Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Yobo 36:1-33

36  Elihu a ya emahlweni a ku:   “Ndzi lehiselenyana mbilu, ndzi ta ku byela Hikuva ka ha ri ni marito lawa ndzi nga ta ma vulavulela Xikwembu.   Ndzi ta byi yisa ekule swinene vutivi bya mina, Muvumbi wa mina ndzi ta n’wi vula la lulameke.+   Hikuva entiyisweni marito ya mina a hi mavunwa; La nga ni vutivi+ lebyi hetisekeke u na wena.   Waswivo! Xikwembu xi ni matimba+ naswona a xi bakanyi munhu; I xikulu hi matimba ya ku twisisa;   Munhu wo homboloka a xi nge n’wi londzovoti a hanya,+ Kambe lava xanisekaka xi ta va avanyisela.+   A xi nge ma susi mahlo ya xona eka munhu wo lulama;+ Hambi ku ri eka tihosi exiluvelweni+ Xi ta tlhela xi ti tshamisisa kona hi masiku, ti ta tlakusiwa.   Naswona loko va bohiwe hi tinsimbi,+ Va khomiwa hi mapindza ya ku xaniseka.   Kutani xi ta va byela ndlela leyi va endlaka ha yona Ni ku tlula ka vona nawu, hikuva va titlakusa. 10  Naswona xi ta pfula ndleve ya vona leswaku va twa xikhongotelo,+ Naswona xi ta vula leswaku va fularhela swo biha.+ 11  Loko va xi yingisa ni ku xi tirhela, Va ta heta masiku ya vona hi leswinene Ni malembe ya vona entsakweni.+ 12  Kambe loko va nga yingisi, va ta lova+ hi nseve,+ Va ta timeka va nga ri na vutivi. 13  Naswona lava gwineheke embilwini va ta tihlayisela mahlundzu.+ A va nge kombeli ku pfuniwa hikuva xi va bohile. 14  Moya-xiviri wa vona wu ta fa va ha ri vantshwa,+ Ni vutomi bya vona exikarhi ka tinghwavava ta xinuna ta le tempeleni.+ 15  Xi ta ponisa la xanisekaka eku xanisekeni kakwe, Naswona xi ta pfalula ndleve ya vona eku tshikileriweni. 16  Kunene xi ta tlhela xi ku ponisa enon’wini wa maxangu!+ Xi ku veka endhawini yo anama,+ leyi nga khumangiki, Ni leswi vekiweke etafuleni ra wena leswaku swi ku chavelela swi ta va swi nonile.+ 17  Kunene u ta tala hi vuavanyisi bya ku avanyisa la hombolokeke;+ Xigwevo xa ku avanyisa ni vululami swi ta ku wela. 18  Xiya leswaku vukarhi+ byi nga ku yengeli eku phokoteleni ka mavoko hi mona, Ni nkutsulo+ lowukulu wu nga ku lahlekisi. 19  Xana ku rilela ka wena mpfuno swi ta ku pfuna ha yini?+ E-e, hambi ku ri emaxangwini Hambi ku ri eka matshalatshala ya wena hinkwawo ya matimba.+ 20  U nga tshuki u navela vusiku, Leswaku vanhu va tlhentlha lomu va nga kona. 21  Tivonele leswaku u nga hundzulukeli eka swo biha,+ Hikuva u hlawule leswi ematshan’weni ya ku xaniseka.+ 22  Waswivo! Xikwembu xi endla hilaha ku tlakukeke hi matimba ya xona; I mani muleteri la fanaka na xona? 23  I mani la xi konaniseke hi ndlela ya xona,+ I mani la vuleke a ku, ‘U endle nchumu lowu nga lulamangiki’?+ 24  Tsundzuka leswaku u fanele u twarisa ntirho+ wa xona Lowu vanhu va yimbeleleke ha wona.+ 25  Vanhu hinkwavo va wu honolerile; Munhu wa nyama u hambeta a languta a ri ekule.+ 26  Waswivo! Xikwembu xi tlakuke ngopfu ku tlula leswi hina hi nga swi tivaka;+ Malembe ya xona ma tele, a ma lavisiseki.+ 27  Hikuva xi tlhandlukisa mathonsi ya mati;+ Ma dzururuka ku fana ni mpfula ma va hunguva ya xona, 28  Lerova mapapa ma huma,+ Ma nela vanhu hi vunyingi. 29  Hakunene, i mani la nga twisisaka xivumbeko xa papa, Ku pfuma ka ntsonga+ wa xona? 30  Waswivo! Xi andlale ku vonakala ka xona ehenhla ka wona,+ Xi funengete timitsu ta lwandle. 31  Hikuva xi rivalela vanhu milandzu ya vona hi swilo sweswo;+ Xi va nyika swakudya swo tala.+ 32  Xi fumbarhele rihati emavokweni ya xona, Naswona xa ri lerisa leswaku ri ba muhlaseri.+ 33  Huwa+ ya rona yi hi byela ha xona, Ni swifuwo malunghana ni loyi a taka.

Tinhlamuselo ta le hansi