Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yohane 1:1-51

1  Eku sunguleni+ Rito+ a a ri kona, naswona Rito a a ri ni Xikwembu,+ Rito a a ri xikwembu.+  Yena eku sunguleni+ a a ri ni Xikwembu.+  Swilo hinkwaswo swi ve kona ha yena,+ naswona handle ka yena ku hava xilo ni xin’we lexi veke kona. Leswi veke kona  hikwalaho ka yena i vutomi,+ naswona vutomi a byi ri ku vonakala+ ka vanhu.  Ku vonakala ku voninga emunyameni,+ kambe munyama a wu ku hlulanga.  Ku humelele munhu la rhumiweke ku va muyimeri wa Xikwembu:+ vito rakwe a a ri Yohane.+  Munhu loyi u te hi mhaka ya vumbhoni,+ leswaku a nyikela vumbhoni hi ku vonakala,+ leswaku vanhu va mixaka hinkwayo va kholwa ha yena.+  A a nga ri ku vonakala+ koloko, kambe a a fanele ku nyikela vumbhoni+ hi ku vonakala koloko.  Ku vonakala+ ka ntiyiso loku nyikaka ku vonakala+ eka mixaka hinkwayo ya vanhu+ a ku ri kusuhi ni ku ta emisaveni. 10  A a ri emisaveni,+ naswona misava yi ve kona ha yena,+ kambe misava a yi n’wi tivanga. 11  U te ekaya ka vona, kambe vanhu va ka vona a va n’wi amukelanga.+ 12  Hambiswiritano, hinkwavo lava n’wi amukeleke,+ u va nyike mfanelo yo va vana+ va Xikwembu, hikuva a va kombisa ripfumelo evitweni+ ra yena; 13  naswona a va velekiwanga hi ngati kumbe hi ku rhandza ka nyama kumbe hi ku rhandza ka munhu kambe va velekiwe hi Xikwembu.+ 14  Kutani Rito u ve nyama+ ivi a tshama exikarhi ka hina, naswona hi vone ku vangama ka yena, ku vangama loku fanaka ni ka n’wana+ la tswariweke a ri swakwe hi tatana; naswona a a tale musa lowu nga faneriwiki ni ntiyiso.+ 15  (Yohane u nyikele vumbhoni malunghana na yena, ina, entiyisweni u huwelerile—loyi hi yena a swi vuleke—a ku: “Loyi a taka endzhaku ka mina wa ndzi tlula, hikuva u ve kona ndzi nga si va kona.”)+ 16  Hikuva eku taleni+ ka yena hi amukele musa lowu nga faneriwiki ehenhla ka musa lowu nga faneriwiki.+ 17  Hikuva ku tirhisiwe Muxe+ ku nyikela Nawu, ku tirhisiwe Yesu Kreste ku tisa musa lowu nga faneriwiki+ ni ntiyiso.+ 18  A ku na munhu la tshameke+ a vona Xikwembu; xikwembu+ lexi tswariweke xi ri xoxe lexi nga exifuveni+ eka Tata wa xona hi xona lexi xi n’wi hlamuseleke.+ 19  Kutani lebyi i vumbhoni bya Yohane loko Vayuda va rhuma vaprista ni Valevhi ku suka eYerusalema va ya n’wi vutisa va ku: “Hi wena mani?”+ 20  Kutani a nga landzulanga, kambe u vule a ku: “A hi mina Kreste.”+ 21  Hiloko va n’wi vutisa: “Kutani, u mani? Xana u Eliya?”+ Kutani a ku: “A ndzi yena.” “Xana u Muprofeta?”+ Hiloko a hlamula a ku: “E-e!” 22  Hikokwalaho va ku eka yena: “Hi wena mani? leswaku hi ta nyika nhlamulo eka lava va hi rhumeke. Xana u tihlamuserisa+ ku yini?” 23  A ku: “Ndzi rito ra un’wana la huwelelaka emananga, ‘Lulamisani ndlela ya Yehovha,’ hilaha Esaya lowa muprofeta a vuleke hakona.”+ 24  Kutani lava rhumiweke a va huma eka Vafarisi. 25  Hiloko va n’wi vutisa va ku: “Kutani, ha yini u khuvula+ loko u nga ri Kreste kumbe Eliya kumbe Muprofeta?” 26  Yohane a va hlamula, a ku: “Ndzi khuvula hi mati. Exikarhi+ ka n’wina ku yime munhu loyi mi nga n’wi tiviki,+ 27  loyi a taka endzhaku ka mina, kambe loyi tingoti ta maphaxani yakwe ndzi nga faneriki ku ti ntshunxa.”