Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yohane 12:1-50

12  Hikwalaho, loko ka ha sele tsevu wa masiku leswaku ku fika paseka, Yesu a fika eBetaniya,+ laha a ku tshama Lazaro,+ loyi Yesu a n’wi pfuxeke eka lava feke.  Hikokwalaho va n’wi endlela kona xilalelo, naswona Marta+ a a va tirhela,+ kambe Lazaro a a ri un’wana wa lava vurhameke na yena etafuleni.+  Hikokwalaho, Mariya a teka phawundi ya mafurha yo nun’hwela, narda+ ya xiviri, yo durha swinene, kutani a tota milenge ya Yesu ivi a sula milenge yakwe yi oma hi misisi+ yakwe. Yindlu yi tala hi risuna ra mafurha yo nun’hwela.  Kambe Yudasi Iskariyota,+ un’wana wa vadyondzisiwa vakwe, loyi a a ri kusuhi ni ku n’wi xenga, a ku:  “Ha yini mafurha lawa yo nun’hwela+ ma nga xavisiwanga hi tidenari ta 300 kutani ti nyikiwa swisiwana?”+  Hambiswiritano, leswi a nga swi vulanga hi ku va a khathala hi swisiwana, kambe hikuva a a ri khamba+ naswona a a tamela bokisi ra mali,+ a a tshamela ku pambula timali leti a ti nghenisiwa kona.  Hikokwalaho Yesu a ku: “Tshikani wansati loyi, leswaku a ta hlayisa mukhuva lowu hikwalaho ka siku ra ku lahliwa+ ka mina.  Hikuva swisiwana+ mi na swona nkarhi hinkwawo, kambe mina a mi nge vi na mina nkarhi hinkwawo.”  Hikokwalaho ntshungu lowukulu wa Vayuda wu twa leswaku a a ri kwalaho, hiloko wu ta, a wu nga teli Yesu ntsena, kambe a wu tela ni ku ta vona Lazaro, loyi a n’wi pfuxeke eka lava feke.+ 10  Hiloko vaprista lavakulu va boha makungu ya ku dlaya na Lazaro,+ 11  hikuva hikwalaho ka yena Vayuda vo tala a va ya kona, va pfumela eka Yesu.+ 12  Hi siku leri tlhandlamaka ntshungu lowukulu lowu a wu te enkhubyeni, loko wu twa leswaku Yesu u ta eYerusalema, 13  wu teka marhavi ya mirhi ya ncindzu+ wu huma ku n’wi hlanganisa. Wu sungula ku huwelela+ wu ku: “Ha ku khongela,+ n’wi ponise! U katekile loyi a taka hi vito+ ra Yehovha, la nga hosi+ ya Israyele!” 14  Kambe loko Yesu a kuma ximbhongolwana,+ a xi gada, hilaha ku tsariweke hakona: 15  “U nga chavi, nhwanyana wa Siyoni. Waswivo, hosi ya wena ya ta,+ yi gade ximbhongolwana.”+ 16  Swilo leswi vadyondzisiwa vakwe a va swi lemukanga eku sunguleni,+ kambe loko Yesu a vangamisiwa,+ va tsundzuke leswaku swilo leswi swi tsariwile malunghana na yena ni leswaku swilo leswi va swi endlile eka yena.+ 17  Hikwalaho ntshungu lowu a wu ri na yena loko a vitana Lazaro+ leswaku a huma eka sirha-bako ra xitsundzuxo ivi a n’wi pfuxa eka lava feke wu hambeta wu nyikela vumbhoni.+ 18  Hikwalaho, ntshungu na wona wu n’wi hlanganisa, hikuva a wu twe leswaku u endle singita+ leri. 19  Hikokwalaho Vafarisi+ va byelana va ku: “Ma swi vona leswaku a ma ha pfuni nchumu. Maswivo! Misava ya n’wi landzela.”+ 20  Kutani a ku ri ni Magriki+ ma nga ri mangani exikarhi ka lava teke ku ta gandzela enkhubyeni. 21  Hikokwalaho, ma tshinelela Filipi+ loyi a a huma eBetsayida wa Galeliya, ivi ma n’wi kombela, ma ku: “Nkulukumba, hi lava ku vona Yesu.”+ 22  Filipi a ta a byela Andriya. Andriya na Filipi va ta, va byela Yesu. 23  Kambe Yesu a va hlamula a ku: “Nkarhi wu fikile wa leswaku N’wana wa munhu a vangamisiwa.+ 24  Hakunene ndzi tiyisile ndzi ri eka n’wina, Loko ndzoho ya koroni yi nga weli emisaveni yi fa, yi tshama yi ri ndzoho yin’we ntsena; kambe loko yi fa,+ hi kona yi tswalaka mihandzu yo tala. 25  Loyi a rhandzaka moya-xiviri wakwe wa wu lovisa, kambe loyi a vengaka moya-xiviri+ wakwe emisaveni leyi u ta wu hlayisela vutomi+ lebyi nga heriki. 26  Loko munhu a ta ndzi tirhela, a a ndzi landzele, naswona laha ndzi nga kona hi laha mutirheli wa mina a nga ta va kona na yena.