Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yohane 7:53–8:59

Matsalwa ya אBSys ma siya tindzimana 53 ku ya eka ndzima 8, ndzimana 11, leti hlayekaka hi ndlela leyi (hambileswi ku nga ni ku hambananyana eka tindzimana ni vuhundzuluxeri byo hambana-hambana bya Xigriki): 53  Kutani un’wana ni un’wana a muka. 8  Kambe Yesu a ya eNtshaveni ya Mitlhwari.  Hambiswiritano, loko vurhonga byi tsuvuka a tlhela a ya etempeleni, kutani vanhu hinkwavo va sungula ku ta, hiloko a tshama ehansi a sungula ku va dyondzisa.  Kutani vatsari ni Vafarisi va tisa wansati loyi a kumiweke a endla vuoswi, kuteloko va n’wi yimisile exikarhi ka vona,  va ku eka yena: “Mudyondzisi, wansati loyi u kumiwe a ri karhi a endla vuoswi.  ENawini Muxe u lerise leswaku hi va khandla hi maribye vavasati va muxaka wo tano. Kahle-kahle, wena u ri yini?”  Ina, sweswo a va swi vulela ku n’wi ringa, leswaku va kuma nchumu wo n’wi hehla ha wona. Kambe Yesu a korhama a sungula ku tsala ehansi hi ritiho rakwe.  Loko va phikelela va n’wi vutisa, a ololoka a ku eka vona: “Loyi a nga riki na xidyoho eka n’wina a a rhange a n’wi hoxa hi ribye.”  Kutani a tlhela a korhama a ya emahlweni a tsala ehansi.  Kambe lava tweke sweswo va sungula ku huma hi un’we-un’we, ku sungula vakulukumba, kutani a sala a ri swakwe, ni wansati loyi a a ri exikarhi ka vona. 10  Kuteloko a ololokile, Yesu a ku eka yena: “Wena wansati, va kwihi xana? Xana a nga kona loyi a ku gweveke?” 11  A ku: “A nga kona, nkulukumba.” Yesu a ku: “Na mina a ndzi ku gwevi. Tifambele; ku sukela sweswi u nga ha pfuki u hanya hi ku endla xidyoho.” 12  Hikokwalaho Yesu a tlhela a vulavula na vona, a ku: “Hi mina ku vonakala+ ka misava. Loyi a ndzi landzelaka a nge pfuki a fambe emunyameni,+ kambe u ta kuma ku vonakala ka vutomi.” 13  Hikwalaho Vafarisi va ku eka yena: “U nyikela vumbhoni malunghana na wena; vumbhoni bya wena a hi ntiyiso.” 14  Yesu a va hlamula a ku: “Hambiloko ndzi nyikela vumbhoni malunghana na mina, vumbhoni+ bya mina i bya ntiyiso, hikuva ndza ku tiva laha ndzi humaka kona ni lomu ndzi yaka kona.+ Kambe n’wina a mi ku tivi laha ndzi humaka kona ni lomu ndzi yaka kona. 15  Mi avanyisa hi langutelo ra nyama;+ mina a ndzi avanyisi munhu nikatsongo.+ 16  Kambe loko ndzi avanyisa, vuavanyisi bya mina i bya ntiyiso, hikuva a ndzi ndzexe, kambe Tatana loyi a ndzi rhumeke u na mina.+ 17  Nakambe, eNawini wa n’wina ku tsariwile, ‘Vumbhoni bya vanhu vambirhi i bya ntiyiso.’+ 18  Hi mina loyi a nyikelaka vumbhoni malunghana na mina, naswona Tatana loyi a ndzi rhumeke u nyikela vumbhoni malunghana na mina.”+ 19  Hikokwalaho va ya emahlweni va ku eka yena: “Tata wa wena u kwihi?” Yesu a hlamula a ku: “Mina a mi ndzi tivi, ni Tata+ wa mina a mi n’wi tivi. Loko a mi ndzi tiva, ni Tata wa mina a mi ta n’wi tiva.”