Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 5:1-27

5  “Ndzi kombela u vitana! Xana u kona la ku hlamulaka? Xana u ta hundzukela eka wihi wa lavo kwetsima?   Hikuva xiphukuphuku xi ta dlayiwa hi mbitsi, Naswona la yengiwaka hi ku olova u ta dlayiwa hi mona.   Mina ndzi vone xiphukuphuku xi dzima timitsu,+ Kambe hi ku hatlisa ndzi sungule ku sandza vutshamo bya xona.   Vana va xona va le kule ni ku ponisiwa,+ Naswona va pfotlosiwa etinyangweni va nga ri na mukutsuri.   Leswi xi swi tshovelaka swi dyiwa hi lava nga ni ndlala; Va swi teka hambi swi ri eka swihayeko, Entiyisweni ni ntlhamu wu kavatlula leswi va tihlayisaka ha swona.   Hikuva leswi vavisaka a swi humi entshurini wa ntshuri, Naswona ku karhateka a ku humi emisaveni ya misava.   Hikuva munhu u velekeriwe ku karhateka, Hilaha tinhlahle ti hahelaka ehenhla hakona.   Hambiswiritano, mina ndzi ta vutisa Xikwembu, Naswona ndzi ta yisa mhaka ya mina eka Xikwembu,+   Xona lexi endlaka swilo leswikulu leswi nga lavisisekiki, Swilo swo tala swinene leswi hlamarisaka;+ 10  Xona lexi nisaka mpfula ehenhla ka vuandlalo bya misava+ Ni lexi rhumaka mati ehenhla ka masimu;+ 11  Xona lexi xi va vekaka etindhawini leti tlakukeke lava nga exiyin’weni xa le hansi,+ Leswaku lava hlunameke va va ehenhla swinene eku ponisiweni; 12  Xona lexi pfilunganyaka makungu ya tintlhari,+ Leswaku mavoko ya tona ma nga tirhi hi ndlela leyi vuyerisaka; 13  Xona lexi khomaka lavo tlhariha eku kanganyiseni ka vona,+ Leswaku makungu ya lava mano ma endliwa hi matlotlo;+ 14  Va va emunyameni hambi ku ri ninhlikanhi, Naswona va ambambela ninhlikanhi ku fana ni nivusiku;+ 15  Xona lexi ponisaka munhu eka banga ra nomu wa vona, Lexi xi ponisaka xisiwana evokweni ra lowa matimba,+ 16  Leswaku xisiwana xi va ni ntshembo,+ Kambe vuhomboloki byi pfala nomu.+ 17  Waswivo! Wa tsaka munhu loyi Xikwembu xi n’wi tshinyaka;+ Naswona u nga yi bakanyi ndzayo ya Lowa Matimba Hinkwawo! 18  Hikuva yena hi yexe u vanga ku vaviseka, kambe wa yi bohelela mbanga; Wa tshovelela, kambe mavoko yakwe ma horisa. 19  U ta ku kutsula eka maxangu ya tsevu,+ Naswona eka ya nkombo a wu nge khumbiwi hi nchumu xo biha.+ 20  Kunene u ta ku kutsula eku feni hi nkarhi wa ndlala,+ Ni le matimbeni ya banga hi nkarhi wa nyimpi. 21  Wena u ta fihliwa leswaku ririmi ri nga ku bi,+ Naswona a wu nge chavi ku lahlekeriwa loko nkarhi wu fika. 22  U ta hleka loko u lahlekeriwa niloko u ri ni ndlala, Naswona a wu fanelanga u chava swivandzana swa misava. 23  Hikuva ntwanano wa wena wu ta fana ni maribye ya nhova, Naswona xivandzana xi ta hanya na wena hi ku rhula.+ 24  Kunene u ta swi tiva leswaku ku rhula hi koxe i ntsonga wa wena, Naswona u ta boheka ku famba u ya vona laha u dyelaka kona, a wu nge kayeli nchumu. 25  Kunene u ta swi tiva leswaku vana va wena va tele+ Nileswaku vatukulu va wena va fana ni swimila swa misava.+ 26  U ta ta exilahlweni u ri ni matimba,+ Ku fana niloko nyandza yi fumbana hi nkarhi wa yona. 27  Waswivo! Leswi hi swona leswi hi swi kambisiseke. Swi tano. Yingisa—u swi tiva hi wexe.”

Tinhlamuselo ta le hansi