Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 41:1-34

41  “Xana u nga phasa Levhiyathani+ hi xinjovo,Kumbe u nga bohelela ririmi ra yona hi pindza?   Xana u nga nghenisa vungu etinhompfini+ ta yona,Kumbe u nga boxa tinhlaya ta yona hi mutwa?   Xana yi nga ku kombela ko tala,Kumbe yi nga ku byela marito yo olova?   Xana yi nga endla ntwanano na wena,Leswaku u yi teka yi va hlonga hilaha ku nga heriki?   Xana u nga tlanga na yona ku fana niloko u tlanga ni xinyenyana,Kumbe, xana u nga yi tsimbela vana va wena va vanhwanyana?   Xana vaxavisi va nga xaviselana yona?Xana va nga yi avanyisela van’wamabindzu?   Xana u nga tata dzovo ra yona hi miseve yo copa tinhlampfi letikulu,+Kumbe nhloko ya yona hi mafumu ya tinhlampfi?   Veka voko ra wena ehenhla ka yona.Tsundzuka nyimpi. U nga ha swi endli nakambe.   Waswivo! Kunene munhu u ta khomisiwa tingana hileswi a swi languteleke eka yona.Munhu u ta tlhela a wela ehansi hi ku yi languta ntsena. 10  A nga kona la nga ni xivindzi lerova a nga yi pfuxa.I mani la nga vaka ni xivindzi lerova a nga yima a tiyile emahlweni ka mina?+ 11  I mani la rhangeke a ndzi nyika nchumu wo karhi, lowu ndzi bohekaka ku n’wi hakela wona?+Leswi nga ehansi ka matilo i swa mina.+ 12  A ndzi nge miyeli malunghana ni swiphemu swa yonaKumbe malunghana ni matimba ya yona ni ku saseka ka swiphemu swa yona. 13  I mani la fununguleke swiambalo swa yona?I mani la nga nghenaka etinhlayeni ta yona timbirhi? 14  I mani la pfuleke tinyangwa ta xikandza xa yona?Meno ya yona ma chavisa matlhelo hinkwawo. 15  Mugerho wa mahakatimba ya yona i ku titlakusa ka yona,Ma pfaleke onge hiloko ma lemiwe hi xilemo xo tiya. 16  Ma hlangana kahle rin’wana eka rin’wana,Hambi ku ri moya a wu nge ngheni exikarhi ka wona. 17  Ma namarhelane khwatsi;Ma khomananile naswona a ma nge hambaniseki. 18  Ku entshemula ka yona ku humesa ku vonakala,Ni mahlo ya yona ma kotisa ku vangama ka vurhonga. 19  Endzeni ka nomu wa yona ku huma ku vonakala ka rihati,Ku baleka ni tinhlahle ta ndzilo. 20  Musi wu huma etinhompfini ta yona,Ku fana ni khele leri lumekiweke hi xingoya. 21  Moya-xiviri wa yona wu lumeka makala,Ni langavi ri huma enon’wini wa yona. 22  Enhan’wini ya yona ku tshama ntamu,Gome ra baleka emahlweni ka yona. 23  Mimpetso ya nyama ya yona yi namarhelanile;Yi vumbiwe eka yona, a yi tsekatseki. 24  Mbilu ya yona yi vumbeke ku fana ni ribye,Ina, yi vumbeke ku fana ni ribye ro sila ra le hansi. 25  Loko yi yima, lava matimba va tshuka;+Va pfilunganyeka hikwalaho ka ku chava. 26  Banga a ri swi koti ku yi hlula,Hambi ku ri fumu, tlhari leritsongo kumbe nseve.+ 27  Yi teka nsimbi+ ku fana ni byanyi byinene,Koporo ku fana ni ntsandza wo bola. 28  Nseve a wu yi hlongoli;Maribye ya xipelupelu+ ma hundzuka mahlanga manene eka yona. 29  Yi teka muchizo wu ri rihlanga rinene,+Naswona yi hleka ku ketlaketla ka tlhari. 30  Khwiri ra yona ri fana ni swirhengele;Yi famba ehenhla ka ndzhope ku fana ni xileyi.+ 31  Yi virisa vuenti ku fana ni mbita;Yi endla lwandle ri fana ni mbita ya mafurha. 32  Endzhaku ka yona yi endla leswaku ndlela yi voninga;Munhu u ta vona xidziva xa mati onge i misisi ya mpunga. 33  A xi kona lexi fanaka na yona ehenhla ka misava,Lexi endliweke leswaku xi nga chavi. 34  Xi vona hinkwaswo leswi tlakukeke.I hosi ya swivandzana hinkwaswo leswikulu.”

Tinhlamuselo ta le hansi