+ 20  Marito lawa u ma vule a ri evuhlayiselweni bya xuma+ a ri karhi a dyondzisa etempeleni. Kambe a nga khomiwanga hi munhu,+ hikuva nkarhi+ wakwe a wu nga si fika. 21  Hikwalaho a tlhela a ku eka vona: “Ndza famba, kutani mi ta ndzi lava,+ kambe mi ta fela exidyohweni+ xa n’wina. Laha ndzi yaka kona a mi nge ti.” 22  Hikokwalaho Vayuda va sungula ku vula va ku: “A nge tidlayi, a hi swona ke? Hikuva u ri, ‘Laha ndzi yaka kona a mi nge ti.’”+ 23  Kutani a ya emahlweni a ku eka vona: “N’wina mi huma etindhawini ta le hansi; mina ndzi huma etindhawini ta le henhla.+ Mi huma emisaveni leyi;+ mina a ndzi humi eka yona misava leyi.+ 24  Hikokwalaho ndzi mi byerile ndzi ku, Mi ta fela eswidyohweni swa n’wina.+ Hikuva loko mi nga kholwi leswaku ndzi yena, mi ta fela eswidyohweni swa n’wina.”+ 25  Hikokwalaho va ku eka yena: “Hi wena mani?” Yesu a ku eka vona: “Swona ha yini ndzi vulavula na n’wina? 26  Ndzi ni swilo swo tala swo swi vula malunghana na n’wina ni ku mi avanyisa. Kahle-kahle, loyi a ndzi rhumeke u ni ntiyiso, kutani swilo leswi ndzi swi tweke eka yena ndza swi vula emisaveni.”+ 27  A va swi twisisanga leswaku a a va byela hi Tatana. 28  Hikokwalaho Yesu a ku: “Loko mi tlakuse+ N’wana wa munhu,+ kutani mi ta tiva leswaku ndzi yena,+ ni leswaku a ndzi endli nchumu hi ku tisungulela;+ kambe ndzi vulavula swilo leswi hilaha Tatana a ndzi dyondziseke hakona.+ 29  Naswona loyi a ndzi rhumeke u na mina; a nga ndzi tshikanga ndzi ri swanga, hikuva nkarhi hinkwawo ndzi endla swilo leswi n’wi tsakisaka.”+ 30  Loko a ri karhi a vula swilo leswi, vo tala va pfumela eka yena.+ 31  Kutani Yesu a byela Vayuda lava n’wi kholweke a ku: “Loko mi tshama eritweni ra mina,+ hakunene mi vadyondzisiwa va mina, 32  naswona mi ta tiva ntiyiso,+ kutani ntiyiso wu ta mi ntshunxa.”+ 33  Va n’wi angula va ku: “Hina hi vana+ va Abrahama naswona a hi si tshama hi va mahlonga ya munhu wo karhi.+ Xana u vurisa ku yini u ku, ‘Mi ta ntshuxeka’?” 34  Yesu a va hlamula a ku: “Hakunene ndzi tiyisile ndzi ri eka n’wina, Muendli un’wana ni un’wana wa xidyoho i hlonga ra xidyoho.+ 35  Ku tlula kwalaho, hlonga a ri tshami endyangwini hi masiku; n’wana yena u tshama hi masiku.+ 36  Hikokwalaho loko N’wana a mi ntshunxa, mi ta ntshunxeka hakunene.+ 37  Ndza swi tiva leswaku mi vana va Abrahama; kambe mi lava ku ndzi dlaya,+ hikuva rito ra mina a ri endli nhluvuko eka n’wina.+ 38  Mina ndzi vulavula+ swilo leswi ndzi swi voneke eka Tatana;+ hikokwalaho, n’wina mi endla swilo leswi mi swi tweke eka tata wa n’wina.” 39  Va n’wi hlamula va ku: “Tata wa hina i Abrahama.”+ Yesu a ku eka vona: “Loko mi ri vana+ va Abrahama, endlani mintirho ya Abrahama. 40  Kambe sweswi mi lava ku ndzi dlaya, mina munhu loyi a mi byeleke ntiyiso lowu ndzi wu tweke eka Xikwembu.