Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 6:1-30

6  Yobo a ya emahlweni a hlamula a ku:   “Onge loko mbitsi+ wa mina hinkwawo a wu pimiwile, Hi nkarhi lowu fanaka maxangu ya mina a ma vekiwe exikalweni!   Hikuva sweswi swi tika ku tlula ni sava ra malwandle. Hi swona leswi endleke leswaku marito ya mina ma va mhaka leyi humeke endleleni.+   Hikuva miseve ya Lowa Matimba Hinkwawo yi lwa na mina,+ Ku nga vuxungu lebyi moya wanga wu byi nwaka;+ Ndzi fikeriwa hi ku chava loku humaka eka Xikwembu.+   Xana mangwa+ yi nga rila loko yi ri ni byanyi, Kumbe nkunzi yi nga bonga loko yi ri ni furu ya yona?   Xana swilo leswi phyamaka swi nga dyiwa swi nga ri na munyu, Kumbe, xana wu kona nantswo ematini ya mbhandzu wa maximalo?   Moya-xiviri wa mina wu ale ku khumba hinkwaswo. Swi fana ni vuvabyi eswakudyeni swa mina.   Onge xikombelo xa mina xi nga hetiseka Xikwembu xi ndzi nyika ni ntshembo wa mina!   Onge Xikwembu xi nga ndzi pfotlosa, Onge xi nga tshambuluta voko ra xona xi ndzi dlaya!+ 10  Sweswo swi nga ha ndzi chavelela; Naswona ndzi ta khana+ hikwalaho ka ntirho wa mina wo tika, Hambileswi a nga ta va a nga ri na ntsetselelo, hikuva a ndzi ma fihlanga+ marito ya Mukwetsimi.+ 11  Xana matimba ya mina i yini, lerova ndzi nga tshama ndzi rindzile?+ Xana makumu ya mina hi wahi, lerova ndzi nga tshamela ku endla leswaku moya-xiviri wa mina wu ya emahlweni wu hanya? 12  Xana matimba ya mina i matimba ya maribye? Kumbe, xana nyama ya mina i ya koporo? 13  Xana a ndzi nge swi koti ku tipfuna, Ni ntirho lowu vuyerisaka wu yisiwe ekule na mina? 14  Loko ku ri munhu la nga kombisiki musa wa rirhandzu eka munhu-kulobye,+ Munhu yoloye a nge he n’wi chavi ni Lowa Matimba Hinkwawo.+ 15  Vamakwerhu va endle hi vuxengi+ ku fana ni xinambyana xa vuxika, Ku fana ni swinambyana swa vuxika leswi tshamelaka ku phya. 16  Va dzwiharile hikwalaho ka ayisi, Gamboko yi tifihla ehenhla ka vona. 17  Va pfumala mati+ hi nguva leyi faneleke, va miyetiwile; Loko ku hisa va oma endhawini ya vona.+ 18  Magondzo ya tindlela ta vona ma hambukisiwile; Va ya endhawini leyi nga riki na nchumu kutani va fa. 19  Mintlawa ya Thema+ yi langutile, Ntlawa wa Vasebiya+ lowu fambaka na vona wu va rindzile. 20  Entiyisweni va ni tingana hikuva a va ri ni ntshembo; Va fike endhawini leyi handle ko kavanyetiwa, kutani va khomiwa hi tingana.+ 21  Hikuva sweswi n’wina mi endliwe mi nga vi nchumu;+ Mi vona swilo swo chavisa, kutani ma chava.+ 22  Xana swi vangiwa hileswi ndzi nga te, ‘Ndzi nyikeni swo karhi, Kumbe, xana mi ndzi humesela nyiko hi ku ya hi matimba ya n’wina; 23  Mi ndzi ponisa evokweni ra xirha,+ Mi ndzi kutsula ni le vokweni ra vaxanisi’?+ 24  Ndzi leteleni, kutani mina ndzi ta miyela;+ Naswona endlani leswaku ndzi vona xihoxo lexi ndzi nga xi endla.+ 25  Marito ya vululami—a ma vavi!+ Kambe, xana ku tshinya ka n’wina ku pfuna yini?+ 26  Xana mi boha makungu+ ya ku xopaxopa marito, Loko marito ya loyi a nga ni gome ma va moya ntsena?+ 27  Ma ha ta ya emahlweni mi hoxa vuhlolotwana ku dyelela la nga riki na tatana,+ Mi xavisa vanakuloni!+ 28  Sweswi yanani emahlweni, nyikelani nyingiso eka mina, Mi vona loko ndzi ta hemba+ eswikandzeni swa n’wina. 29  Ndzi kombela mi vuya—lexi nga lulamangiki xi nga vi kona— Ina, vuyani—ku lulama ka mina ka ha ri kona.+ 30  Xana ku ni lexi nga lulamangiki eririmini ra mina, Kumbe, xana malaka ya mina a ma wa twi maxangu?

Tinhlamuselo ta le hansi