Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 40:1-24

40  Yehovha a ya emahlweni a angula Yobo a ku:   “Xana muxopaxopi wa swihoxo a nga kanetana ni Lowa Matimba Hinkwawo?+ La solaka Xikwembu a a hlamule.”+  Kutani Yobo a hlamula Yehovha a ku:   “Waswivo! A ndzi nchumu.+ Xana ndzi ta ku angula yini? Voko ra mina ndzi ri veke enon’wini wa mina.+   Ndzi vulavule kan’we, a ndzi nge he hlamuli; Naswona kambirhi, a ndzi engeti nchumu.”  Kutani Yehovha a ya emahlweni a hlamula Yobo a ri exidzedzeni+ a ku:   “Ndzi kombela u tikhama xisuti, ku fana ni munhu la tiyeke emirini;+ Ndzi ta ku vutisa, wena u ndzi byela.+   Kunene, xana u nga endla leswaku vululami bya mina byi nga tirhi? Xana u nga ndzi vula wo homboloka leswaku wena u ta va wo lulama?+   Kumbe, xana u ni voko ro kota ra Xikwembu xa ntiyiso,+ Xana u nga dzindzisa tilo hi rito ro fana ni ra xona?+ 10  Ndzi kombela u tiambexa vukulu+ ni ku tlakuka;+ U tiambexa xindzhuti+ ni ku vangama.+ 11  Ku hlundzuka+ ka wena lokukulu ka vukarhi a ku khuluke, U vona un’wana ni un’wana la titlakusaka u n’wi yisa ehansi. 12  Vona un’wana ni un’wana la titlakusaka, u n’wi tsongahata,+ Naswona kandziyela lavo homboloka laha va nga kona. 13  Va fihle hinkwavo entshurini,+ Boha swikandza swa vona endhawini leyi fihlekeke, 14  Mina ndzi ta ku bumabumela, Hikuva voko ra wena ra xinene ri nga ku ponisa. 15  Sweswi hi leyi Behemoti leyi ndzi yi endleke kukota wena. Yi dya+ byanyi ku fana ni nkunzi. 16  Matimba ya yona ma le masengeni ya yona, Ni matimba ya yona lamakulu+ ma le minsiheni ya khwiri ra yona. 17  Yi khotsa ncila wa yona ku fana ni mukedari; Misiha ya mindzhumbi ya yona yi tsondzelanile. 18  Marhambu ya yona i tiphayiphi ta koporo; Marhambu ya yona yo tiya ma fana ni tinhonga ta nsimbi. 19  I masungulo ya tindlela ta Xikwembu; Muendli+ wa yona a nga tshineta banga rakwe ekusuhi. 20  Hikuva tintshava ti yi mirisela swakudya,+ Ni swivandzana hinkwaswo swa nhova swi tlanga kwalaho. 21  Yi etlela ehansi ka murhi wa lothasi, Endhawini leyi tumbeleke ya mahlanga+ ni le ndhawini leyi nga nhlangasi.+ 22  Mirhi ya lothasi ya mitwa yi yi siva hi mindzhuti ya yona; Mirhi ya phopla ya le nkoveni yi yi rhendzerile. 23  Loko nambu wu tele ngopfu, a yi baleki. Ya titshemba, hambiloko Yordani+ o khapela enon’wini wa yona. 24  Xana u kona la nga yi tekaka yi n’wi langutile? Xana u kona la nga boxaka nhompfu ya yona hi mintlhamu?

Tinhlamuselo ta le hansi