Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 3:1-17

3  Hiloko Yoxuwa a pfuka nimpundzu swinene, kutani yena ni vana va Israyele hinkwavo va suka eXitimi+ va tshinela eYordani; va etlela kwalaho va nga si pela.  Kuteloko ku hundze masiku manharhu,+ tindhuna+ ti tsemakanya exikarhi ka nxaxa  ni ku lerisa vanhu, ti ku: “Hi ku hatlisa loko mi vona areka ya ntwanano wa Yehovha Xikwembu xa n’wina ni vaprista ni Valevhi, va yi rhwele,+ kutani n’wina mi ta suka endhawini ya n’wina, mi fanele mi yi landzelela,  —kambe a ku ve ni mpfhuka exikarhi ka n’wina na yona, mpimo wa swisungunu swa 2 000;+ mi nga tshineli eka yona—leswaku mi tiva ndlela leyi mi nga ta famba ha yona, hikuva a mi si tshama mi famba hi ndlela yoleyo.”  Kutani Yoxuwa a byela vanhu a ku: “Tihlawulekiseni,+ hikuva mundzuku Yehovha u ta endla swilo swo hlamarisa exikarhi ka n’wina.”+  Hiloko Yoxuwa a byela vaprista a ku: “Tekani areka ya ntwanano+ mi hundza emahlweni ka vanhu.” Kutani va teka areka ya ntwanano va famba emahlweni ka vanhu.  Yehovha a ya emahlweni a byela Yoxuwa a ku: “Esikwini leri ndzi ta sungula ku ku endla lonkulu ematihlweni ya tiko hinkwaro ra Israyele,+ va swi tiva leswaku hilaha a ndzi ri na Muxe hakona,+ ndzi ta va na wena.+  Wena—u fanele u lerisa+ vaprista lava rhwalaka areka ya ntwanano, u ku, ‘Hi ku hatlisa loko mi tshinele ematini ya Yordani, mi fanele mi yima+ mi nga tsekatseki eYordani.’”  Yoxuwa a ya emahlweni a byela vana va Israyele, a ku: “Tshinelani laha mi yingisa marito ya Yehovha Xikwembu xa n’wina.” 10  Endzhaku ka sweswo Yoxuwa a ku: “Hi leswi mi ta swi tiva leswaku Xikwembu lexi hanyaka xi le xikarhi ka n’wina,+ nileswaku xi ta hlongola emahlweni ka n’wina Vakanana, Vaheti, Vahivhi, Vaperezi, Vagirgaxa, Vaamori ni Vayebusi.+ 11  Maswivo! Areka ya ntwanano wa Hosi ya misava hinkwayo yi ta hundza emahlweni ka n’wina yi nghena eYordani. 12  Sweswi tekani vavanuna va 12 eka tinyimba ta Israyele, wanuna un’we wa nyimba ha yin’we.+ 13  Xikan’we-kan’we loko mikondzo ya milenge ya vaprista lava va rhwaleke areka ya Yehovha, Hosi ya misava hinkwayo, yi khumba mati ya Yordani, mati ya Yordani ma ta khawuka, mati lama rhelelaka ma huma ehenhla, ma ta yima ma va damu.”+ 14  Loko vanhu va suka emintsongeni ya vona va nga si pela Yordani, vaprista va rhwele areka+ ya ntwanano emahlweni ka vanhu, 15  xikan’we-kan’we loko lava va rhwalaka Areka va tshinela eYordani ni milenge ya vaprista lava rhwalaka Areka yi khumbe mati (sweswi Yordani wu khapakhapa etimbuweni+ ta wona hinkwato emasikwini ya ntshovelo), 16  kutani mati lawa a ma rhelela ma huma ehenhla ma yima. Ma yima ma va damu+ le kule ngopfu eAdamu, muti lowu nga etlhelo ka Saretana,+ kasi lama khulukaka ma huma elwandle ra Arabha, Lwandle ra Munyu,+ a ma omile. A ma khawukile, kutani vanhu va hundza emahlweni ka Yeriko. 17  Hi nkarhi wolowo vaprista lava a va rhwale areka ya ntwanano wa Yehovha a va yime va nga tsekatseki emisaveni leyi omeke+ exikarhi ka Yordani loko tiko hinkwaro ra Israyele ri hundzele emisaveni leyi omeke,+ ku fikela loko tiko hinkwaro ri hetile ku pela Yordani.

Tinhlamuselo ta le hansi