Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yoxuwa 11:1-23

11  Hi ku hatlisa loko Yabini hosi ya Hasora a swi twa, u rhumele rito eka Yobabu hosi ya Madoni+ ni le ka hosi ya Ximroni ni hosi ya Akixafa,+  ni le ka tihosi leti a ti ri en’walungwini endhawini ya tintshava ni le timbaleni ta le kwandzasini edzongeni wa Kinereti+ ni le Xefela+ ni le switsungeni swa ntshava ya Dori+ evupela-dyambu,  ni le ka Vakanana+ evuxeni ni le vupela-dyambu, ni Vaamori+ ni Vaheti+ ni Vaperezi+ ni Vayebusi+ endhawini ya tintshava, ni Vahivhi+ ehansi ka Herimoni+ etikweni ra Mizpa.+  Hiloko ti huma, tona ni vanhu va tona hinkwavo va le mixaxeni, vanhu vo tala kukota swiribyana swa sava ra le ribuweni ra lwandle hi vunyingi,+ ni tihanci+ to tala ngopfu ni makalichi ya nyimpi.  Kutani tihosi leti hinkwato ti hlangana hi nkarhi lowu titwaneke ha wona kutani ti dzima mixaxa ematini ya Meromi leswaku ti lwa na Israyele.+  Hiloko Yehovha a byela Yoxuwa a ku: “U nga ti chavi,+ hikuva mundzuku hi nkarhi lowu ndzi ta ti tshika hinkwato leswaku ti dlayiwa hi Israyele. Tihanci ta tona u ta ti tsema misiha ya le matsolweni,+ makalichi ya tona u ta ma hisa hi ndzilo.”+  Kutani Yoxuwa ni vanhu hinkwavo va nyimpi lava a va ri na yena va ti hlasela hi xitshuketa ekusuhi ni mati ya Meromi, va ti tala ehenhla.  Hiloko Yehovha a ti nyiketa evokweni ra Israyele,+ va ti hlasela ni ku ti hlongorisa ku ya fika eSidoni+ leyi nga ni vaaki vo tala ni le Misirefoto-mayimi+ ni le rivaleni ra le Mizpe evuxeni;+ va ti dlayetela kukondza ku nga ha sali munhu la poneke.+  Endzhaku ka sweswo Yoxuwa a ti endla hilaha Yehovha a n’wi leriseke hakona: tihanci ta tona a ti tsema misiha ya le matsolweni,+ makalichi ya tona a ma hisa hi ndzilo.+ 10  Ku tlula kwalaho, Yoxuwa a hundzuka hi nkarhi+ wolowo a teka Hasora;+ hosi ya wona a yi dlaya hi banga,+ hikuva emahlweni ka sweswo, Hasora a a ri nhloko ya mimfumo yoleyo hinkwayo. 11  Hiloko va dlaya moya-xiviri wun’wana ni wun’wana lowu a wu ri kwalaho hi banga, va wu nyikela endzovisweni.+ A ku na nchumu lexi xi hefemulaka lexi siyiweke,+ kutani a hisa Hasora hi ndzilo. 12  Kutani miti hinkwayo ya tihosi leti ni tihosi ta yona, Yoxuwa a ti teka kutani a ti dlaya hi banga.+ A ti nyikela endzovisweni,+ hilaha Muxe nandza wa Yehovha a leriseke hakona.+ 13  Ku lo sala ntsena miti hinkwayo leyi yimeke emarhumbini ya yona leyi Israyele a nga yi hisangiki, lowu Yoxuwa a nga wu hisa i Hasora ntsena. 14  Kutani vana va Israyele va tiphangela miti leyi hinkwayo ni swifuwo swa miti leyi.+ I vanhu hinkwavo lava va va dlayeke hi banga ku fikela loko va va lovisile.+ A va siyanga munhu la hefemulaka.+ 15  Hilaha Yehovha a leriseke Muxe nandza wakwe hakona, hi ndlela yoleyo Muxe u lerise Yoxuwa,+ kutani Yoxuwa a endla tano. A nga susanga rito ni rin’we eka hinkwawo lawa Yehovha a ma leriseke Muxe.+ 16  Kutani Yoxuwa a teka tiko leri hinkwaro, ndhawu ya tintshava na Negebu+ hinkwaro ni tiko hinkwaro ra Goxeni+ na Xefela+ na Arabha+ ni ndhawu ya tintshava ya Israyele ni Xefela ya yona,+ 17  ku suka eNtshaveni ya Halaka,+ leyi tlhandlukelaka eSeyiri+ ku ya fika eBali-gadi+ erivaleni ra Lebanoni ehansi ka Ntshava ya Herimoni,+ a teka tihosi ta yona hinkwato, a ti hlasela ni ku ti dlaya.+ 18  Yoxuwa u lwe nyimpi ni tihosi leti hinkwato masiku yo tala. 19  A ku vanga na muti lowu endleke ku rhula ni vana va Israyele loko ku nga ri Vahivhi+ lava tshamaka eGibiyoni.+ Leyin’wana hinkwayo va yi teke hi nyimpi.+ 20  Hikuva a ku ri ndlela ya Yehovha ku tshika timbilu ta vona ti sihalala+ leswaku va lwa na Israyele, ku endlela leswaku a va nyikela endzovisweni, va nga kombiwi tintswalo,+ kambe leswaku a va lovisa, hilaha Yehovha a leriseke Muxe hakona.+ 21  Ku tlula kwalaho, hi nkarhi wolowo Yoxuwa a famba a ya dlaya Vaanaka+ endhawini ya tintshava, ku suka eHebroni, eDebiri, eAnabu+ ni le ndhawini hinkwayo ya tintshava ya Yuda ni le ndhawini hinkwayo ya tintshava ya Israyele.+ Yoxuwa a va nyikela endzovisweni swin’we ni miti ya vona.+ 22  Ku hava Vaanaka lava siyiweke etikweni ra vana va Israyele. A va sele+ eGaza ntsena,+ eGati+ ni le Axidodo.+ 23  Hiloko Yoxuwa a teka tiko hinkwaro hi ku landza hinkwaswo leswi Yehovha a swi tshembiseke Muxe,+ kutani Yoxuwa a nyika tiko ra Israyele ri va ndzhaka ya vona hi ku avelana ka vona, hi ku ya hi tinyimba ta vona.+ Tiko a ri kavanyetiwanga hi nyimpi.+

Tinhlamuselo ta le hansi