+ Abrahama a nga swi endlanga sweswo.+ 41  Mi endla mintirho ya tata wa n’wina.” Va ku eka yena: “Hina a hi velekiwanga hi vumbhisa; hi ni Tatana+ un’we, ku nga Xikwembu.” 42  Yesu a ku eka vona: “Loko Xikwembu a xi ri Tata wa n’wina, a mi ta ndzi rhandza,+ hikuva ndzi ta hi le ka Xikwembu, kutani ndzi kwala.+ Naswona a ndzi tanga hi ku tisungulela ka mina nikatsongo, kambe xona xi ndzi rhumile.+ 43  Ha yini mi nga swi tivi leswi ndzi swi vulaka? Hikuva a mi ri yingisi rito+ ra mina. 44  N’wina mi huma eka tata wa n’wina Diyavulosi,+ naswona mi navela ku endla ku navela ka tata wa n’wina.+ Yena a a ri mudlayi wa vanhu ku sukela eku sunguleni,+ naswona a nga yimanga a tiyile entiyisweni, hikuva ntiyiso a wu kona eka yena. Loko a vulavula vunwa, u vulavula hi ku landza mboyamelo wa yena, hikuva i muhembi ni tata wa mavunwa.+ 45  Hikuva loko ku ri mina, ndzi vulavula ntiyiso, a mi ndzi kholwi.+ 46  I mani exikarhi ka n’wina loyi a ndzi vonaka ndzi ri ni xidyoho?+ Loko ndzi vulavula ntiyiso, ha yini mi nga ndzi kholwi? 47  Loyi a humaka eka Xikwembu u yingisa marito ya Xikwembu.+ Hi yona mhaka leyi mi nga yingisiki, hikuva a mi humi eka Xikwembu.”+ 48  Vayuda va n’wi hlamula va ku: “Xana a hi vuli ntiyiso loko hi ku, Wena u Musamariya+ naswona u ni dimona?”+ 49  Yesu a hlamula a ku: “A ndzi na dimona, kambe ndzi xixima Tatana,+ n’wina ma ndzi tsongahata. 50  Kambe a ndzi tilaveli ku vangama;+ u kona Loyi a ku lavaka a tlhela a avanyisa.+ 51  Hakunene ndzi tiyisile ndzi ri eka n’wina, Loko munhu a hlayisa rito ra mina, a nge pfuki a vone rifu nikatsongo.”+ 52  Vayuda va ku eka yena: “Sweswi ha swi tiva leswaku u ni dimona.+ Abrahama u file,+ ni vaprofeta;+ kambe wena u ri, ‘Loko munhu a hlayisa rito ra mina, a nge pfuki a nantswe+ rifu nikatsongo.’ 53  A wu nkulu+ eka tata wa hina Abrahama, la feke, a hi swona ke? Ni vaprofeta va file.+ Xana wena u vula leswaku u mani?” 54  Yesu a hlamula a ku: “Loko ndzi tivangamisa, ku vangama ka mina a hi nchumu. Tatana hi yena la ndzi vangamisaka,+ loyi mi vulaka leswaku i Xikwembu xa n’wina; 55  kambe a mi n’wi tivanga.+ Kambe mina ndza n’wi tiva.+ Naswona loko ndzi vula leswaku a ndzi n’wi tivi ndzi ta va ndzi fana na n’wina, ndzi ta va muhembi. Kambe ndza n’wi tiva naswona ndzi hlayisa rito+ rakwe. 56  Abrahama tata wa n’wina a a tsake ngopfu hi ku langutela ku vona siku ra mina,+ naswona u ri vonile a tsaka.”+ 57  Hikokwalaho Vayuda va ku eka yena: “Ni malembe ya 50 a wu si va na wona, kambe u ri u vone Abrahama?” 58  Yesu a ku eka vona: “Hakunene ndzi tiyisile ndzi ri eka n’wina, Abrahama a nga si va kona, mina a ndzi ri kona.”+ 59  Hikokwalaho va rhola maribye ya ku n’wi hoxetela ha wona;+ kambe Yesu a tumbela kutani a huma etempeleni.

Tinhlamuselo ta le hansi