Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yudha 1:1-25

 Yudha, hlonga ra Yesu Kreste, tlhelo makwavo wa Yakobo,+ eka lava vitaniweke+ naswona va rhandziwaka hi ku va ni vuxaka ni Xikwembu Tatana+ naswona va hlayiseriweke+ Yesu Kreste:  Onge mi nga engeteleriwa+ tintswalo+ ni ku rhula+ ni rirhandzu.+  Varhandziwa,+ hambileswi a ndzi endla matshalatshala hinkwawo ku mi tsalela hi ta ku ponisiwa loku hi nga na kona hi ku fanana,+ ndzi swi kuma swi fanela leswaku ndzi mi tsalela ndzi mi khongotela ku lwa hi matimba mi lwela ripfumelo+ leri nyikiweke vakwetsimi kan’we swi helela kwalaho.+  Xivangelo xa mina hileswaku vanhu van’wana va ngungumele va nghena,+ lava va vekeriweke+ vuavanyisi lebyi khale hi Matsalwa,+ i vanhu lava nga xiximiki Xikwembu,+ lava hundzulaka musa lowu nga faneriwiki wa Xikwembu xa hina wu va xisirhelelo xa ku tikhoma ko biha+ naswona va kumeka va nga tshembekanga+ eka N’wini+ tlhelo Hosi+ ya hina yi ri yin’we, Yesu Kreste.  Ndzi navela ku mi tsundzuxa, hambileswi mi swi tivaka kahle swilo hinkwaswo,+ leswaku Yehovha, hambiloko a ponise vanhu etikweni ra Egipta,+ endzhaku u lovise lava a va nga kombisi ripfumelo.+  Tintsumi leti nga hlayisangiki xiyimo xa tona xo sungula kambe ti fularheleke vutshamo bya tona lebyi faneleke,+ u ti bohe hi timpecana leti nga riki na makumu+ emunyameni lowukulu, a ti vekela vuavanyisi bya siku lerikulu.+  Swi ve tano hi Sodoma na Gomora ni miti leyi vandzamaneke na yona,+ endzhaku ka loko yi kotise tintsumi hi ku endla vumbhisa hilaha ku hundzeletiweke ni ku mukisana ni nyama leswaku yi yi tirhisa hi ndlela leyi nga riki ya ntumbuluko,+ yi vekiwe emahlweni ka hina leswaku yi va xikombiso xa ku hi lemukisa+ hi ku kuma nxupulo wa vuavanyisi bya ndzilo lowu nga heriki.+  Kambe, hi mukhuva lowu fanaka, na vona, vanhu lava tipetaka emilorhweni,+ va nyamisa nyama ni ku honisa vuhosi+ naswona va tseketsela lava vangamaka.+  Kambe loko Mikayele+ ntsumi leyikulu+ a ve ni njhekanjhekisano+ na Diyavulosi naswona va kanetana hi ntsumbu+ wa Muxe, a nga xinyatanga a n’wi tisela vuavanyisi hi marito ya ku tseketsela,+ kambe u te: “Onge Yehovha a nga ku tshinya.”+ 10  Kambe vanhu lava va tseketsela swilo hinkwaswo leswi kunene va nga swi tiviki;+ kambe swilo hinkwaswo leswi hi ntumbuluko va swi twisisaka ku fana ni swiharhi leswi nga anakanyiki,+ va tionha+ ha swona swilo sweswo. 11  Khombo eka vona, hikuva va famba endleleni ya Kayini,+ naswona va tsutsumele ndlela leyi hoxeke ya Balama+ leswaku va kuma hakelo, va lovile hikokwalaho ka mavulavulelo yo xandzuka+ ya Kora!+ 12  Vona i maribye lama tumbeleke endzeni ka mati enkhubyeni+ wa n’wina wa rirhandzu loko va ri karhi va dya na n’wina, i varisi lava tiphamelaka handle ka ku chava;+ i mapapa yo pfumala mpfula lama yisiwaka hala+ ni hala hi timheho;+ i mirhi eku heleni ka xixikana, kambe leyi nga riki na mihandzu, leyi feke kambirhi, leyi se yi simuriweke;+ 13  i magandlati ya lwandle lama levaka, lama tlhutlhaka swiendlo swa vona leswi va khomisaka tingana;+ i tinyeleti leti nga riki na ntila lowu vekiweke, leti vekeriweke ntima wa munyama lowu tshamaka hi masiku.+ 14  Ina, lowa vunkombo enxaxamelweni lowu sukelaka eka Adamu, Enoko,+ na yena u profetile malunghana na vona, loko a ku: “Maswivo! Yehovha u fikile ni timiriyadi takwe to kwetsima,+ 15  a ta avanyisa hinkwavo,+ ni ku va vona nandzu hinkwavo lava nga xiximiki Xikwembu malunghana ni swiendlo swa vona hinkwaswo swa ku ka va nga xiximi Xikwembu leswi va swi endleke hi ndlela ya ku ka va nga xiximi Xikwembu, ni malunghana ni swilo hinkwaswo leswi tsemaka nhlana leswi vadyohi lava nga xiximiki Xikwembu va xi lumbeteke swona.”+ 16  Vanhu lava i vagunguli,+ va vilela hi swiavelo swa vona evuton’wini, va ya emahlweni hi ku ya hi ku navela ka vona,+ naswona milomu ya vona yi vulavula swilo swa ku tikukumuxa,+ kasi hi tlhelo rin’wana va ndhundhuzela vanhu+ leswaku vona vini va ta pfuneka. 17  Varhandziwa, loko ku ri n’wina, tsundzukani marito lama tshameke ma vuriwa hi vaapostola va Hosi ya hina Yesu Kreste,+ 18  hilaha a va tala ku mi byela hakona va ku: “Eminkarhini yo hetelela, ku ta va ni vahlekuri, lava yaka emahlweni hi ku ya hi ku navela ka vona ka swilo swa ku ka va nga xiximi Xikwembu.”+ 19  Lava hi vona va vangaka ku avana,+ i vanhu va nyama,+ lava nga hava vumoya.+ 20  Kambe n’wina, varhandziwa, hi ku tiaka+ eripfumelweni ra n’wina ro kwetsima swinene,+ mi khongela hi moya wo kwetsima,+ 21  tihlayiseni erirhandzwini ra Xikwembu,+ mi ri karhi mi rindzela tintswalo+ ta Hosi ya hina Yesu Kreste mi ri ni xikongomelo xa vutomi lebyi nga heriki.+ 22  Nakambe, hambetani mi kombisa tintswalo+ eka lava kanakanaka;+ 23  va poniseni+ hi ku va phula endzilweni.+ Kambe hambetani mi kombisa tintswalo eka van’wanyana, mi endla tano hi xichavo, mi ri karhi mi venga hambi nguvu ya le ndzeni leyi thyakisiweke hi nyama.+ 24  Sweswi eka loyi a kotaka ku mi rindza+ mi nga khunguvanyeki ni ku mi yimisa mi ri lava nga solekiki+ emahlweni ka ku vangama kakwe hi ntsako lowukulu, 25  eka Xikwembu lexi nga xona ntsena Muponisi+ wa hina ha Yesu Kreste+ Hosi ya hina, ku vangama,+ vukulukumba, matimba+ ni vulawuri+ a swi ve eka xona ku sukela khale koloko+ ni sweswi ni hilaha ku nga riki na makumu.+ Amen.+

Tinhlamuselo ta le hansi