Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 2:1-24

2  Kutani Yoxuwa n’wana wa Nuni a rhuma vavanuna vambirhi swi nga tiviwi, ku suka eXitimi+ va ri tinhlori, a ku: “Fambani mi ya kambela tiko na Yeriko.” Hiloko va famba va ya fika endlwini ya wansati la nga nghwavava loyi vito rakwe a a ri Rahava,+ kutani va tshama kwalaho.  Hi ku famba ka nkarhi ku byeriwa hosi ya Yeriko: “Waswivo! Vavanuna va vana va Israyele va te laha nivusiku leswaku va ta kambela tiko.”  Kutani hosi ya Yeriko yi rhumela rito eka Rahava, yi ku: “Humesa vavanuna lava teke eka wena, lava ngheneke endlwini ya wena, hikuva va tile ku ta kambela tiko hinkwaro.”+  Hi nkarhi wolowo wansati loyi a teka vavanuna lava vambirhi a va tumbeta. Kutani a ku: “lna, vavanuna va tile eka mina, naswona a ndzi nga ku tivi lomu a va huma kona.  Vavanuna volavo va hume loko ku pfariwa nyangwa,+ loko ri phumela. A ndzi ku tivi lomu vavanuna volavo va yeke kona. Va saleni endzhaku hi ku hatlisa, hikuva mi ta va kuma.”  (Kambe yena a a va yise elwangwini,+ a va fihla va nga vonaki exikarhi ka tinyandza ta ntsembyana etinhlangeni leti a vekeriweke tona hi malayini ehenhla ka lwangu.)  Kutani vanhu lava va va sala endzhaku hi tlhelo ra Yordani emahlalukweni,+ naswona va pfala nyangwa hi ku hatlisa loko lava va va saleke endzhaku va humile.  Kasi loko ku ri lava, u ye eka vona elwangwini va nga si etlela.  A ku eka vavanuna lava: “Ndzi swi tiva kahle leswaku Yehovha u ta mi nyika tiko hakunene,+ nileswaku ku chaviwa ka n’wina ku wele ehenhla ka hina,+ nileswaku vaaki hinkwavo va tiko va tshoveke timbilu hikwalaho ka n’wina.+ 10  Hikuva hi yi twile ndlela leyi Yehovha a omiseke ha yona mati ya Lwandle ro Tshwuka emahlweni ka n’wina loko mi huma aEgipta,+ nileswi mi swi endleke eka tihosi timbirhi ta Vaamori leti a ti ri entsungeni wa Yordani, ku nga Sihoni+ na Ogo,+ leti mi ti loviseke.+ 11  Loko hi swi twa, hi nkarhi wolowo timbilu ta hina ti sungule ku n’oka,+ naswona a nga kona la swi koteke ku hefemula hikwalaho ka n’wina,+ hikuva Yehovha Xikwembu xa n’wina i Xikwembu ematilweni lama nga ehenhla ni le misaveni leyi nga ehansi.+ 12  Ndzi kombela leswaku sweswi mi ndzi hlambanyela hi Yehovha,+ leswaku, leswi ndzi mi kombeke musa wa rirhandzu, kunene na n’wina mi ta kombisa musa wa rirhandzu eka vandyangu wa tatana,+ naswona mi fanele mi ndzi nyika xikombiso lexi tshembekaka.+ 13  Mi fanele mi londzovota tatana+ a hanya, manana, vamakwerhu va xinuna, vamakwerhu va xisati ni vanhu va vona hinkwavo, mi fanele mi kutsula mimoya-xiviri ya hina eku feni.”+ 14  Kutani vavanuna lava va ku eka yena: “Mimoya-xiviri ya hina yi nga fa ematshan’weni ya n’wina!+ Loko mi nga paluxi mhaka leyi ya hina, kutaku loko Yehovha a hi nyika tiko, kunene na hina hi ta mi komba musa wa rirhandzu ni ku tshembeka.”+ 15  Endzhaku ka sweswo a va rhelerisa hi pindza efasitereni, hikuva yindlu yakwe a yi ri etlhelo ka rirhangu, naswona a a tshama hi le rirhangwini.+ 16  Hiloko a ku eka vona: “Yanani endhawini ya tintshava, leswaku lava va mi saleke endzhaku va nga hlangani na n’wina; kutani mi fanele mi tifihla kwalaho ku ringana masiku manharhu, ku fikela loko lava va mi saleke endzhaku va vuya, endzhaku ka sweswo mi nga famba mi ya laha mi lavaka kona.” 17  Hiloko vavanuna lava va ku eka yena: “A hi na nandzu malunghana ni xihlambanyo lexi u hi hlambanyiseke xona.+ 18  Waswivo! Hi ta nghena etikweni. Ntambhu leyi ya harana ya ribungu u fanele u yi tsimba efasitereni leri u hi rheleriseke ha rona, naswona tata wa wena, mana wa wena, vamakwenu va xinuna ni hinkwavo vandyangu wa tata wa wena u fanele u va hlengeleta eka wena endlwini+ leyi. 19  Kutani un’wana ni un’wana la humaka etinyangweni ta yindlu ya wena a ya ehandle,+ ngati yakwe yi ta va enhlokweni yakwe, naswona a hi nge vi na nandzu; kutani un’wana ni un’wana la tshamaka na wena endlwini yoleyo, ngati yakwe yi ta va etinhlokweni ta hina loko voko ro va ehenhla ka yena. 20  Loko wo paluxa mhaka leyi ya hina,+ hi ta ntshunxeka hi nga vi na nandzu malunghana ni xihlambanyo lexi u hi hlambanyiseke xona.” 21  Hiloko a ku: “A swi endleke hi ku landza marito ya n’wina.” Endzhaku ka sweswo a va tshika va famba, hiloko va famba. Kutani a tsimba ntambhu ya ribungu efasitereni. 22  Xisweswo va famba va ya fika endhawini ya tintshava, kutani va tshama kona masiku manharhu, ku fikela loko lava a va va sale endzhaku va tlhela. Kutani lava a va va sale endzhaku a va va lava egondzweni rin’wana ni rin’wana, kambe a va va kumanga. 23  Vavanuna lava vambirhi va rhelela nakambe endhawini ya tintshava, va pela va ya eka Yoxuwa n’wana wa Nuni, kutani va n’wi rungulela hinkwaswo leswi swi va endlekeleke. 24  Va ya emahlweni va ku eka Yoxuwa: “Yehovha u nyikete tiko hinkwaro evokweni ra hina.+ Phela vaaki hinkwavo va tiko va tshoveke timbilu hikwalaho ka hina.”+

Tinhlamuselo ta le hansi