Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 23:1-16

23  Kutani endzhaku ka masiku yo tala Yehovha a wisise+ Israyele eka valala va rona hinkwavo ematlhelo hinkwawo, loko Yoxuwa a dyuhele naswona a ri wa masiku,+  Yoxuwa u vitane tiko hinkwaro ra Israyele,+ vakulukumba va rona ni varhangeri va rona ni vaavanyisi va rona ni tindhuna ta rona,+ a ku eka rona: “Loko ku ri mina, ndzi dyuhele naswona ndzi wa masiku.  Loko ku ri n’wina, mi swi vonile hinkwaswo leswi Yehovha Xikwembu xa n’wina a swi endleke eka matiko lawa hinkwawo hikwalaho ka n’wina,+ hikuva Yehovha Xikwembu xa n’wina hi yena loyi a a mi lwela.+  Maswivo, ndzi mi avela hi vuhlolotwana+ matiko lama seleke leswaku ma va ndzhaka ya tinyimba ta n’wina, ni matiko hinkwawo lawa ndzi ma tsemeke,+ ku suka eYordani ku ya eLwandle Lerikulu eku peleni ka dyambu.+  Yehovha Xikwembu xa n’wina hi yena loyi a a mi hlongolela wona emahlweni ka n’wina,+ u ma hlongorile hikwalaho ka n’wina, naswona mi tshame etikweni ra wona, hilaha Yehovha Xikwembu xa n’wina a mi tshembiseke hakona.+  “Mi fanele mi va ni xivindzi+ lexikulu xo hlayisa ni ku endla hinkwaswo leswi tsariweke ebukwini+ ya nawu wa Muxe hi ku ka mi nga pfuki mi yi fularherile, mi hambuka eka yona mi ya exineneni kumbe eximatsini,+  hi ku ka mi nga pfuki mi nghene ematikweni lawa,+ lawa ma seleke na n’wina. Mi nga tshuki mi vula mavito ya swikwembu+ swa wona kumbe ku hlambanya ha swona,+ hambi ku ri ku swi tirhela kumbe ku swi nkhinsamela.+  Kambe mi fanele mi namarhela+ Yehovha Xikwembu xa n’wina, hilaha mi endleke hakona ku ta fika esikwini leri.  Yehovha u ta hlongola matiko lamakulu ni la ma nga ni matimba emahlweni ka n’wina.+ (Loko ku ri n’wina, a ku na munhu la yimeke emahlweni ka n’wina ku ta fikela esikwini leri.)+ 10  Munhu wa n’wina un’we ntsena, u ta hlongorisa gidi,+ hikuva Yehovha Xikwembu xa n’wina hi yena loyi a mi lwelaka,+ hilaha a mi tshembiseke hakona.+ 11  Mi fanele mi rindza+ mimoya-xiviri ya n’wina nkarhi hinkwawo, hi ku rhandza Yehovha Xikwembu xa n’wina.+ 12  “Kambe loko mo tlhela+ kutani mi namarhela leswi seleke swa matiko lawa,+ lawa ma seleke na n’wina, mi endla ntwanano+ wa ku tekelana na wona, mi nghena exikarhi ka wona, na wona ma nghena exikarhi ka n’wina, 13  mi fanele mi swi tiva kahle leswaku Yehovha Xikwembu xa n’wina a nge hambeti a mi hlongolela matiko lawa;+ eka n’wina ma ta va swirimbana ni ntlhamu ni xipamu ematsheveni+ ya n’wina ni mitwa ematihlweni ya n’wina ku fikela loko mi lovile emisaveni leyi leyinene leyi Yehovha Xikwembu xa n’wina a mi nyikeke yona.+ 14  “Kutani maswivo, namuntlha ndzi famba hi ndlela ya misava hinkwayo,+ mi swi tiva kahle hi timbilu ta n’wina hinkwato ni mimoya-xiviri ya n’wina hinkwayo leswaku a ri wanga ni rito rin’we eka marito hinkwawo lamanene lawa Yehovha Xikwembu xa n’wina a ma vuleke. Hinkwawo ma hetisekile eka n’wina. A ku wanga ni rito rin’we eka wona.+ 15  Tanihi leswi marito hinkwawo lamanene lawa Yehovha Xikwembu xa n’wina xi mi byeleke wona ma endlekeke eka n’wina,+ kutani Yehovha u ta tisa rito ro biha ehenhla ka n’wina kukondza a mi lovisa emisaveni leyi leyinene, leyi Yehovha Xikwembu xa n’wina a mi nyikeke yona,+ 16  hikwalaho ka ku va mi tlule ntwanano wa Yehovha Xikwembu xa n’wina lowu a mi leriseke wona, ni hikwalaho ka ku va mi fambe mi ya tirhela swikwembu swin’wana ni ku swi nkhinsamela.+ Kunene ku hlundzuka ka Yehovha ku ta mi pfurhela,+ kutani mi ta hatla mi lova etikweni lerinene leri a mi nyikeke rona.”+

Tinhlamuselo ta le hansi