+ 28  Swilo leswi swi endleke eBetaniya entsungeni wa Yordani, laha Yohane a a khuvula+ kona. 29  Hi siku leri tlhandlamaka a vona Yesu a ta eka yena, ivi a ku: “Vonani, Xinyimpfana+ xa Xikwembu lexi susaka xidyoho+ xa misava!+ 30  Hi yena loyi ndzi vuleke leswi ha yena, Endzhaku ka mina ku ta wanuna loyi a ndzi tlulaka, hikuva u ve kona ndzi nga si va kona.+ 31  Hambi mina a ndzi n’wi tivanga, kambe lexi endleke leswaku ndzi khuvula hi mati hileswaku a ta kombisiwa eIsrayele.”+ 32  Yohane a tlhela a nyikela vumbhoni, a ku: “Ndzi vone moya wu xika ku fana ni tuva wu huma etilweni, wu tshama eka yena.+ 33  Hambi mina a ndzi n’wi tivanga, kambe yena Loyi a ndzi rhumeke+ ku khuvula hi mati u ndzi byerile a ku, ‘Hambi ku ri mani loyi u vonaka moya wu xika wu tshama ehenhla ka yena, hi yena loyi a khuvulaka hi moya+ lowo kwetsima.’ 34  Kutani ndzi wu vonile, naswona ndzi nyikele vumbhoni bya leswaku loyi i N’wana wa Xikwembu.”+ 35  Nakambe hi siku leri tlhandlamaka Yohane a a yime ni vadyondzisiwa vakwe vambirhi, 36  kuteloko a vona Yesu a ri karhi a famba a ku: “Vonani, Xinyimpfana+ xa Xikwembu!” 37  Hiloko vadyondzisiwa vambirhi va n’wi twa a vulavula, kutani va landzela Yesu. 38  Kutani Yesu a hundzuluka, loko a va vona va n’wi landzela, a ku eka vona: “Mi lava yini?” Va ku eka yena: “Rabi, (leri loko ri hundzuluxeriwa ri nge, Mudyondzisi,) xana u tshama kwihi?” 39  A ku eka vona: “Tanani, mi ta ku vona.”+ Hikwalaho va famba va ya vona laha a a tshama kona, ivi va tshama na yena siku rero; a ku ri kwalomu ka awara ya vukhume. 40  Andriya+ makwavo wa Simoni Petro a a ri un’wana wa lavambirhi lava tweke leswi Yohane a swi vuleke ivi va landzela Yesu. 41  Xo sungula yena u kume makwavo, Simoni, ivi a ku eka yena: “Hi kume Mesiya”+ (leri loko ri hundzuluxeriwa ri vulaka, Kreste).+ 42  A n’wi yisa eka Yesu. Loko Yesu a n’wi languta,+ a ku: “Hi wena Simoni+ n’wana wa Yohane;+ u ta vuriwa Khefasi” (leri loko ri hundzuluxeriwa ri nge Petro).+ 43  Hi siku leri tlhandlamaka a a navela ku ya eGaleliya. Kutani Yesu a kuma Filipi+ ivi a ku eka yena: “Vana mulandzeri wa mina.”+ 44  Filipi a a huma eBetsayida,+ emutini wa Andriya na Petro. 45  Filipi a kuma Nataniyele,+ a ku eka yena: “Hi n’wi kumile loyi Muxe a tsaleke ha yena eNawini,+ ni Vaprofeta+ va tsaleke ha yena, ku nga Yesu, n’wana wa Yosefa,+ loyi a humaka eNazareta.” 46  Kambe Nataniyele a ku eka yena: “Xana ku nga huma nchumu lowunene eNazareta?”+ Filipi a ku eka yena: “Tana u ta vona.” 47  Yesu a vona Nataniyele a ta eka yena kutani a vula leswi malunghana na yena: “Vonani, i Muisrayele hakunene, loyi a nga riki na vuxisi.”+ 48  Nataniyele a ku eka yena: “Xana u ndzi tivisa ku yini?” Yesu a n’wi hlamula a ku: “Ndzi ku vonile Filipi a nga si ku vitana, loko u ri ehansi ka nkuwa.” 49  Nataniyele a n’wi hlamula a ku: “Rabi, wena u N’wana wa Xikwembu,+ u Hosi+ ya Israyele.” 50  Yesu a n’wi hlamula a ku: “Xana u kholwa hileswi ndzi ku byeleke leswaku ndzi ku vone ehansi ka nkuwa? U ta vona swilo leswikulu ku tlula leswi.” 51  A tlhela a ku eka yena: “Hakunene ndzi tiyisile ndzi ri eka n’wina, Mi ta vona tilo ri pfuleka ni tintsumi+ ta Xikwembu ti tlhandluka ni ku xikela eka N’wana wa munhu.”+

Tinhlamuselo ta le hansi