Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 16:1-10

16  Kutani ku huma vuhlolotwana+ bya vana va Yosefa+ ku suka le Yordani+ eYeriko ku ya ematini ya Yeriko etlhelo ra le vuxeni, mananga ma tlhandluka ku suka eYeriko ku ya endhawini ya tintshava ya Bethele.+  Byi huma eBethele byi ya eLuzi+ byi hundzela endzilakaneni wa Vaaraki+ eAtaroti,  wu rhelela etlhelo ra vupela-dyambu ku ya endzilakaneni wa Vayafele ku ya fika endzilakaneni wa le Hansi wa Beta-horoni+ na Gezere,+ naswona wu helela elwandle.+  Kutani vana va Yosefa,+ ku nga Manase na Efrayimi+ va tshama etikweni rero.+  Kutani ndzilakana wa vana va Efrayimi hi mindyangu ya vona, ina, ndzilakana wa ndzhaka ya vona evuxeni wu va Ataroti-ada,+ ku ya fika eBeta-horoni wa le Henhla;+  naswona ndzilakana wu ya fika elwandle. Mikimetati+ a wu ri en’walungwini, kutani ndzilakana wu rhendzeleka etlhelo ra le vuxeni ku ya eTanata-xilo, wu hundza etlhelo ra le vuxeni ku ya eYanowa.  Wu rhelela ku suka eYanowa ku ya eAtaroti na Nara, wu fika eYeriko,+ wu hundzela eYordani.  Ndzilakana wu suka eTapuwa+ wu ya etlhelo ra vupela-dyambu enkoveni wa Kana,+ wu helela elwandle.+ Leyi i ndzhaka ya nyimba ya vana va Efrayimi hi mindyangu ya vona.  Vana va Efrayimi a va ri ni miti+ leyi a yi rhendzele hi ndzhaka ya vana va Manase, miti hinkwayo ni swimitana swa vona. 10  A va va hlongolanga Vakanana+ lava a va tshama eGezere,+ kutani Vakanana va ya emahlweni va tshama exikarhi ka Efrayimi ku fikela esikwini leri,+ va endla ntirho wo sindzisiwa wa vuhlonga.+

Tinhlamuselo ta le hansi