Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 37:1-24

37  “Hakunene mbilu ya mina ya rhurhumela+ hi leswi, Naswona ya tlula yi suka endhawini ya yona.   Yingisisani ku pfuma ka rito ra xona,+ Ni ku bonga loku humaka enon’wini wa xona.   Xi ku ntshunxela ehansi ka matilo hinkwawo, Ni rihati+ ra xona ri fika emakumu ya misava.   Endzhaku ka rona ku twala mpfumawulo; Xi dzindza+ hi mpfumawulo wa ku tlakuka ka xona,+ Naswona a xi swi yimisi loko rito ra xona ri twiwa.+   Xikwembu xi dzindza hi rito+ ra xona hi ndlela leyi hlamarisaka, Xi endla swilo leswikulu leswi hi nga ta ka hi nga swi tivi.+   Hikuva xi byela gamboko xi ku, ‘Wela emisaveni,’+ Ni maboboma ya mpfula, ni maboboma ya timpfula ta xona ta matimba.+   Xi veka xilemo evokweni ra munhu un’wana ni un’wana wa la misaveni Leswaku munhu un’wana ni un’wana wa nyama a ta tiva ntirho wakwe.   Ni xivandzana xa tumbelela, Xi tshama etindhawini ta xona leti tumbeleke.+   Mheho yi huma ekamareni ra le mpfungwe+ Mheho yo titimela yi huma en’walungwini.+ 10  Loko Xikwembu xi hefemula ku huma ayisi+ Naswona vuanamo bya mati bya gwitsila.+ 11  Ina, xi veka nkahelo epapeni, Ku vonakala+ ka xona ku hangalasa mapapa, 12  Ma hundzulukela kun’wana ni kun’wana laha ma kongomisiwaka kona Nkarhi wun’wana ni wun’wana loko xi ma lerisa+ ehenhla ka xikandza xa tiko leri noneke. 13  Ma nga ha va nxupulo+ kumbe ma katekisa tiko+ ra xona Kumbe ma va musa wa rirhandzu.+ 14  Wena Yobo, yingisa swilo leswi; Yima u tiyile, u rhiya ndleve u yingisa mintirho leyi hlamarisaka ya Xikwembu.+ 15  Xana wa swi tiva leswaku Xikwembu xi swi veke rini,+ Niloko xi endla leswaku ku vonakala ka papa ra xona ku vangama? 16  Xana wa swi tiva leswaku papa+ ri hayekiwe njhani empfhukeni, Mintirho yo hlamarisa ya Loyi a nga ni vutivi lebyi hetisekeke?+ 17  Ndlela leyi tinguvu ta wena ti hisaka ha yona Loko misava yi rhula ku suka edzongeni?+ 18  Xana u nga andlala xibakabaka swin’we na xona+ Xi nonon’hwa ku fana ni xivoni lexi endliweke hi ku n’okisiwa? 19  Hi byele leswi hi nga ta swi vula eka xona; Hikwalaho ka munyama a hi nge vuli marito. 20  Xana xi fanele xi byeriwa leswi ndzi nga ta swi vula? Kumbe xi lo byeriwa hi munhu un’wana leswaku xi swi tiva?+ 21  Sweswi a va ku voni ku vonakala hakunene; Ka vangama exibakabakeni, Loko mheho yi hundzile naswona yi xi basisile. 22  Ku vangama ka nsuku ku huma en’walungwini. Xindzhuti+ lexi chavisaka xi le henhla ka Xikwembu. 23  Loko ku ri Lowa Matimba Hinkwawo, a hi n’wi twisisi;+ U tlakukile hi matimba,+ Vululami+ ni ku tshembeka+ ko tala a nga ku languteli ehansi.+ 24  Hikokwalaho vanhu a va n’wi chave.+ A nga na mhaka na vona lava tlhariheke embilwini ya vona.”+

Tinhlamuselo ta le hansi