Xikwembu xa hina?+ 17  Makuwa yo oma ma vunile ehansi ka mafoxolo ya vona. Switlati a swi na nchumu. Madulu ma hirimuxiwile, hikuva mavele a ma kona. 18  Vona ndlela leyi xifuwo xi nga ni nhlomulo ha yona! Vona ndlela leyi mintlhambi ya tihomu yi tsendzelekeke ha yona! Hikuva ku hava madyelo ya yona.+ Naswona, mintlhambi ya tinyimpfu hi yona leyi yi rhwexiweke nandzu. 19  “Oho Yehovha, ndzi ta ku vitana;+ hikuva ndzilo wu lovise madyelo ya le mananga, ni langavi ri herise mirhi hinkwayo ya nhova.+ 20  Swiharhi swa nhova swi tshama swi langute wena,+ hikuva migerho ya mati yi omile,+ naswona ndzilo wu lovise madyelo ya le mananga.”

Tinhlamuselo ta le hansi