Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 19:1-51

19  Kutani vuhlolotwana+ bya vumbirhi byi wela eka Simiyoni, nyimba ya vana va Simiyoni+ hi mindyangu ya vona. Ndzhaka ya vona yi va exikarhi ka ndzhaka ya vana va Yuda.+  Hiloko va kuma Bera-xeba+ na Xeba na Mulada+ yi va ndzhaka ya vona,  na Hasara-xuwala+ na Baala na Esemu,+  na Elitolada+ na Bethuli na Horma,  na Sikilaga+ na Beta-markaboto na Hasara-susa,+  na Beta-lebawoto+ na Xaruheni; miti ya 13 ni swimitana swa yona.  Ayini,+ Rimoni+ na Etere na Axani;+ miti ya mune ni swimitana swa yona,  ni swimitana hinkwaswo leswi a swi rhendzele miti leyi hinkwayo ku ya fika eBalata-bere,+ Rhama+ wa le dzongeni. Leyi a ku ri ndzhaka ya nyimba ya vana va Simiyoni hi mindyangu ya vona.  Ndzhaka ya vana va Simiyoni a yi nga ri exiphen’wini xa vana va Yuda, hikuva xiavelo xa vana va Yuda a xi ri xikulu ngopfu eka vona.+ Hikwalaho vana va Simiyoni va kume ndzhaka exikarhi ka ndzhaka ya vona.+ 10  Kutani vuhlolotwana+ bya vunharhu byi wela eka vana va Zebuloni+ hi mindyangu ya vona, naswona ndzilakana wa ndzhaka ya vona wu fika eSaridi. 11  Kutani ndzilakana wa vona wu tlhandlukela etlhelo ra vupela-dyambu ni le Mariyala, wu fika eDabexeti ni le nkoveni lowu nga emahlweni ka Yokiniyama.+ 12  Wu tlhelela endzhaku ku suka eSaridi ku ya etlhelo ra le vuxeni evuhuma-dyambu ku ya endzilakaneni wa Kisiloti-tabori, wu hundzela eDaberata+ wu tlhandlukela eYafiya. 13  Ku suka kwalaho wu hundza etlhelo ra le vuxeni evuhuma-dyambu ku ya eGati-hefere,+ wu ya aEti-kasini, wu hundzela eRimoni naswona wu funghiwe eNeya. 14  Ndzilakana wu wu rhendzela en’walungwini ku ya eHanatoni, wu helela enkoveni wa Ifita-eli, 15  na Kata na Nahalala na Ximroni+ na Idala na Betlehema;+ miti ya 12 ni swimitana swa yona. 16  Leyi a ku ri ndzhaka+ ya vana va Zebuloni hi mindyangu ya vona.+ Leyi a ku ri miti ni swimitana swa yona. 17  Vuhlolotwana bya vumune byi wela eka Isakara,+ vana va Isakara hi mindyangu ya vona. 18  Ndzilakana wa vona a ku ri Yizriyele+ na Kesuloti na Xunemi,+ 19  na Hafarayimi na Xiyoni na Anaharati, 20  na Rabiti na Kixiyoni na Ebeze, 21  na Remeti na Eni-ganimu+ na Eni-hada na Beta-pasese. 22  Ndzilakana wu fika eTaboro+ ni le Xahazuma ni le Beta-xemexe, kutani ndzilakana wa vona wu helela eYordani; miti ya 16 ni swimitana swa yona. 23  Leyi a ku ri ndzhaka ya nyimba ya vana va Isakara hi mindyangu+ ya vona ni swimitana swa yona. 24  Kutani vuhlolotwana+ bya vuntlhanu byi wela eka nyimba ya vana va Axere+ hi mindyangu ya vona. 25  Ndzilakana wa vona wu va Helikati+ na Hali na Beteni na Akixafa,+ 26  na Alameleke na Amadi na Mixali.