Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yohane 7:1-53

7  Kutani endzhaku ka swilo leswi Yesu a a famba-famba eGaleliya, a a nga lavi ku famba-famba eYudiya, hikuva Vayuda a va lava ku n’wi dlaya.+  Hambiswiritano, nkhuvo wa Vayuda, nkhuvo wa titabernakela,+ a wu ri kusuhi.  Hikokwalaho vamakwavo+ va ku eka yena: “Hundza u ya eYudiya, leswaku ni vadyondzisiwa va wena va vona mintirho leyi u yi endlaka.  Hikuva a ku na munhu la endlaka nchumu exihundleni kasi u lava ku tiviwa erivaleni. Loko u endla swilo leswi, tikombise emisaveni.”  Entiyisweni, vamakwavo+ a va nga ri kombisi ripfumelo eka yena.+  Hikokwalaho Yesu a ku eka vona: “Nkarhi wa mina lowu faneleke a wu si fika,+ kambe nkarhi wa n’wina lowu faneleke wu tshama wu ri kwala nyongeni.  Misava a yi na xivangelo xa ku mi venga, kambe yi venga mina, hikuva ndzi nyikela vumbhoni bya yona leswaku mintirho ya yona yi hombolokile.+  N’wina tlhandlukelani enkhubyeni; mina a ndzi si tlhandlukela enkhubyeni lowu, hikuva nkarhi wa mina lowu faneleke+ a wu si fika+ hi ku helela.”  Kuteloko a heta ku va byela swilo leswi, a tshama eGaleliya. 10  Kambe loko vamakwavo va tlhandlukerile enkhubyeni, hiloko na yena a tlhandlukela kona, kambe a famba exihundleni+ ku nga ri eku vonakaleni. 11  Hikokwalaho Vayuda va sungula ku n’wi lava+ enkhubyeni va ku: “Xana munhu luyani u kwihi?” 12  Naswona mintshungu+ a yi n’unun’uta ngopfu mayelana na yena. Van’wana a va ku: “I munhu lonene.” Van’wana va ku: “A hi munhu lonene, kambe u hambukisa ntshungu.” 13  Ina, a ku nga ri na munhu loyi a a vulavula ha yena erivaleni hikwalaho ka ku chava Vayuda.+ 14  Loko nkhuvo wu ri exikarhi, Yesu a tlhandlukela etempeleni a sungula ku dyondzisa.+ 15  Hikokwalaho Vayuda va sungula ku hlamala, va ku: “Xana munhu loyi u ti tivela kwihi tinhlanga,+ kasi a nga dyondzanga eswikolweni?”+ 16  Kutani, Yesu a va hlamula a ku: “Leswi ndzi swi dyondzisaka a hi swa mina, kambe i swa loyi a ndzi rhumeke.+ 17  Loko munhu a navela ku endla ku rhandza ka Yena, u ta tiva hi ku ya hi dyondzo ya kona loko yi huma eka Xikwembu+ kumbe loko ndzi vulavula hi ku tisungulela. 18  Loyi a vulavulaka hi ku tisungulela u lava ku tivangamisa; kambe loyi a lavaka ku vangamisa+ loyi a n’wi rhumeke, u ni ntiyiso, naswona vubihi a byi kona eka yena. 19  Muxe u mi nyike Nawu,+ a hi swona ke? Kambe a nga kona ni un’we eka n’wina la yingisaka Nawu. Ha yini mi lava ku ndzi dlaya?”+ 20  Ntshungu wu hlamula wu ku: “U ni dimona.+ I mani loyi a lavaka ku ku dlaya?” 21  Yesu a va hlamula a ku: “Ndzi endle xiendlo xin’we,+ kutani hinkwenu ma hlamala. 22  Hikwalaho Muxe u mi nyike ku yimba+—ku nga ri swona leswaku ku huma eka Muxe, kambe ku huma eka vatatana+—naswona mi yimbisa munhu hi savata. 23  Loko munhu a yimbisiwa hi savata leswaku nawu wa Muxe wu nga tluriwi, xana mina mi ndzi hlundzukela ngopfu hikwalaho ka leswi ndzi endleke munhu a va ni rihanyo lerinene hilaha ku heleleke hi savata?+ 24  Tshikani ku avanyisa hi ku landza ku languteka ka munhu, kambe avanyisani hi vuavanyisi+ byo lulama.” 25  Hikokwalaho vaaki van’wana va Yerusalema va sungula ku vula leswi: “Hi yena munhu loyi va lavaka ku n’wi dlaya,+ a swi tano ke? 26  Kambe, maswivo, u vulavula erivaleni,+ naswona a va vuli nchumu eka yena. Vafumi a va si swi tiva kahle leswaku loyi i Kreste, a hi swona ke?+ 27  Hilaha ku hambaneke, ha ku tiva lomu munhu loyi a humaka kona;+ kambe loko Kreste a ta, a nga kona loyi a nga tivaka lomu a humaka kona.”