Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 20:1-9

20  Kutani Yehovha a vulavula na Yoxuwa, a ku:  “Byela vana va Israyele, u ku, ‘Tinyikeni miti ya vutumbelo+ leyi ndzi vulavuleke na n’wina ha yona ha Muxe,  leswaku loyi a dlayeke+ moya-xiviri ku nga ri ha vomu, a nga swi tivi, a ta balekela kona; byi fanele byi va vutumbelo bya n’wina eka murihiseri wa ngati.+  U fanele a balekela+ eka wun’wana wa miti leyi ivi a yima evunghenweni bya nyangwa+ ya muti kutani a vula marito yakwe vakulukumba+ va muti va yingisile; va fanele va n’wi amukela emutini va n’wi nyika ndhawu, u fanele a tshama na vona.  Loko murihiseri wa ngati a n’wi hlongorisa, a va fanelanga va n’wi nyiketa loyi a dlayeke munhu evokweni rakwe;+ hikuva u dlaye munhu-kulobye a nga swi tivi, naswona a a nga n’wi vengi eku sunguleni.+  U fanele a tshama emutini ku fikela loko a yima emahlweni ka ntshungu leswaku a avanyisiwa,+ kukondza ku fa muprista lonkulu,+ loyi a nga kona emasikwini wolawo. Hi kona loyi a dlayeke munhu a nga tlhelaka,+ u ta nghena emutini wa ka vona ni le ndlwini yakwe, emutini lowu a a balekeke eka wona.’”  Kutani va nyika Kedexi+ leyi nga eGaleliya xiyimo xo hlawuleka, endhawini ya tintshava ya Neftali, na Xikeme+ endhawini ya tintshava ya Efrayimi, na Kiriyati-aba,+ hileswaku, Hebroni, endhawini ya tintshava ya Yuda.  Exifundzheni xa Yordani, eYeriko etlhelo ra le vuxeni va nyikela Beseri+ emananga etikweni leri andlalekeke ra nyimba ya Ruveni,+ na Rhamoti+ eGiliyadi enyimbeni ya Gadi, na Golani+ eBaxani enyimbeni ya Manase.  Leyi i miti leyi vekeriweke vana va Israyele hinkwavo ni muluveri la luveleke exikarhi ka vona, leswaku mani na mani la dlayaka moya-xiviri ku nga ri ha vomu a balekela kona,+ leswaku a nga dlayiwi hi voko ra murihiseri wa ngati ku fikela loko a yime emahlweni ka ntshungu.+

Tinhlamuselo ta le hansi