Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 14:1-15

14  Vana va Israyele va teke leswi leswaku swi va ndzhaka ya vona etikweni ra Kanana,+ leswi Eliyazara lowa muprista na Yoxuwa n’wana wa Nuni ni varhangeri va vatata wa tinyimba ta vana va Israyele va va nyikeke swona swi va ndzhaka.+  Ndzhaka ya vona a va yi kuma hi vuhlolotwana,+ hilaha Yehovha a leriseke hakona ha Muxe malunghana ni tinyimba ta kaye swin’we ni hafu ya nyimba.+  Hikuva Muxe u humese ndzhaka ya tinyimba timbirhi ni hafu leyin’wana ya nyimba entsungeni wa Yordani;+ kambe Valevhi a nga va nyikanga ndzhaka exikarhi ka vona.+  Vana va Yosefa va ve tinyimba timbirhi,+ Manase+ na Efrayimi;+ naswona a va va nyikanga xiavelo etikweni ra Valevhi, handle ka miti+ yo tshama eka yona ni madyelo ya swifuwo ni swilo swa vona.+  Vana va Israyele va endle hilaha Yehovha a leriseke Muxe hakona; va sungula ku ava tiko.  Kutani vana va Yuda va ya eka Yoxuwa eGiligala,+ kutani Kalebe+ n’wana wa Yefune lowa Mukenizi+ a ku eka yena: “Wena u ri tiva kahle rito leri Yehovha a ri byeleke+ Muxe munhu wa Xikwembu+ xa ntiyiso leri khumbaka mina ni leri khumbaka wena eKadexi-baniya.+  A ndzi ri ni malembe ya 40 hi vukhale loko Muxe nandza wa Yehovha a ndzi rhuma leswaku ndzi ya eKadexi-baniya ndzi ya kambela tiko,+ kutani ndzi n’wi byela hilaha a swi ri hakona embilwini ya mina.+  Vamakwerhu lava va tlhandlukeke na mina va endle leswaku mbilu ya vanhu yi n’oka;+ kambe loko ku ri mina, ndzi landzelele Yehovha Xikwembu xa mina hi ku helela.+  Hikwalaho Muxe a hlambanya esikwini rero, a ku, ‘Tiko leri milenge ya wena yi ri kandziyeke+ ri ta va ra wena ni vana va wena, ri va ndzhaka ya vona hilaha ku nga riki na makumu, hikuva u landzelele Yehovha Xikwembu xanga hi ku helela.’+ 10  Sweswi Yehovha u ndzi londzovote ndzi hanya,+ hilaha a tshembiseke+ hakona emalembeni ya 45 ku sukela loko Yehovha a endla xitshembiso lexi eka Muxe loko tiko ra Israyele ri famba-famba emananga,+ kutani sweswi ndzi ni malembe ya 85 hi vukhale. 11  Kambe ninamuntlha ndza ha ri ni matimba ku fana ni le sikwini leri Muxe a ndzi rhumeke ha rona.+ Matimba ya mina lawa a ndzi ri na wona enkarhini wolowo, ndza ha ri na wona ni sweswi leswaku ndzi lwa nyimpi, ndzi huma ni ku nghena.+ 12  Sweswi ndzi nyike ndhawu ya tintshava leyi Yehovha a ndzi tshembiseke yona esikwini rero,+ hikuva wena u swi twile esikwini rero leswaku a ku ri na Vaanaka+ kwalaho ni miti leyikulu leyi tiyisiweke.+ Kumbexana Yehovha u ta va na mina,+ kunene ndzi ta va hlongola, hilaha Yehovha a tshembiseke hakona.”+ 13  Hiloko Yoxuwa a n’wi katekisa kutani a nyika Hebroni wu va wa Kalebe n’wana wa Yefune, wu va ndzhaka yakwe.+ 14  Hi yona mhaka leyi Hebroni wu nga wa Kalebe n’wana wa Yefune lowa Mukenizi, wu va ndzhaka yakwe ku fikela esikwini leri, hikwalaho ka leswi a landzeleleke Yehovha Xikwembu xa Israyele hi ku helela.+ 15  Emahlweni ka kwalaho vito ra Hebroni a ku ri Kiriyati-aba+ (ku vuriwa leswaku Araba+ a a ri munhu lonkulu exikarhi ka Vaanaka). Tiko a ri kavanyetiwanga hi nyimpi.+

Tinhlamuselo ta le hansi