Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 12:1-24

12  Hi leti tihosi ta tiko leti vana va Israyele va ti hluleke ni tiko ra tona leri va ri tekeke ri va ndzhaka ya vona entsungeni wa Yordani ku ya evuhuma-dyambu,+ ku suka enkoveni wa Arinoni+ ku tlhandlukela eNtshaveni ya Herimoni+ na Arabha+ hinkwaro etlhelo ra vuhuma-dyambu:  Sihoni+ hosi ya Vaamori loyi a a tshama eHexiboni,+ a a fuma ku suka eArowere+ lowu a wu ri eribuweni ra nkova wa Arinoni+ ni le xikarhi ka nkova, hafu ya Giliyadi ku ya fika enkoveni wa Yaboko,+ ndzilakana wa vana va Amone,  ni le Arabha+ ku ya fika elwandle ra Kinereti+ etlhelo ra vuxa ni ku ya fika elwandle ra Arabha, Lwandle ra Munyu,+ ku ya evuxeni etlhelo ka Beta-yeximoto,+ ni le dzongeni ehansi ka magiyagiya ya Pisiga.+  Ni ndhawu ya Ogo+ hosi ya Baxani, leyi a yi siyeriwe Varefayimi,+ loyi a a tshama eAxitaroti+ ni le Edireyi,+  loyi a a fuma eNtshaveni ya Herimoni+ ni le Saleka ni le Baxani+ hinkwaro ku ya fika endzilakaneni wa va ka Gexura+ ni va ka Mukati+ ni hafu ya Giliyadi, ku ya fika endhawini ya Sihoni+ hosi ya Hexiboni.+  Va hluriwe hi Muxe nandza wa Yehovha ni vana va Israyele,+ endzhaku ka sweswo Muxe nandza wa Yehovha a nyika va ka Ruveni+ ku va ndzhaka ya vona ni va ka Gadi+ ni hafu ya nyimba ya Manase.+  Leti i tihosi ta tiko leti Yoxuwa ni vana va Israyele va ti hluleke etlhelo ka Yordani ku ya evupela-dyambu, ku suka eBali-gadi+ erivaleni ra Lebanoni+ ku ya fika eNtshaveni ya Halaka+ leyi tlhandlukelaka eSeyiri,+ lowu endzhaku Yoxuwa a wu nyikeke tinyimba ta Israyele wu va ndzhaka ya tona hi swiavelo swa tona,+  endhawini ya tintshava ni le Xefela ni le Arabha ni le magiyagiyeni ni le mananga ni le Negebu+—Vaheti, Vaamori+ ni Vakanana, Vaperezi, Vahivhi ni Vayebusi:+   Hosi ya Yeriko,+ yin’we; hosi ya Ayi,+ leyi a yi ri etlhelo ka Bethele, yin’we; 10  hosi ya Yerusalema,+ yin’we; hosi ya Hebroni,+ yin’we; 11  hosi ya Yaramutu,+ yin’we; hosi ya Lakixi,+ yin’we; 12  hosi ya Egiloni,+ yin’we; hosi ya Gezere,+ yin’we; 13  hosi ya Debiri,+ yin’we; hosi ya Gedere, yin’we; 14  hosi ya Horma, yin’we; hosi ya Aradi, yin’we; 15  hosi ya Libna,+ yin’we; hosi ya Adulamu, yin’we; 16  hosi ya Makeda,+ yin’we; hosi ya Bethele,+ yin’we; 17  hosi ya Tapuwa, yin’we; hosi ya Hefere,+ yin’we; 18  hosi ya Afeke, yin’we; hosi ya Laxaroni, yin’we; 19  hosi ya Madoni,+ yin’we; hosi ya Hasora,+ yin’we; 20  hosi ya Ximroni-meroni, yin’we; hosi ya Akixafa,+ yin’we; 21  hosi ya Tanaka, yin’we; hosi ya Megido,+ yin’we; 22  hosi ya Kedexi, yin’we; hosi ya Yokiniyama+ eKarimeli, yin’we; 23  hosi ya Dori exitsungeni xa ntshava ya Dori,+ yin’we; hosi ya Goyimi eGiligala, yin’we; 24  hosi ya Tirisa, yin’we; tihosi hinkwato a ti ri 31.+

Tinhlamuselo ta le hansi