+ 28  Hikokwalaho Yesu a huwelela loko a ri karhi a dyondzisa etempeleni a ku: “Mina ma ndzi tiva ni lomu ndzi humaka kona+ ma ku tiva. Naswona a ndzi tanga hi ku tisungulela,+ kambe loyi a ndzi rhumeke i wa xiviri,+ naswona a mi n’wi tivi.+ 29  Mina ndza n’wi tiva,+ hikuva ndzi muyimeri la humaka eka yena, naswona ndzi rhumiwe+ hi Yena.” 30  Hikwalaho va sungula ku lava ku n’wi khoma,+ kambe a nga kona loyi a n’wi khomeke, hikuva nkarhi+ wakwe a wu nga si fika. 31  Kambe ke, vo tala va ntshungu va pfumela eka yena;+ va sungula ku vula va ku: “Loko Kreste a fika, a nge endli masingita+ yo tala ku tlula leswi endliweke hi munhu loyi, a hi swona ke?” 32  Vafarisi va twa ntshungu wu n’unun’uta hi swilo leswi malunghana na yena, kutani vaprista lavakulu ni Vafarisi va rhuma tindhuna ti ya n’wi khoma.+ 33  Hikokwalaho Yesu a ku: “Ndzi ta tshamanyana na n’wina ndzi nga si ya eka loyi a ndzi rhumeke.+ 34  Mi ta ndzi lava,+ kambe a mi nge ndzi kumi, naswona laha ndzi nga kona a mi nge ti.”+ 35  Hikokwalaho Vayuda va vulavula va ri voxe va ku: “Xana munhu loyi u kunguhata ku ya kwihi, laha hi nga ta ka hi nga n’wi kumi? U kunguhata ku ya eka Vayuda lava hangalakeke+ exikarhi ka Magriki ivi a dyondzisa Magriki, a hi swona ke? 36  Xana marito lawa a ma vuleke ma vula yini, ‘Mi ta ndzi lava, kambe a mi nge ndzi kumi, naswona laha ndzi nga kona a mi nge ti’?” 37  Kutani hi siku ro hetelela, siku lerikulu ra nkhuvo,+ Yesu a suka a yima a huwelela, a ku: “Loko ku ri ni munhu la nga ni torha,+ a a te eka mina a ta nwa. 38  Loyi a pfumelaka eka mina,+ hilaha Tsalwa ri vuleke hakona, ‘Swinambyana swa mati lama hanyaka swi ta khuluka+ swi huma endzeni ka yena.’” 39  Hambiswiritano, u vule leswi malunghana ni moya lowu lava pfumeleke eka yena a va ta wu amukela ku nga ri khale; hikuva enkarhini wolowo a ku nga ri na moya,+ hikuva Yesu a a nga si vangamisiwa.+ 40  Hikokwalaho van’wana va ntshungu lava tweke marito lawa va ku: “Loyi hakunene i Muprofeta.”+ 41  Van’wana a va ku: “Loyi i Kreste.”+ Kambe van’wana a va ku: “Kahle-kahle Kreste+ a nga humi eGaleliya, a hi swona ke?+ 42  Xana Tsalwa a ri vulanga leswaku Kreste u huma eka vana va Davhida,+ ni le Betlehema+ eximutanini lexi Davhida a a tshama eka xona?”+ 43  Hiloko ku pfuka ku avana exikarhi ka ntshungu+ hikwalaho ka yena. 44  Hambiswiritano, van’wana va vona a va lava ku n’wi khoma, kambe a nga kona loyi a n’wi khomeke hi mavoko yakwe. 45  Hikokwalaho tindhuna ti tlhelela eka vaprista lavakulu ni Vafarisi, kutani Vafarisi va ku eka vona: “Ha yini mi nga n’wi tisanga?” 46  Tindhuna ti angula ti ku: “Ku hava munhu un’wana la tshameke a vulavula hi ndlela leyi.”+ 47  Hiloko Vafarisi va hlamula va ku: “N’wina a mi hambukisiwanga, a hi swona ke? 48  A nga kona ni un’we wa vafumi kumbe wa Vafarisi loyi a pfumeleke eka yena, a hi swona ke?+ 49  Kambe ntshungu lowu wu nga wu tiviki Nawu i vanhu+ lava rhukaniweke.” 50  Nikodema, loyi eku sunguleni a teke eka yena, loyi a a ri un’wana wa vona, a ku eka vona: 51  “Nawu wa hina a wu n’wi avanyisi munhu handle ka loko wu rhange hi ku n’wi twa+ ni ku tiva leswi a swi endlaka, a hi swona ke?” 52  Va n’wi hlamula va ku: “Wena a wu humi eGaleliya, a hi swona ke? Lavisisa kutani u ta vona leswaku ku hava muprofeta+ la nga ta huma eGaleliya.” Matsalwa ya אBSys ma siya tindzimana 53 ku ya eka ndzima 8, ndzimana 11, leti hlayekaka hi ndlela leyi (hambileswi ku nga ni ku hambananyana eka tindzimana ni vuhundzuluxeri byo hambana-hambana bya Xigriki): 53  Kutani un’wana ni un’wana a muka.

Tinhlamuselo ta le hansi