Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 8:1-22

8  Kutani Bilidadi lowa Muxuha+ a hlamula a ku:   “Xana u ta vula swilo leswi ku fikela rini,+ Loko marito ya nomu wa wena ma ri mheho ya matimba ntsena?+   Xana Xikwembu hi xoxe xi ta soholota vuavanyisi,+ Kumbe Lowa Matimba Hinkwawo u ta soholota ku lulama?+   Loko vana va wena va n’wi dyoherile, Lerova a va tshika va nghena evokweni ra lava va va pfukelaka,   Loko wena hi wexe u lava Xikwembu,+ Naswona u kombela tintswalo eka Lowa Matimba Hinkwawo,   Loko u tengile naswona u lulamile,+ Sweswi a xi ta va xi ku xalamukerile Kunene a xi ta va xi vuyisele vutshamo bya wena lebyi lulameke.   Nakambe, masungulo ya wena ma nga ha va ma ve nchumu lowutsongo, Kambe endzhaku makumu ya wena ma ta kula swinene ngopfu.+   Kunene, ndzi kombela u vutisa xitukulwana lexo sungula,+ Naswona u kongomisa nyingiso wa wena eka swilo leswi lavisisiweke hi vatata wa vona.+   Phela hina hi va tolo,+ a hi tivi nchumu, Hikuva masiku ya hina emisaveni i ndzhuti.+ 10  Xana vona hi voxe a va nge ku leteli, va ku byela, Naswona a va nge humesi marito ma huma embilwini ya vona? 11  Xana ximila xa papirasi+ xi nga mila xi leha xi nga ri enhlangasini? Xana rihlanga ri nga kula ri nga ri na mati? 12  Loko xa ha hluka, xi nga si khiwa, Xi ta oma ni byanyi byi nga si oma.+ 13  Ti tano tindlela ta vanhu hinkwavo lava rivalaka Xikwembu,+ Ni ntshembo wa mugwinehi wu ta hela,+ 14  Lava ntshembo wa vona wu tsemiwaka, Lava ntshembo wa vona ku nga yindlu ya puma.+ 15  Yena u ta titshega hi yindlu yakwe, kambe a yi nge tshami yi yimile; U ta yi khoma, kambe a yi nge tshami nkarhi wo leha. 16  Mafi ya swimilana ma n’wi talerile emahlweni ka dyambu, Naswona xirhabyana xakwe xi ya entangeni wakwe.+ 17  Timitsu takwe ti tsondzela nhulu ya maribye, U vona yindlu ya maribye. 18  Loko munhu a n’wi mita endhawini yakwe,+ Kunene yi ta tlhela yi n’wi landzula yi ku, ‘A ndzi ku vonanga.’+ 19  Waswivo! Ti hela hi ndlela yoleyo tindlela takwe;+ Naswona van’wana va huma entshurini. 20  Waswivo! Xikwembu hi xoxe a xi nge n’wi bakanyi la pfumalaka xisandzu, A xi nge ri khomi ni voko ra vaendli va leswo biha, 21  Ku fikela loko xi tata nomu wa wena hi ku hleka, Xi tlhela xi wu tata ni hi ntsako. 22  Lava va ku vengaka va ta ambala tingana,+ Ni ntsonga wa lavo homboloka a wu nge he vi kona.”

Tinhlamuselo ta le hansi