Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yonasi 3:1-10

3  Kutani rito ra Yehovha ri fika eka Yonasi ra vumbirhi, ri ku:+  “Pfuka u ya emutini lowukulu wa Ninivha, u ya wu byela marito+ lawa ndzi ku byelaka wona.”  Hiloko Yonasi a suka a yima a ya eNinivha hi ku landza rito ra Yehovha.+ Ninivha a wu ri muti lowukulu eka Xikwembu,+ mpfhuka wo famba hi milenge wa masiku manharhu.  Eku heteleleni Yonasi a nghena emutini, mpfhuka wo famba siku rin’we hi milenge, a hambeta a huwelela a ku: “Ku lo sala masiku ya 40 ntsena, kutani Ninivha wu ta herisiwa.”+  Vanhu va Ninivha va sungula ku pfumela eka Xikwembu,+ va twarisa ku titsona swakudya, va ambala nguvu yo khwaxa,+ ku suka eka lonkulu wa vona ku ya eka lontsongo wa vona.  Loko rito ri fika eka hosi ya Ninivha,+ yi tlakuka exiluvelweni xa yona kutani yi hluvula nguvu ya yona ya ximfumo, yi tifunengeta nguvu yo khwaxa, yi tshama enkumeni.+  Tlhandlakambirhi, yi vule leswaku ku twarisiwa, kutani ku humesiwa rito eNinivha, hi xileriso xa hosi ni vanhu va yona lavakulu, va ku: “Ku hava munhu ni xifuwo, kumbe ntlhambi wa tihomu kumbe ntlhambi wa tinyimpfu, leswi swi faneleke swi nantswa nchumu nikatsongo. A swi kona leswi faneleke swi dya swakudya. Hambi ku ri mati swi nga ma nwi.+  A va tifunengete nguvu yo khwaxa, munhu ni xifuwo; kutani a va huwelele Xikwembu hi ntamu, va tlhela,+ un’wana ni un’wana endleleni yakwe yo biha ni le madzolongeni lawa a ma ri emavokweni ya vona.  I mani loyi a swi tivaka loko Xikwembu xa ntiyiso xi ta tlhela kutani xi tisola,+ xi tlhela eku hlundzukeni ka xona lokukulu, leswaku hi nga tshuki hi lova?”+ 10  Xikwembu xa ntiyiso xi vona mintirho ya vona,+ leswaku va tlherile endleleni ya vona yo biha;+ kutani Xikwembu xa ntiyiso xi tisola+ hikwalaho ka khombo leri xi vuleke leswaku xi ta va tisela rona; hikwalaho a xi ri tisanga.+

Tinhlamuselo ta le hansi