Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yohane 3:1-36

3  Kutani a ku ri ni wanuna un’wana eka Vafarisi, vito rakwe a a ri Nikodema,+ mufumi wa Vayuda.  A ta eka yena nivusiku+ a ku eka yena: “Rabi,+ ha swi tiva leswaku leswi wena u nga mudyondzisi+ u huma eka Xikwembu;+ hikuva a nga kona loyi a nga endlaka masingita+ lawa u ma endlaka loko Xikwembu xi nga ri na yena.”+  Yesu a n’wi hlamula a ku:+ “Hakunene ndzi tiyisile ndzi ri eka wena, Loko munhu a nga velekiwanga ra vumbirhi,+ a nge wu voni mfumo wa Xikwembu.”+  Nikodema a ku eka yena: “Xana munhu a nga velekiwa njhani loko a kurile? A nge tlheli a nghena embelekweni wa mana wakwe kutani a velekiwa, a swi tano ke?”  Yesu a hlamula a ku: “Hakunene ndzi tiyisile ndzi ri eka wena, Loko munhu a nga velekiwanga hi mati+ ni moya,+ a nge ngheni emfun’weni wa Xikwembu.  Lexi velekiweke hi nyama i nyama, naswona lexi velekiweke hi moya i moya.+  U nga hlamali leswi ndzi ku byeleke leswaku, n’wina mi fanele ku velekiwa ra vumbirhi.+  Mheho+ yi hungela laha yi lavaka kona, kutani u twa mpfumawulo wa yona, kambe a wu ku tivi lomu yi humaka kona ni lomu yi yaka kona. Swi tano ni hi un’wana ni un’wana loyi a velekiweke hi moya.”+  Nikodema a n’wi hlamula a ku: “Xana swilo leswi swi nga endlekisa ku yini?” 10  Yesu a n’wi hlamula a ku: “U mudyondzisi wa Israyele kambe swilo leswi a wu swi tivi?+ 11  Hakunene ndzi tiyisile ndzi ri eka wena, Leswi hi swi tivaka ha swi vula ni leswi hi swi voneke hi nyikela vumbhoni+ ha swona, kambe n’wina a mi byi amukeli vumbhoni lebyi hi byi nyikelaka.+ 12  Leswi ndzi mi byeleke swilo swa misava kambe mi nga swi kholwi, xana mi ta khorwisa ku yini loko ndzi mi byela swilo swa le tilweni?+ 13  Ku tlula kwalaho, a ku na munhu loyi a tlhandlukeleke etilweni+ handle ka loyi a xikeke hi le tilweni,+ ku nga N’wana wa munhu.+ 14  Kutani hilaha Muxe a yi tlakuseke hakona nyoka+ emananga, na yena N’wana wa munhu u fanele ku tlakuseriwa ehenhla,+ 15  leswaku un’wana ni un’wana loyi a kholwaka eka yena a kuma vutomi+ lebyi nga heriki. 16  “Hikuva Xikwembu xi rhandze+ misava swinene xi kala xi nyikela hi N’wana+ wa xona la tswariweke a ri swakwe, leswaku un’wana ni un’wana loyi a kombisaka ripfumelo+ eka yena a nga lovisiwi+ kambe a va ni vutomi+ lebyi nga heriki. 17  Hikuva Xikwembu xi rhume N’wana wa xona emisaveni, ku nga ri leswaku a ta avanyisa+ misava, kambe leswaku misava yi ponisiwa+ ha yena. 18  Loyi a kombisaka ripfumelo eka yena a nge avanyisiwi.+ Loyi a nga kombisiki ripfumelo ana se u avanyisiwile, hikuva a nga kombisanga ripfumelo evitweni ra N’wana wa Xikwembu+ la tswariweke a ri swakwe. 19  Kutani xisekelo xa vuavanyisi i xa leswaku, ku vonakala+ ku tile emisaveni+ kambe vanhu va rhandze munyama ku ri ni ku vonakala,+ hikuva mintirho ya vona a yi hombolokile. 20  Hikuva loyi a hanyaka hi swilo+ swo biha u venga ku vonakala naswona a nga ti eku vonakaleni, leswaku mintirho yakwe yi nga tshinyiwi.+ 21  Kambe loyi a endlaka leswi nga ntiyiso u ta eku vonakaleni,+ leswaku mintirho yakwe yi vonaka yi ri leyi endliweke hi ku pfumelelana ni Xikwembu.” 22  Endzhaku ka swilo leswi Yesu ni vadyondzisiwa vakwe va ya etikweni ra le Yudiya, kutani a heta nkarhinyana swin’we na vona, a khuvula.+ 23  Kambe Yohane+ nakambe a a khuvula aEnoni ekusuhi na Salime, hikuva a ku ri ni mati+ yo tala, naswona vanhu a va ri karhi va ta kutani va khuvuriwa;+ 24  hikuva Yohane a a nga si hoxiwa ekhotsweni.+ 25  Hikokwalaho ku pfuka ku kanetana eka vadyondzisiwa va Yohane ni Muyuda un’wana malunghana ni vutengisi.+ 26  Hiloko va ta eka Yohane va ku eka yena: “Rabi, wanuna loyi a a ri na wena entsungeni wa Yordani, loyi u nyikeleke vumbhoni+ eka yena, waswivo, wa khuvula naswona hinkwavo va ya eka yena.”+ 27  Yohane a hlamula a ku: “Munhu a nge amukeli xilo ni xin’we handle ka loko a nyikiwe xona xi huma etilweni.+ 28  N’wina mi timbhoni ta mina leswaku ndzi te, a ndzi yena Kreste,+ kambe ndzi rhumiwe emahlweni ka yena.+ 29  Loyi a nga ni mutekiwa i muteki.+ Hambiswiritano, nakulobye wa muteki, loko a yima a n’wi yingisa, u kuma ntsako lowukulu hikwalaho ka rito ra muteki. Hikokwalaho ntsako lowu wa mina wu hetisisiwile.+ 30  Yena u fanele ku kula, kambe mina ndzi fanele ku tsongahala.” 31  Loyi a taka hi le henhla u tlula lavan’wana+ hinkwavo. Loyi a humaka emisaveni u huma emisaveni naswona u vulavula hi swilo swa misava.+ Loyi a humaka etilweni u le henhla ka lavan’wana+ hinkwavo. 32  Leswi a swi voneke a tlhela a swi twa, u nyikela vumbhoni+ ha swona, kambe a ku na munhu loyi a amukelaka vumbhoni+ byakwe. 33  Loyi a amukeleke vumbhoni byakwe u endle xihlambanyo xa leswaku Xikwembu xi ni ntiyiso.+ 34  Hikuva loyi Xikwembu xi nga n’wi rhuma u vulavula marito ya Xikwembu,+ hikuva a xi pimi loko xi nyika moya.+ 35  Tatana u rhandza+ N’wana naswona swilo hinkwaswo u swi veke evokweni+ ra yena. 36  Un’wana ni un’wana loyi a kombisaka ripfumelo+ eka N’wana u ni vutomi+ lebyi nga heriki; loyi a nga yingisiki N’wana a nge byi kumi vutomi,+ naswona vukarhi bya Xikwembu byi tshama eka yena.+

Tinhlamuselo ta le hansi