+ Loko munhu a ta ndzi tirhela, Tatana u ta n’wi xixima.+ 27  Kutani moya-xiviri wa mina wu karhatekile,+ ndzi ta ku yini? Tatana, ndzi ponise enkarhini+ lowu. Nilokoswiritano, hi yona mhaka leyi ndzi teke enkarhini lowu. 28  Tatana, vangamisa vito ra wena.” Hikokwalaho rito+ ri ta ri huma etilweni: “Ndzi ri vangamisile naswona ndzi ta tlhela ndzi ri vangamisa.”+ 29  Hikwalaho ntshungu lowu a wu yime kwalaho naswona wu swi tweke, wu sungula ku vula leswaku ku ve ni ku dzindza. Van’wana va ku: “Ntsumi yi vulavule na yena.” 30  Yesu a hlamula a ku: “Rito leri ri humelerile hikwalaho ka n’wina, ku nga ri hikwalaho ka mina.+ 31  Sweswi ku ni ku avanyisiwa ka misava leyi; kutani mufumi wa misava+ leyi u ta cukumeteriwa ehandle.+ 32  Kambe mina, loko ndzi tlakuseriwa+ ehenhla ka misava, ndzi ta koka vanhu va mixaka hinkwayo va ta eka mina.”+ 33  Kunene leswi a a swi vulela ku kombisa muxaka wa rifu leri a a ri kusuhi ni ku langutana+ na rona. 34  Hikokwalaho ntshungu wu n’wi hlamula wu ku: “Hi twe Nawu wu vula leswaku Kreste u tshama hi masiku;+ kutani u vurisa ku yini leswaku N’wana wa munhu u fanele ku tlakuseriwa ehenhla?+ Xana i mani N’wana loyi wa munhu?”+ 35  Hikokwalaho Yesu a ku eka vona: “Ku vonakala ku ta va exikarhi ka n’wina nkarhinyana. Fambani ma ha ri ni ku vonakala, leswaku munyama+ wu nga mi hluli; loyi a fambaka emunyameni a nga ku tivi laha a yaka kona.+ 36  Loko ma ha ri ni ku vonakala, kombisani ripfumelo eku vonakaleni, ku endlela leswaku mi va vana va ku vonakala.”+ Yesu a vula swilo leswi kutani a famba a va tumbelela. 37  Kambe hambileswi a endleke masingita yo tala swonghasi emahlweni ka vona, a va nga pfumeli eka yena, 38  leswi hetisiseke rito ra Esaya lowa muprofeta loko a ku: “Yehovha, i mani loyi a veke ni ripfumelo eka swilo leswi hi swi tweke?+ Naswona loko ku ri voko ra Yehovha, xana ri hlavuteriwe+ mani?” 39  Lexi endleke va nga swi koti ku kholwa hileswi Esaya a tlheleke a ku: 40  “U dlaye mahlo ya vona naswona u nonon’hwise timbilu ta vona,+ leswaku va nga swi koti ku vona hi mahlo ya vona ni ku kuma mongo wa kona hi timbilu ta vona ivi va hundzuluka kutani ndzi va horisa.”+ 41  Esaya u vule swilo leswi hikuva u vone ku vangama+ ka yena, kutani a vulavula hi yena. 42  Hambiswiritano, hambi ku ri vo tala va vafumi va pfumerile eka yena,+ kambe hikwalaho ka Vafarisi a va nga n’wi vuli erivaleni, leswaku va nga hlongoriwi esinagogeni;+ 43  hikuva va rhandza ku vangama ka vanhu ku tlula ku vangama ka Xikwembu.+ 44  Hambiswiritano, Yesu a huwelela a ku: “Loyi a pfumelaka eka mina u pfumela ni le ka loyi a ndzi rhumeke,+ ku nga ri eka mina ntsena; 45  naswona loyi a ndzi vonaka wa n’wi vona ni loyi a ndzi rhumeke.+ 46  Mina ndzi tile ndzi ri ku vonakala emisaveni,+ leswaku loyi a vekaka ripfumelo eka mina a nga tshami emunyameni.+ 47  Kambe loko munhu a twa marito ya mina kutani a nga ma hlayisi, a ndzi n’wi avanyisi; hikuva a ndzi telanga ku avanyisa misava,+ kambe ku ponisa misava.+ 48  Loyi a ndzi honisaka a tlhela a nga ma amukeli marito ya mina u kona loyi a nga ta n’wi avanyisa. Rito+ leri ndzi ri vuleke hi rona leri nga ta n’wi avanyisa hi siku ro hetelela; 49  hikuva a ndzi vulavulanga hi ku tisungulela ka mina, kambe Tatana loyi a ndzi rhumeke u ndzi nyike xileriso xa leswi ndzi nga ta swi hlamusela ni ku swi vulavula.+ 50  Nakambe, ndza swi tiva leswaku xileriso xakwe xi vula vutomi+ lebyi nga heriki. Hikokwalaho swilo leswi ndzi swi vulavulaka, ndzi swi vulavula hilaha Tatana a ndzi byeleke swona hakona.”+

Tinhlamuselo ta le hansi