Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 21:1-45

21  Varhangeri va vatata wa Valevhi va tshinelela Eliyazara+ lowa muprista na Yoxuwa+ n’wana wa Nuni ni varhangeri va vatata wa tinyimba ta vana va Israyele,  kutani va vulavula na vona eXilo+ etikweni ra Kanana, va ku: “Ha Muxe, Yehovha u lerise leswaku hi nyikiwa miti leyi hi nga ta tshama eka yona, swin’we ni madyelo ya yona ya swifuwo swa hina.”+  Hiloko vana va Israyele va nyika Valevhi,+ hi ku ya hi xileriso xa Yehovha, miti leyi ni madyelo ya yona endzhakeni ya vona.+  Hiloko ku huma xiavelo xa mindyangu ya va ka Kohata+ hi vuhlolotwana, miti ya 13 yi va ya vana va Aroni lowa muprista, ya Valevhi, hi vuhlolotwana, enyimbeni ya Yuda+ ni ka nyimba ya va ka Simiyoni+ ni ka nyimba ya Benjamini.+  Naswona eka vana va Kohata+ lava a va siyiwe kwalaho, hi ku ya hi vuhlolotwana a ku ri ni miti ya khume emindyangwini ya nyimba ya Efrayimi+ ni le ka nyimba ya Dani+ ni le ka hafu ya nyimba ya Manase.+  Eka vana va Gerixoni+ a ku ri ni miti ya 13 leyi humesiweke hi vuhlolotwana emindyangwini ya nyimba ya Isakara+ ni le ka nyimba ya Axere+ ni le ka nyimba ya Neftali+ ni le ka hafu ya nyimba ya Manase eBaxani.+  Eka vana va Merari+ hi mindyangu ya vona a ku ri ni miti ya 12 eka nyimba ya Ruveni+ ni le ka nyimba ya Gadi+ ni le ka nyimba ya Zebuloni.+  Kutani vana va Israyele va nyika Valevhi miti leyi ni madyelo+ ya yona hi vuhlolotwana,+ hilaha Yehovha a leriseke hakona, ha Muxe.+  Xisweswo loko ku ri va nyimba ya vana va Yuda ni va nyimba ya vana va Simiyoni, va va nyike miti leyi a yi vitaniwa hi vito,+ 10  kutani yi va ya vana va Aroni yi huma emindyangwini ya va ka Kohata va vana va Levhi, hikuva vuhlolotwana byo sungula byi ve bya vona.+ 11  Kutani va va nyike Kiriyati-aba+ (ku vuriwa leswaku Araba a a ri tata wa Anaka),+ hileswaku, Hebroni,+ endhawini ya tintshava ya Yuda,+ ni madyelo ya kona ma yi rhendzerile; 12  kutani masimu ya muti ni swimitana swa wona va swi nyike Kalebe n’wana wa Yefune ma va ndzhaka yakwe.+ 13  Vana va Aroni lowa muprista va va nyike miti ya vutumbelo+ ya loyi a dlayeke+ munhu, ku nga Hebroni,+ ni madyelo ya wona, na Libna+ ni madyelo ya wona, 14  na Yatiri+ ni madyelo ya wona, na Exitemowa+ ni madyelo ya wona, 15  na Holoni+ ni madyelo ya wona, na Debiri+ ni madyelo ya wona, 16  na Ayini+ ni madyelo ya wona, na Yuta+ ni madyelo ya wona, Beta-xemexe+ ni madyelo ya yona; miti ya kaye leyi humaka etinyimbeni leti timbirhi. 17  Ni le ka nyimba ya Benjamini, Gibiyoni+ ni madyelo ya wona, Geba+ ni madyelo ya wona, 18  Anathoti+ ni madyelo ya wona, na Alimoni+ ni madyelo ya wona; miti ya mune. 19  Miti hinkwayo ya vana va Aroni+ lowa muprista, a ku ri miti ya 13 ni madyelo ya yona.