Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 7:1-21

7  “Xana a wu kona ntirho+ wa nsindziso eka munhu wa nyama emisaveni,Xana masiku yakwe a ma fani ni masiku ya mutirhi la thoriweke?+   U hefemulela ehenhla a ri karhi a lava ndzhuti ku fana ni hlonga,+Naswona u rindzela hakelo yakwe ku fana ni mutirhi la thoriweke.+   Xisweswo ndzi averiwe tin’hweti ta ku rhendzeleka ka n’weti leti nga pfuniki nchumu,+Nivusiku bya ku karhateka+ byi vekeriwe mina.   Loko ndzi etlele ndzi tlhele ndzi ku, ‘Xana ndzi ta pfuka rini?’+Naswona loko vusiku byi fika, ndzi fikeriwe hi nkelunkelu kukondza ku fika ku vonakala ka nimixo.   Nyama ya mina yi ambale swivungu+ ni magavadi ya misava;+Nhlonge ya mina yi omile naswona ya handzukela.+   Masiku ya mina ma tsutsume+ swinene ku tlula xiluko xa muluki,Naswona ma hela ku nga ri na ntshembo nikatsongo.+   Tsundzuka leswaku vutomi bya mina i mheho;+Nileswaku tihlo ra mina a ri nge he tlheli ri swi vona leswinene.   Tihlo ra loyi a ndzi vonaka a ri nge he ndzi voni;Mahlo ya wena ma ta va ehenhla ka mina, kambe ndzi ta va ndzi nga ri kona.+   Kunene papa ra hela ri famba;Xisweswo loyi a rhelelaka eSheol a nge vuyi.+ 10  A nge he vuyeli endlwini yakwe,Ni ndhawu yakwe a yi nge he vi na mhaka na yena.+ 11  Na mina, a ndzi nge wu pfali nomu.Ndzi ta vulavula ndzi ri ni gome emoyeni;Ndzi ta karhateka hikwalaho ka mbitsi wa moya-xiviri wa mina!+ 12  Xana mina ndzi lwandle kumbe ndzi xivandzana xa le lwandle,Lerova u nga ndzi vekela murindzi?+ 13  Loko ndzi ku, ‘Mubedo wa mina wu ta ndzi chavelela,Sangu ra mina ri ta ndzi pfuna ku rhwala leswi swi ndzi karhataka,’ 14  U ndzi chavise ni hi milorho,Naswona u ndzi khindlimuxa hi swivono ndzi chava, 15  Lerova moya-xiviri wa mina wu hlawula ku va ni xihluku,Wu hlawula rifu+ ematshan’weni ya marhambu ya mina. 16  Ndzi byi bakanyile;+ a ndzi nge he tlheli ndzi hanya hilaha ku nga heriki.Ndzi tshike, hikuva masiku ya mina i moya ntsena.+ 17  Xana munhu wa nyama+ wo va yini lerova u nga n’wi hlayisa a kula,Leswaku u veka mbilu ya wena eka yena, 18  Lerova u nga nyikela nyingiso eka yena mixo wun’wana ni wun’wana,Leswaku nkarhi wun’wana ni wun’wana u n’wi ringa?+ 19  Hikwalaho ka yini u nga tshiki ku ndzi honolela,+Kumbe u ndzi tshika ndzi ri ndzexe ku fikela loko ndzi mita marhi ya mina? 20  Loko ndzi dyohile, i yini leswi ndzi nga swi endlaka ku lwa na wena, wena la Langutaka vanhu?+Hikwalaho ka yini u ndzi hlasela, leswaku ndzi va mpingu eka wena? 21  Hikwalaho ka yini u nga ndzi rivaleli xihoxo+ xa minaNaswona u honisa xidyoho xa mina?Hikuva sweswi ndzi ta etlela entshurini;+Kunene u ta ndzi lava, kambe ndzi ta va ndzi nga ha ri kona.”

Tinhlamuselo ta le hansi