Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 4:1-21

4  Kutani Elifazi+ lowa Mutemani a angula a ku:   “Loko ndzi vula rito eka wena, xana u ta hela matimba? Kambe, i mani la kotaka ku miyela?   Waswivo! U ololoxe vo tala,+ Naswona a wu tiyisa mavoko lama tsaneke.+   Loko un’wana a khunguvanyeka, marito ya wena a ma n’wi pfuxa;+ Naswona a wu tiyisa matsolo lama helaka matimba.+   Kambe sweswi swi ta eka wena, u hela matimba; Loko na wena swi ku khumba, wa karhateka.   Xana xichavo xa wena a hi xona xi nga xisekelo xa ntshembo wa wena? Xana ntshembo wa wena a hi wona wu ku tiyisaka+ etindleleni ta wena?   Ndzi kombela u tsundzuka: I mani la nga riki na nandzu la tshameke a fa? Xana hi kwihi laha la lulameke+ a tshameke a herisiwa?   Hi ku ya hileswi ndzi swi voneke, lava kunguhataka leswi vavisaka Ni lava byalaka ku karhata va ta swi tshovela.+   Va fa loko Xikwembu xi hefemula, Naswona va hela hi moya wa ku hlundzuka ka xona. 10  Nghala ya vomba, naswona ku twala ku pfuma ka xinghalana, Kambe meno ya swinghalana leswa ntshiva ma tshoveka. 11  Nghala ya fa hileswi yi pfumalaka swakudya, Naswona vana va tinghala va hambanisiwa. 12  Ndzi byeriwe rito ndzi ri exihundleni, Ni ndleve ya mina yi twe ku hleveteriwa ka rona,+ 13  Ndzi karhatekile emiehleketweni hi swivono swa vusiku, Loko vurhongo lebyikulu byi fikela vanhu. 14  Ndzi sungule ku chava, ndzi rhurhumela, Naswona marhambu ya mina lamanyingi ma tale hi ku chava. 15  Naswona moya hi woxe wu hundza exikandzeni xa mina; Misisi ya nyama ya mina yi sungula ku yima yi ku jivinini! 16  Hiloko wu yima wu nga fambi, Kambe a ndzi ku tivanga ku languteka ka wona; Xivumbeko xa wona a xi ri emahlweni ka mahlo ya mina; Ku ve ni ku rhula, kutani ndzi twa rito: 17  ‘Munhu wa nyama—xana a nga va la lulameke ku tlula Xikwembu? Kumbe, xana munhu la tiyeke emirini a nga basa ku tlula Muendli wakwe?’ 18  Waswivo! A xi ri veki ripfumelo eka malandza ya xona, Naswona xi vona swihoxo eka varhumiwa va xona. 19  Xi endla tano ngopfu-ngopfu eka lava tshamaka etindlwini leti akiweke hi misava, Lava masungulo ya vona ku nga ntshuri!+ Va pfotlosiwa hi ku hatlisa ku tlula nsumba. 20  Va pfotlosiwa ku sukela nimixo ku fikela nimadyambu; Va fela makumu, ku nga ri na loyi a swi tekelaka enhlokweni. 21  Xana a ti simuriwanga tintambu ta ntsonga wa vona leti nga eka vona? Va fa hi ku pfumala vutlhari.

Tinhlamuselo ta le hansi