+ 20  Emindyangwini ya vana va Kohata, Valevhi lava siyiweke hi vana va Kohata, va kume miti leyi humaka enyimbeni ya Efrayimi+ hi vuhlolotwana bya vona. 21  Hiloko va va nyika muti wa vutumbelo+ wu va wa loyi a dlayeke+ munhu, ku nga Xikeme+ ni madyelo+ ya wona endhawini ya tintshava ya Efrayimi, na Gezere+ ni madyelo ya wona, 22  na Kibizayimi+ ni madyelo ya wona, na Beta-horoni+ ni madyelo ya wona; miti ya mune. 23  Ku sukela enyimbeni ya Dani, Eliteke ni madyelo ya wona, Gibetoni+ ni madyelo ya wona, 24  Ayaloni+ ni madyelo ya wona, Gati-rimoni+ ni madyelo ya wona; miti ya mune. 25  Exiphen’wini xa nyimba ya Manase, Tanaka+ ni madyelo ya wona, na Gati-rimoni ni madyelo ya wona; miti yimbirhi. 26  Miti hinkwayo swin’we ni madyelo ya yona leyi mindyangu ya vana va Kohata va siyeriweke yona a yi ri khume. 27  Eka vana va Gerixoni,+ va mindyangu ya Valevhi, lava a va ri hafu ya nyimba ya Manase+ a ku ri ni muti wa vutumbelo wa loyi a dlayeke munhu, ku nga Golani+ eBaxani ni madyelo ya wona, na Bexitera+ ni madyelo ya wona; miti yimbirhi. 28  Enyimbeni ya Isakara,+ Kixiyoni+ ni madyelo ya wona, Daberata+ ni madyelo ya wona, 29  Yaramutu+ ni madyelo ya wona, Eni-ganimu+ ni madyelo ya wona; miti ya mune. 30  Enyimbeni ya Axere,+ Mixali+ ni madyelo ya wona, Abidoni+ ni madyelo ya wona, 31  Helikati+ ni madyelo ya wona, na Rehobo+ ni madyelo ya wona; miti ya mune. 32  Enyimbeni ya Neftali,+ a ku ri ni muti wa vutumbelo+ wa loyi a dlayeke+ munhu, ku nga Kedexi+ eGaleliya ni madyelo ya wona, na Hamati-dori+ ni madyelo ya wona, na Karitani ni madyelo ya wona; miti yinharhu. 33  Miti hinkwayo ya va ka Gerixoni hi mindyangu ya vona a ku ri miti ya 13 ni madyelo ya yona. 34  Mindyangu ya vana va Merari,+ Valevhi lava siyiweke va kume Yokiniyama+ wu huma enyimbeni ya Zebuloni+ ni madyelo ya wona, Karita ni madyelo ya wona, 35  Dimina+ ni madyelo ya wona, Nahalala+ ni madyelo ya wona; miti ya mune. 36  Enyimbeni ya Ruveni,+ Beseri+ ni madyelo ya wona, na Yahasa+ ni madyelo ya wona, 37  Kedemoti+ ni madyelo ya wona, na Mefati+ ni madyelo ya wona; miti ya mune. 38  Enyimbeni ya Gadi,+ a ku ri ni muti wa vutumbelo wa loyi a dlayeke munhu, ku nga Rhamoti eGiliyadi+ ni madyelo ya wona, na Mahanayimi+ ni madyelo ya wona, 39  Hexiboni+ ni madyelo ya wona, Yazere+ ni madyelo ya wona; miti hinkwayo yi ri mune. 40  Miti hinkwayo leyi a yi ri ya vana va Merari+ hi mindyangu ya vona, leyi siyiweke emindyangwini ya Valevhi, a yi ri miti ya 12 hi vuhlolotwana bya vona. 41  Miti hinkwayo ya Valevhi exikarhi ka ndzhaka ya vana va Israyele a ku ri miti+ ya 48 ni madyelo ya yona.+ 42  Eka miti leyi, muti wun’wana ni wun’wana a wu ri ni madyelo ya wona ma wu rhendzerile—swi ri tano emitini leyi hinkwayo.+ 43  Hiloko Yehovha a nyika Israyele tiko hinkwaro leri a ri hlambanyeleke ku ri nyika vatata wa rona,+ kutani va ri teka+ va tshama eka rona. 44  Ku tlula kwalaho, Yehovha a va wisisa+ hinkwako-nkwako, hi ku landza hinkwaswo leswi a swi hlambanyeleke+ vatata wa vona, ku hava ni un’we wa valala va vona la yimeke emahlweni ka vona.+ Yehovha a nyiketa valala va vona hinkwavo evokweni ra vona.+ 45  Ku hava xitshembiso lexi tsandzekeke eka switshembiso hinkwaswo leswinene leswi Yehovha a swi tshembiseke yindlu ya Israyele; hinkwaswo swi hetisekile.+

Tinhlamuselo ta le hansi