+ Kutani wu fika etlhelo ra le vupela-dyambu bya Karimeli+ na Xihoro-libanata, 27  wu tlhelela evuhuma-dyambu wu ya eBeta-dagoni wu fika eZebuloni+ ni le nkoveni wa Ifita-eli ku ya en’walungwini, wu ya eBeta-emeke na Neyiyele, kutani wu hundzela eKabulu eximatsini, 28  ni le Ebroni na Rehobo na Hamoni na Kana ku ya fika eSidoni leyi nga ni vaaki vo tala.+ 29  Ndzilakana wu tlhelela eRhama ku ya fika emitini leyi tiyisiweke ya Tiri.+ Ndzilakana wu tlhelela eHosa, wu helela elwandle ra xifundzha xa Akizibi,+ 30  na Uma na Afeke+ na Rehobo;+ miti ya 22 ni swimitana swa yona. 31  Leyi a ku ri ndzhaka ya nyimba ya vana va Axere hi mindyangu ya vona.+ Leyi a ku ri miti ni swimitana swa yona. 32  Vuhlolotwana+ bya vutsevu byi wela eka vana va Neftali,+ vana va Neftali hi mindyangu ya vona. 33  Ndzilakana wa vona wu sukela eHelefa, emurhini lowukulu eZananima,+ na Adami-nekebi na Yabinele ku ya fika eLakumi; wu helela eYordani. 34  Ndzilakana wu tlhelela endzhaku etlhelo ra le vupela-dyambu wu ya eAznoti-tabora, wu huma eHukoko wu fika eZebuloni+ edzongeni, ni le Axere+ wu fika evupela-dyambu ni le Yuda+ eYordani etlhelo ra le vuhuma-dyambu. 35  Miti leyi tiyisiweke a ku ri Sidimi, Sere na Hamata,+ Rakati na Kinereti,+ 36  na Adama na Rhama na Hasora,+ 37  na Kedexi+ na Edireyi na Eni-hazori, 38  na Yironi na Migdali-eli, Horeme na Beta-anata na Beta-xemexe;+ miti ya 19 ni swimitana swa yona. 39  Leyi a ku ri ndzhaka+ ya nyimba ya vana va Neftali hi mindyangu ya vona,+ miti ni swimitana swa yona. 40  Vuhlolotwana+ bya vunkombo byi wela eka nyimba ya vana va Dani+ hi mindyangu ya vona. 41  Kutani ndzilakana wa ndzhaka ya vona wu ve Sora+ na Exitawoli na Iri-xemexi, 42  na Xalabini+ na Ayaloni+ na Itila, 43  na Elone na Timna+ na Ekroni,+ 44  na Eliteke na Gibetoni+ na Balata,+ 45  na Yehudu na Bene-beraka na Gati-rimoni,+ 46  na Me-yarikoni na Rakoni, ndzilakana wu ri emahlweni ka Yopa.+ 47  Ndhawu ya vana va Dani a yi ri yitsongo+ eka vona. Kutani vana va Dani va famba va ya lwa na Lexeme+ va wu teka ni ku wu hlasela hi banga. Va wu teka va tshama eka wona, ivi va wu vitana Lexeme Dani, hi vito ra Dani tata wa vona.+ 48  Leyi a ku ri ndzhaka ya nyimba ya vana va Dani hi mindyangu ya vona. Leyi a ku ri miti ni swimitana swa yona. 49  Hikwalaho va heta ku ava tiko leswaku ri tshamiwa hi miganga ya rona. Kutani vana va Israyele va nyika Yoxuwa n’wana wa Nuni ndzhaka exikarhi ka vona. 50  Hi ku landza xileriso xa Yehovha va n’wi nyike muti lowu a wu kombeleke,+ ku nga Timinata-sera+ endhawini ya tintshava ya Efrayimi; kutani a sungula ku aka muti a tshama eka wona. 51  Leti a ku ri tindzhaka ta Eliyazara lowa muprista na Yoxuwa n’wana wa Nuni ni varhangeri va vatata wa tinyimba ta vana va Israyele leti aviweke+ ti va ndzhaka hi vuhlolotwana eXilo+ emahlweni ka Yehovha, enyangweni ya ntsonga wa nhlangano.+ Kutani va tshika ku ava tiko.

Tinhlamuselo ta le hansi