Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yonasi 4:1-11

4  Kambe, Yonasi a swi nga n’wi tsakisi nikatsongo,+ kutani a hlundzuka ngopfu.  Hikwalaho a khongela Yehovha, a ku: “Oho Yehovha, xana leyi a ku nga ri mhaka leyi ndzi yi vuleke, loko ndza ha ri emisaveni ya rikwerhu? Hi yona mhaka leyi ndzi balekeleke eTaraxixi;+ hikuva a ndzi swi tiva leswaku wena u Xikwembu lexi nga ni nsovo ni tintswalo,+ lexi hlwelaka ku hlundzuka ni lexi teleke musa wa rirhandzu,+ lexi tisolaka hikwalaho ka khombo.+  Oho Yehovha, ndzi kombela u susa moya-xiviri wa mina+ eka mina, hikuva swa antswa leswaku ndzi fa ematshan’weni ya leswaku ndzi hanya.”+  Kutani Yehovha a ku: “Xana u ni xivangelo xo hlundzuka swonghasi?”+  Yonasi a huma emutini, a ya tshama evuxeni bya muti; hakatsongo-tsongo a tiendlela ntsonga, leswaku a tshama ehansi ka wona endzhutini,+ a kondza a vona leswi swi nga ta endleka emutini.+  Hikwalaho Yehovha Xikwembu a veka ximila xa xikutsu, leswaku xi va ehenhla ka Yonasi, xi va ndzhuti enhlokweni yakwe, xi n’wi kutsula exiyin’weni xakwe xa khombo.+ Yonasi a tsaka ngopfu hikwalaho ka ximila xa xikutsu.  Kambe Xikwembu xa ntiyiso xi veka xivungwana+ loko vurhonga byi tlhandluka esikwini leri tlhandlamaka, leswaku xi dya ximila xa xikutsu; kutani xi oma hakatsongo-tsongo.+  Kuteloko dyambu ri huma, Xikwembu xi vanga mheho yo hisa ya le vuxeni,+ kutani dyambu ri tshamela ku hisa nhloko ya Yonasi, lerova a titivala;+ a tshamela ku kombela leswaku moya-xiviri wakwe wu fa, a phindha-phindha a ku: “Swa antswa leswaku ndzi fa ematshan’weni ya leswaku ndzi hanya.”+  Xikwembu xi ya emahlweni xi byela Yonasi xi ku: “Xana u ni xivangelo xo hlundzuka swonghasi hikwalaho ka ximila xa xikutsu?”+ Hiloko a ku: “Ndzi ni xivangelo xo hlundzuka ngopfu, ku yisa eku feni.” 10  Kambe Yehovha a ku: “Loko ku ri wena, u ve ni nsovo eka ximila xa xikutsu lexi u nga xi tirhelangiki hi matimba kumbe u xi kurisa, lexi xi kuleke hi vusiku byin’we kutani xi lova xi ri xa vusiku byin’we ntsena. 11  Loko ku ri mina, xana a ndzi fanelanga ndzi va ni nsovo eka muti lowukulu wa Ninivha,+ lowu wu nga ni vanhu vo tlula 120 000, lava va nga ku tiviki nikatsongo ku hambana exikarhi ka voko ra vona ra xinene ni ra ximatsi, ku nga hlayiwi swifuwo swo tala?”+

Tinhlamuselo ta le hansi